THEU NAI 7:20 - Khumi Common Language Bible

²⁰ Naibaly Mosi nini Aron ly Areng my leu pei nai kamta sa hawi nai ne. Aron ly samrang hawi bangtangchi i mo y cheaungvawi syn naimy tavo tui y pakhau i, tavo tui ly thi lawm be bo.

THEU NAI 7:20 ပူးပေါင်းရင်းမြစ်များ

2 ARENG KEH 4:29

Elisa ly Kehazi mang y motha iy, “Kai i cheaungvawi lo ly chei kaliki; lam y ami ai py leu preng moh. Nang ai leu preng lawh teu i py pathang moh. Yhm y tym pa-rei chei iy, deaungdi salo y kai i cheaungvawi khai ba,” nanai pato.

SAM 105:29

Mymy ly nichi i tavo tuichi ai thi lawm hai i, ngo awm nai ngiereichi dei hai be bo.

SAM 78:44

Aikupta mipuichi nei pajau y ai nai micheaungchi hawi tavochira i tuichi ai mymy ly thi lawm hai bo.

THEU NAI 4:9

Na i py nichi ly hini ka-ma-ra nyhrei niu iy ym y, nang i leu py tangai u y veangveang lawh baly Naing tavo tui deu iy, khaileaung y lei, tui ly thi lawm ai mang,” napi.

THEU NAI 7:10

Hunaibaly Mosi nini Aron ly Areng i leu pei nai kamta samrang teng y chei hawi bo. Aron ly samrang hawi ni i bangtangchi i mo y cheaungvawi aphi i, huni cheaungvawi ly pavui lawm vui bo.

THEU NAI 7:21

Tavo theung i ngochi ly dei bo; tui ly khri pa-rei mui nai deaungkho y Aikupta khumichi ly huni tui nei thai y nai ne. Aikupta pri meingtym tleirei y thi kawi na bo.

THEU NAI 7:6

Mosi nini Aron ly Areng i leu pei nai kamta, samrang teng y thui pi bo.

HABAKKUK 3:8

Aw Areng, nang kado theu ai nai kachyh nai ly tavochi, micheaungchi my a? Nang ai khri pa-rei kado theu hai nai ly pangli my a? Nang ly tamaichi theung y atang bo; nang i khumichi teng y eaung naira tym hai nai khala, ali kani hawi tamai ly nang i tavai keaungngo ka-ri ne.

AMTENG HAI NAI 8:8

Naibaly kani pri i amtaw thau nai pa-nyh i nai ly eng i, mawi pui ka-tawm kang thym naimy pangli y aphi kathiu bo: naibaly pangli phy thomrei y phyrei ly thi lawn vui bo;