THEU NAI 7:19 - Khumi Common Language Bible

¹⁹ Naibaly Areng my Mosi teng y, “Nang ly Aikupta pri y awm nai tavo katheang kalen, tuikan hawi ang-chi salo y cheaungvawi hawi lilei sy; hunaibaly pri verei i tui ly thi lawn be iy dengkeaung tui kadengra hawi lengseaung laawmchira i tui bawibawichi py thi lawm vui ai,’ nanai thui pi,” napi.

THEU NAI 7:19 ပူးပေါင်းရင်းမြစ်များ

ATITI AWM ANGCHEI NAI 1:10

Tameuh my kacheng ai ly “Khaileaung” pathi iy, tui awm achu nai ai ly “Pangli” pathi bo. Naibaly Tameuh ly hawi nai niu i amo theu.

2 ARENG KEH 4:29

Elisa ly Kehazi mang y motha iy, “Kai i cheaungvawi lo ly chei kaliki; lam y ami ai py leu preng moh. Nang ai leu preng lawh teu i py pathang moh. Yhm y tym pa-rei chei iy, deaungdi salo y kai i cheaungvawi khai ba,” nanai pato.

THEU NAI 10:12

Naibaly Areng my Mosi teng y, “Aikupta pri y akhutamachi theu ai nai nang i kiu pheu; akhutamachi tym iy ji tla hai nai kamthum phra bawi y nai keungchi cha pawn ai mang,” napi.

THEU NAI 10:21

Naibaly Areng my Mosi teng y, “Aikupta pri y khri pa-rei vengthi na ai nai, nang i kiu ly kani mang y pheu,” napi.

THEU NAI 14:16

Nang ly cheaungvawi syn iy, pangli salo y pheu; Tui ly akhawi thla iy teng teng mang y akalym pawn ai i, Israela chengchi ly pangli paichi khaileaung kaphui mang tako ai nai nga u ai.

THEU NAI 14:21

Mosi ly pangli salo y kiu pheu nai khala, Areng my nisi ali vumtorei aho hai nai deaungkho y, pangli tui ly akhawi thla i akalym pawn iy, tuili paichi ly phui hai rawm veng bo.

THEU NAI 14:26

Areng my Mosi teng y, “Pangli salo y nang i kiu pheu ly Aikupta tavaimichi, tavai ka-richi hawi ka-ri lu sa naichi salo y pangli tui ly tlenrei khyhmy avum hai tawp teang ai,” napi.

THEU NAI 4:9

Na i py nichi ly hini ka-ma-ra nyhrei niu iy ym y, nang i leu py tangai u y veangveang lawh baly Naing tavo tui deu iy, khaileaung y lei, tui ly thi lawm ai mang,” napi.

THEU NAI 8:16

Naibaly Areng my Mosi teng y, “Aron ai cheaungvawi hawi khaileaung y pakhau ai nai leu pei. Aikupta pri verei i spryh ly saimawmchi lawm ai mang,” napi.

THEU NAI 9:33

Naibaly Mosi ly samrang teng i nai theu iy mary angam mang y theu i, kiu pheu naimy Areng teng y chiu sa. Naibaly kani nai nai, kani pajyh nai, ji tla naichi py aham ryp bo.

ISAIA 19:10

peh aneang nai keungchi hawi tau cheng nai kalop sa keungchi py, athosi u ai.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

HABAKKUK 3:8

Aw Areng, nang kado theu ai nai kachyh nai ly tavochi, micheaungchi my a? Nang ai khri pa-rei kado theu hai nai ly pangli my a? Nang ly tamaichi theung y atang bo; nang i khumichi teng y eaung naira tym hai nai khala, ali kani hawi tamai ly nang i tavai keaungngo ka-ri ne.