THEU NAI 7:17 - Khumi Common Language Bible

¹⁷ Samrang awi, Areng i leu pei nai ly ‘Kai ly Areng ne,’ nanai vai, kai i sa nai molam y nang pany ai, ang napi. Kai ly hini cheaungvawi hawi Naing tavo tui y pakhau baly, tui ly thi lawm be ai.

THEU NAI 7:17 ပူးပေါင်းရင်းမြစ်များ

1 ARENG KEH 20:28

Amo leaungrei ly samrang teng y chei iy, “Areng my, ‘kai ly mawi peang nai tameuh ne; adym ai ly peang y leang, nanai Suria chengchi my thui nai deaungkho y, nichi i khri pa-rei nawi nai tavaimi kamkawm ai, nang i kiu y kang-au ai; kai ly Tameuh ne, nanai nang hawi vanrei nang i khumichi pany u ai,’ nanai leu ang pei,” napi.

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

SAM 105:29

Mymy ly nichi i tavo tuichi ai thi lawm hai i, ngo awm nai ngiereichi dei hai be bo.

SAM 78:44

Aikupta mipuichi nei pajau y ai nai micheaungchi hawi tavochira i tuichi ai mymy ly thi lawm hai bo.

SAM 83:18

Nichi ly nang leaungrei naini Areng ne, nanai hawi, khaileaung pri verei y samrangchi tleaung y samrang ne, nanai py pany u sy.

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

THEU NAI 1:22

Naibaly samrang my mymy i chengchi teng y kangkhym kangtem leu pei nai ly “Hebrai neampachychi i tapen nai neampacho ka-so ngierei ai ly Naing tavo y aphi u; na i py neampachy ne lawh baly kang heng khai u,” napi.

THEU NAI 4:9

Na i py nichi ly hini ka-ma-ra nyhrei niu iy ym y, nang i leu py tangai u y veangveang lawh baly Naing tavo tui deu iy, khaileaung y lei, tui ly thi lawm ai mang,” napi.

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

THEU NAI 7:20

Naibaly Mosi nini Aron ly Areng my leu pei nai kamta sa hawi nai ne. Aron ly samrang hawi bangtangchi i mo y cheaungvawi syn naimy tavo tui y pakhau i, tavo tui ly thi lawm be bo.

THEU NAI 7:5

Huna nai Aikupta chengchi ai kai i kiu pheu iy, Israelachi ai kapatheu nai khala, kai ly Areng ne, nanai Aikupta chengchi pany u ai,” napi.

Ezekiela 25:17

Nichi ai khri pa-rei pajeng iy hawihai palai vawitheung katha ai. Huna nai khala kai ly Areng ne, nanai nichi pany u ai,” napi.

Ezekiela 29:9

Aikupta pri ly khumi angso savai tlang nai meingtym lawm ai. Huna nai khala kai ly Areng ne, nanai nichi pany u ai. “Naing tavo ly nangmy i peang nai, nangmy i palum nai ne, nanai thui nai deaungkho y,

Ezekiela 30:19

Hina nai kamta Aikupta pri ai pajeng nai khala, kai ly Areng ne, nanai nichi pany u ai,” napi.

Ezekiela 30:8

Kai ly Aikupta pri ai mai kang hai iy huni pri ai asa hai nai khumi bawibawichi dei nai khala, kai ly Areng ne, nanai nichi pany u ai.

Ezekiela 32:15

Aikupta pri y khumi angso savai tlang nai meingtym lawm hai ai i, yhmtheaung katuichi hawi, huni pri y awm nai khumi bawibawichi ai tamyh pawn nai khala, kai ly Areng ne, nanai nichi pany u ai.

Ezekiela 32:6

Khaileaung y nang i thi hawi suinie hai ai. Huni thi ly mawi saleung y khrairei sui ai. Tavo micheaungchi py nang i thi kawi na ai.

Ezekiela 38:23

Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly Areng ne, nanai nichi pany u ai,” napi.

Ezekiela 39:28

Huna nai khala kai i khumichi ly kai ai, mychi i Areng Tameuh ne, nanai pany u ai. Ati mana nai mo na baly kai ly vaichi khala, nichi langheng hawi vui nai avum hai teu i py, vai ly leaungrei py takhawi y na pa-rei pangym iy, mymychi i pri y tha teang nai deaungkho y ne.

DANIELA 4:17

Hini ly ang khen ang kry nai kani pri amtaw thauchi i sa nai saichi ne. Hunai deaungkho y tahm asang parai nai Tameuh ly khaileaung prichi tlang tleaung y sa thai naira kawi angym nanai py, mymy ly tahm anem keh nai khumi ai malawn py vawi iy samrang y palyn pajau nanai py, meingtym tleirei y awm nai khumi bawibawichi pany u sy,” nanai tao pajeng parai naimy aeu bo.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

DANIELA 5:21

Ni ly khumi kamkawm theung i nai patheu vui nai avum iy, amso tawnbawi paleung kun bo. Ni ly daichi keaungngo kano kasau karamchi hawi vanrei awm iy, si kamta acha cha nai ne. Abyhra by y naimy, kadam theung y i ai nai tla bo. Kangkhym y ly tahm asang parai nai Tameuh my khaileaung pri verei ai peang iy, mymy i ngai nai khumi ami ai py ne sy, huni prichi ai pei pajau, nanai samrang ly adawn vau nai ne.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

AMTENG HAI NAI 11:6

Naibaly nini leu thui hawi nai sala ryrei ly kani nai y ai nai kani khang hai thai nai sa thai naira awm hawi: naibaly nini i ngai nai neng tleirei y tui ai thi palawn ai nai hawi, khaileaung pri y ly patang hai naira cheaungkhang tym hai ai nai py sa thai naira awm hawi mei.

AMTENG HAI NAI 8:8

Naibaly kani pri i amtaw thau nai pa-nyh i nai ly eng i, mawi pui ka-tawm kang thym naimy pangli y aphi kathiu bo: naibaly pangli phy thomrei y phyrei ly thi lawn vui bo;