THEU NAI 7:11 - Khumi Common Language Bible

¹¹ Huna nai khala samrang ly ni i khumi kachengchi hawi atam kakawpchi ai palau i, nichi py huni ka-tawm khyp sa u teang nai ne.

THEU NAI 7:11 ပူးပေါင်းရင်းမြစ်များ

ATITI AWM ANGCHEI NAI 41:8

Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.

THEU NAI 7:12

Nichi py cheaungvawi aphi u teang i pavuichi lawm teang. Na i py Aron i pavui my huni khumichi i pavuichi ai pajawn chauchau vui bo.

THEU NAI 7:22

Naibaly Aikupta pri atam kakawpchi py huna nai kamta sa u teang; samrang ly paleung tangra i Areng my thui pi nai kamta Mosi nini Aron i leu tangai y i, Israela chengchi ai patheu pi y.

THEU NAI 8:18

Atam kakawpchi py hunai kamta saimawmchi patheu u cham bo; na i py nichi ly so u thai y, saimawmchi ly meingtym tleirei y ahi mengmeaung na.

THEU NAI 8:3

Naing tavo theung y uiphochi kawi hai ai; huni uiphochi ly tavo theung i dengdairei nang i yhm, takun, ira tleaung y py, nang i bangtangchi i yhmchi, nang i chengchi i yhmchi, takeangchi, laawmchira y lyn ai.

THEU NAI 8:7

Atam kakawpchi my py hunai kamta sa u teang i, pri verei y uiphochi theu hai teang.

DANIELA 2:2

Hunai deaungkho y mymy ati amang theu nai mo, nanai thui pi ai nai leung kawp naichi, atam kakawpchi, vawinam pakun kawp naichi, uimiu khawn naichi ai palau hai bo. Nichi ly samrang i mo y tym u nai khala y,

DANIELA 2:27

Daniela my, “Samrang awi, nang i deng nai leu pathang pajau nai leung sara, amo leu kawp sara, atam sara, vawinam patheu kawp sara by y leang.

DANIELA 4:6

Kai ly amang i awm nai sai thui pi pachai pi ai nai, tau pei nai miteaung keh bawibawichi ai kapalau bo.

DANIELA 5:11

Nang i pri theung y chai parai nai tameuhchi i phailo kawi nai khumi leaungrei awm. Ngampo samrang deung khala y, huni khumi teng y cheng naira hawi lulip pany nai, tameuh kamta cheng nanai pa-rei amthang nai ne. Ngampo samrang Nebukhadnezar ly ni ai leung sara, atam sara, vawinam pakun kawp nai sara, vawinam patheu kawp nai sara hawi amo sarachi i, miteaung keh y palyn pi bo.

DANIELA 5:7

Naibaly atam sarachi, vawinam pakun kawp naichi hawi ka-si kamhi khen kawp nai keungchi ai jeu hai ai nai aeu iy, miseaung leaungrei ai pato. Huni khumichi tym u nai khala y samrang my, “Huni cha lam phain iy awm nai sai, kai teng y thui pi thai nai khumi ai samrang i ateaung kamsen jeaung amthyp hai ai. Tahm pateng nai muku leng py awi hai iy, kai i pri y pa-thom sa thai naira awm keh nai keung lawm ai nai, kaimy khai takhra ai,” napi.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

KALATIA 3:1

Aw Kalatia pri i cheng y nai khumichi awi, nangchi ai ly ami my ang dawi mo? Krista Isu ai tahen nai ly nangchi i mei ka-niu y my chai pyn pa-rei amteng hai chy bo.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

II THESALONIKA 2:9

Huni Reita Taphra Nai Keung ang jeu nai ly Setan i sa nai sai kamta atiti sa thai naira cheaungkhang hawi, ka-ma-ra cheaungkhang hawi, ka-chawi rengrang cheaungkhang hawi,

II TIMOTHEI 3:8

Naibaly Janni nini Jambri my Mosi ai paka nai kamta ly, huni khumichi py leu meitang ai paka; nichi i paleung phra i, ym naira mang y ati sai py chawn y leang;

II TIMOTHEI 3:9

na i py nichi ly huni tleaung y katlen y ai, ati mana nai mo nabaly nini i pathu nai sai amteng nai kamta, nichi i pathu nai sai ly khumi bawibawichi teng y amteng lawh makho ai.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

1 SAMUELA 6:2

Philistin cheng miteaung kehchi ly pathyp pi nai keungchi hawi, dawi sarachi ai palau iy, “Areng i Leu Maikawm Pawm ai achi mana sa ai mo? huni Pawm ai angchei khala i meingtym y tha pi teang ai nabaly, huni hawi vanrei ati katalamra pei ai nai avo na mo?,” nanai deng u bo.