THEU NAI 6:7 - Khumi Common Language Bible

⁷ Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

THEU NAI 6:7 ပူးပေါင်းရင်းမြစ်များ

ATITI AWM ANGCHEI NAI 26:3

Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai.

ATITI AWM ANGCHEI NAI 28:13

Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.

1 ARENG KEH 20:28

Amo leaungrei ly samrang teng y chei iy, “Areng my, ‘kai ly mawi peang nai tameuh ne; adym ai ly peang y leang, nanai Suria chengchi my thui nai deaungkho y, nichi i khri pa-rei nawi nai tavaimi kamkawm ai, nang i kiu y kang-au ai; kai ly Tameuh ne, nanai nang hawi vanrei nang i khumichi pany u ai,’ nanai leu ang pei,” napi.

1 ARENG KEH 8:60

Hunai deaungkho y Areng leaungrei naini Tameuh tatang ne; Tameuh takhra by y, nanai khaileaung pri i cheng cheaungkhangchi my pany u ai.

NEHEMIA 1:10

“Aw Areng, hinichi ly nang i khumichi, nang i miseaungchi ne; nang ly ham parai nai haiho, atho awm nai kiu hawi nichi ai atleu bo.

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 81:6

Huni katyn ly “Nangchi paleang tleaung i myn kaji ly kaimy kang la pi vui iy, nangchi i iukhi pho nai tumchi py amteih hai ai.

THEU NAI 13:14

Khawnvai kani y nang i chapo my, ‘Ati mana nai y hina nai sa lawh mo?,’ nanai angdeng lawh baly, ‘Areng ly sa thai naira len parai nai hawimy, achi ai Aikupta pri y miseaung achei naira i nai ang pahawi nai ne.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 14:18

Huna nai samrang hawi ni i tavaimichi ai eaung nai deaungkho y, kai ly Areng ne, nanai Aikupta chengchi pany u ai,” napi.

THEU NAI 14:4

Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

THEU NAI 16:12

“Kai ly Israela chengchi i josei nai kathai bo. Nichi ly dym mang y mawi cha u ai; khawndam mang y ly nichi i ngai nai ryrei tako cha ai nai nga u ai; huna nai khala Kai, Areng ly nichi i Tameuh ne, nanai pany u ai tapi,” napi.

THEU NAI 16:6

Naibaly Mosi nini Aron my Israela cheng bawibawichi teng y, “Vaidym ly nangchi ai Aikupta pri i theu hai nai keung Areng ne, nanai pany u ai.

THEU NAI 2:11

Naibaly neng kra kyh nai bo y Mosi ly tleaungri acheang i, mymy i amjo amnau Hebrai chengchi teng y de ai nai chei bo. Hebrai chengchi ai ana nai, patang hai nai, miseaung kalop sa hai nai hawi, Aikupta khumi leaungrei my mymy i khumi Hebrai cheng leaungrei ai pakhau nai niu.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

THEU NAI 7:17

Samrang awi, Areng i leu pei nai ly ‘Kai ly Areng ne,’ nanai vai, kai i sa nai molam y nang pany ai, ang napi. Kai ly hini cheaungvawi hawi Naing tavo tui y pakhau baly, tui ly thi lawm be ai.

ISAIA 41:20

Hini atitichi niu u nai khala y, khumichi my hini ly kai, Areng i sa nai ne, nanai pany u ai. Hini kalop ai Israela chengchi i chai parai nai Tameuh my sa nai ne, nanai pany u ai.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 51:15

“Kai ly nangchi i Areng Tameuh ne. Pangli tui ai kaimy lilu iy, tui sampyh kamsauchi lawm hai ai. Kai i amyn ly ati cheaungkhang sa thai nai Areng ne na a!

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

Ezekiela 20:19

Kai ly nangchi i Areng Tameuh ne. Kai i Reitachi patawm iy kai i leu pei naichi tangai u.

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

Levi 11:44

Kai ly nangchi i Areng Tameuh ne; kai ly kachai ne i, nangchi py chai ai nai tla.

Levi 11:45

Kai ly nangchi i Tameuh lawm ai nai nangchi ai Aikupta pri i dengdairei pahawi nai keung Areng ne. Kai ly kachai ne i nangchi py chai ai nai tla.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

Kati Nai 15:41

Kai ly nangchi i Areng Tameuh ne; kai ly nangchi i Tameuh lawm ai nai nangchi ai Aikupta pri i dengdairei kang pahawi bo. Kai ly Areng ne,” napi.

MATTHAI 22:32

Tameuh ly kadeichi i Tameuh ny y leang, kanghengchi i Tameuh teu,” napi nai pathang.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

Leu Thui Nai 14:2

Areng ly khaileaung pri khumi cheng bawibawichi theung i, nangchi ai mymy i khumi palawn ai nai vawi takhra nai deaungkho y, nangchi ai nangchi i Areng Tameuh my peang nai ne.

Leu Thui Nai 26:18

Areng ly adeu nai kamta, nangchi ai mymy i khumi ne, nanai vaini pany pi bo. Nangchi ly reita leu pei nai ngiereichi tangai ai nai leu pei nai ne.

Leu Thui Nai 29:12

Nangchi bawibawi ly nangmychi i Areng Tameuh hawi vaini vaineng abeu iy, Leu Maikawm asa ai nai tla.

Leu Thui Nai 29:13

Huna khala naini Areng ly nangchi hawi nangmychi i amsi pajo Abraham, Isaka, Jakobchi teng y adeu nai kamta, nangchi ai mymy i khumichi ne, nanai leu khaw hai ai. Areng ly nangchi i Tameuh ne.

Leu Thui Nai 29:5

Areng my nangchi ai saneng vui palyh sala daichi ka-vym jeungrei ang pahawi nai thym khala, nangchi i baichu ateaungchi pyn y, nangchi i phainaichi tlum y.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

HEBRAI 11:16

Na i py vai ly nichi ly kani pri mang y awm nai, hawi tleaung hawi ra nai pri dawn nai ne; hunaibaly Tameuh my nichi i Tameuh angam ai nai kaji y leang; mymy ly nichi i vui avang khai pi rym veng bo.

I PETERA 2:10

nangchi ly jangni y mymy i khumichi ny y leang, vai ly Tameuh i khumichi lawn u bo; nangchi ly jangni y pahen naira ngo y leang, vai ly pahen naira nga u bo.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.