THEU NAI 6:6 - Khumi Common Language Bible

⁶ Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

THEU NAI 6:6 ပူးပေါင်းရင်းမြစ်များ

2 ARENG KEH 17:36

Nangchi ly nangmychi ai sa thai naira len parai nai hawimy, Aikupta pri i dengdairei kang pahawi nai keung kai, Areng i leu tangai u; nangchi ly kai ai lu meung naimy kapathyprachi talam u.

1 NENG SATANG 17:21

Khaileaung pri y Israela chengchi hawi atawm nai khumi cheng by y. Nichi ly nangmy i khumichi lawm ai nai miseaung i nai atleu pi bo. Nichi i vui nang i sa pi nai atitichi molam y, amyn amthang nai ly khaileaung pri verei y ahei nai ne. Nang ly nangmy i khumichi ai Aikupta pri i dengdairei atleu iy, nichi theu u nai khala, cheng takhra khumichi ai paryh pawn bo.

NEHEMIA 1:10

“Aw Areng, hinichi ly nang i khumichi, nang i miseaungchi ne; nang ly ham parai nai haiho, atho awm nai kiu hawi nichi ai atleu bo.

SAM 77:16

Aw Tameuh, tuichi ly nang ai niu nai khala jei u bo; pangli thiu parai nairachi py jei hyn u nai ne.

SAM 81:11

“Na i py kai i khumichi ly kai i leu tangai u y; Israela chengchi ly kai i leu pei nai tangai u y.

SAM 81:6

Huni katyn ly “Nangchi paleang tleaung i myn kaji ly kaimy kang la pi vui iy, nangchi i iukhi pho nai tumchi py amteih hai ai.

SAM 81:7

Nangchi patang naira avum nai thym khala y kai ai palau i, kai ly nangchi ai atleu pi bo. Alipui khupui theung i niu pajau y naira dengdairei, nangchi ai kang pathang pi bo. Meriba micheaung sahawi y, nangchi ai kaimy cham bo.

THEU NAI 1:11

Hunai deaungkho y Aikupta chengchi ly Israela chengchi tlang tleaung y miseaung lu kalenchi khai iy, paleung phra na pa-rei atho no kalopchi sa hai akhikan bo. Hunaibaly samrang Pharao i cha nei vawn kachurachi kachu ai nai Pithom mary hawi Ramese mary sa hai nai ne.

THEU NAI 12:41

Saneng chungvai palyh pa-ngo phairei kheih nai huni kani Areng i khumi Israela chengchi ly Aikupta pri i nai theu u bo.

THEU NAI 12:51

Huni kani y my Areng ly Israela chengchi ai, Aikupta pri i dengdairei theu hai khyp nai ne.

THEU NAI 13:14

Khawnvai kani y nang i chapo my, ‘Ati mana nai y hina nai sa lawh mo?,’ nanai angdeng lawh baly, ‘Areng ly sa thai naira len parai nai hawimy, achi ai Aikupta pri y miseaung achei naira i nai ang pahawi nai ne.

THEU NAI 13:16

Areng ly sa thai naira len parai nai hawimy, achi ai Aikupta pri i dengdairei ang pahawi nai deaungkho y, hini pawi ly nang i kiu y akhen nai, ti y baly lu kati y abyn nai ka-ma-ra kamta ne i, nangchi ai pany hai jo nai ne,’ nanai thui pi ai nai tla,” napi.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 16:6

Naibaly Mosi nini Aron my Israela cheng bawibawichi teng y, “Vaidym ly nangchi ai Aikupta pri i theu hai nai keung Areng ne, nanai pany u ai.

THEU NAI 18:1

Midian pri i pathyp pi nai keung, Mosi i ampu Jethro ly Israela chengchi ai Aikupta pri i dengdairei nichi ai pahawi nai khala, Mosi hawi Israela chengchi tlang tleaung y Areng my ati mana kry mo, nanai thai nai ne.

THEU NAI 2:11

Naibaly neng kra kyh nai bo y Mosi ly tleaungri acheang i, mymy i amjo amnau Hebrai chengchi teng y de ai nai chei bo. Hebrai chengchi ai ana nai, patang hai nai, miseaung kalop sa hai nai hawi, Aikupta khumi leaungrei my mymy i khumi Hebrai cheng leaungrei ai pakhau nai niu.

THEU NAI 3:17

Kai ly nangchi ana naira avum nai Aikupta pri i dengdairei nangchi ai pahawi iy, Kanan cheng, Hiti cheng, Amori cheng, Perizi cheng, Hevit cheng hawi Jebusi chengchi i awm nai pri y pahawi ai. Huni pri ly khaileaung hawi iy teicha teinei avaw y nai ne, nanai amti pi.

THEU NAI 3:8

Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

THEU NAI 32:11

Na i py Mosi ly my i Areng Tameuh teng y khri pa-rei ahui naimy takeng nai ly “Aw Areng, nang ly Aikupta pri i dengdairei sa thai naira len parai nai hawi atleu pi nai, nang i khumichi ai khri pa-rei kado theu hai lawh ai bo a?

THEU NAI 6:2

Tameuh my Mosi teng y, “Kai ly Areng ne.

THEU NAI 6:29

“Kai ly Areng ne, kai i leu pei nai ngiereichi samrang teng y thui pi,” napi.

THEU NAI 6:8

Abraham, Isaka, Jakob teng y pei ai adeu nai pri y kai my kang pahawi ai. Kai ly nangchi ai huni pri amtym ai nai pei ai. Kai ly Areng ne,’ nanai thui u ai,” napi.

THEU NAI 7:5

Huna nai Aikupta chengchi ai kai i kiu pheu iy, Israelachi ai kapatheu nai khala, kai ly Areng ne, nanai Aikupta chengchi pany u ai,” napi.

ISAIA 9:12

Nisi mang i Suria pri hawi nidym mang i Philistia prichi ly Israela pri tamyh vui ai nai angvei u rym bo. Huna nai y Areng i kado theu nai ly rym y. Nichi ai parip ai nai mymy i kiu pheu nai ly awm jo rai nai ne.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

ISAIA 9:21

Manase cheng theaungchi hawi Ephraim cheng theaungchi ly mychi tengtawi atiu u chum baly, nini leaung nyhrei amkawm hawi iy Juda cheng theaungchi ai tiu hawi nai ne. Hunai deaungkho y py Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 21:5

Kaimy kypkyp my kaimy i awm nai atho haiho ngierei hawi khrikhri pa-rei kado theu naimy, nangchi ai kang tiu ai.

JEREMIA 27:5

“Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

JEREMIA 32:21

Paleung ka-echi ai jei hyn hai ai nai rengrang ka-ma-rachi hawi lyh ai awm naichi hawimy, nang ly nangmy i sa thai nairachi teaung iy nang i khumi Israela chengchi ai Aikupta pri dengdairei theu hai bo.

Ezekiela 20:33

Sa thai naira angym nai kai, Areng ly Tameuh kangheng ne; kai ly kado theu naimy atho len parai nai sa thai naira hawi kiu pheu iy, nangchi ai kang peang ai.

AMTAW 13:17

Hini Israela chengchi i Tameuh ly achi i amsi sangumchi ai vawi i, khumichi Aikupta pri y awm nai khala y ly nichi ai tahm pasang iy, salo keh i kiu my hu i dengdairei nichi ai pahawi bo.

Leu Thui Nai 11:2

Areng ai nangmychi kypkyp my niu u nai deaungkho y, mymy i satangchi py pany u bo, nanai vaini dawn u. Nangchi naini huna nai avum u nai ne. Nangchi i cho chanauchi ly hunichi avum u y. Areng i nang parai nai sa thai naira hawi,

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 26:8

Areng ly mymy i sa thai naira len parai nai hawimy, kaichi ai Aikupta pri i nai atleu pi. Mymy ly rengrang ka-ma-ra hawi lyh ai awm nai patei iy, ka-jei awm nai pajeng nairachi tym hai nai ne.

Leu Thui Nai 4:23

Nangchi i Areng Tameuh my nangchi hawi asa nai Leu Maikawm ai ly pany jo ba. Mymy i leu phai tangai u, nangchi i vui y takhra mynchi so u moh.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 5:15

Nangchi ly Aikupta pri y miseaung y awm vai nai py, nangchi i Areng Tameuh ly nangchi ai mymy i sa thai naira hawi atleu nai py pany u jo ba. Huni molam y kai ly nangchi ai Anawn kani ja ai nai leu pei nai ne.

Leu Thui Nai 6:12

Aikupta pri miseaung i nai nangchi ai atleu nai keung Areng ai tami y ai nai dawn u jo.

Leu Thui Nai 7:19

Nangmychi kypkyp my niu nai no kanghawichi, rengrang ka-ma-rachi, nangchi ai law tleaung hai nai nangchi i Areng Tameuh i sa thai naira len parai nai haiho pany u. Mymy ly Aikupta chengchi ai tama hai nai kamta, vai nangchi jei nai hini khumi cheng bawibawichi ai py tama hai ai.

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.

Leu Thui Nai 9:29

Meitang khyp, nichi ly nang i vawi nai khumichi ne iy, Aikupta pri i dengdairei, nangmy i sa thai naira len parai nai hawimy pahawi nai khumichi ne,’ nanai hnei takeng pi bo,” napi.