THEU NAI 6:3 - Khumi Common Language Bible

³ Abraham, Isaka, Jakob teng y kai ly ati cheaungkhang sa thai nai Tameuh, nanai amteng teu i py, Areng ne, nanai amyn kachai hawi nichi ly kai ai pany u y leang.

THEU NAI 6:3 ပူးပေါင်းရင်းမြစ်များ

ATITI AWM ANGCHEI NAI 13:18

Naibaly Abram ly hu i dengdairei asyh bi i, Hebron mary Mamre napi nai dengkeaung thengreung sahawi y meingtym sa bo. Hu y mymy ly Areng i vui maicham sa nai ne.

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 22:14

Abraham my huni meingtym ai ly “Areng my ang sa pi rym nai,” nanai amyn pathi bo. Vaini khrairei khumichi my, “Areng i mawi salo y mymy ly ang sa pi rym ai,” nanai thui u jojo nai ne.

ATITI AWM ANGCHEI NAI 28:3

Ati cheaungkhang sa thai nai Tameuh ly nang ai amtheaung hai ai i, deaungdi neangneang peung hai iy nang ai khumi cheng cheaungkhangchi i ampo lawn hai sy!

ATITI AWM ANGCHEI NAI 35:11

Naibaly Tameuh my ni teng y, “Kai ly ati cheaungkhang sa nai Tameuh ne; cho chanau neangneang peung sy. Nang i dengdairei khumi cheng cheaungkhang angpreng ai i, nang ly samrangchi i amsi sangum lawm ai.

ATITI AWM ANGCHEI NAI 48:3

Jakob my Josepha teng y, “Ati cheaungkhang sa thai nai Tameuh ly Kanan pri Luza mary y awm nai khala y kai ai amteng hai iy amtheaung hai bo.

SAM 68:4

Tameuh ai khulym thui pi u; mymy i amyn y palo nai khulym thui u; tamai tleaung y atangnai keung i vui lam so pi u; mymy i amyn ly Areng ne; mymy i mo y amo theu u.

SAM 83:18

Nichi ly nang leaungrei naini Areng ne, nanai hawi, khaileaung pri verei y samrangchi tleaung y samrang ne, nanai py pany u sy.

THEU NAI 15:3

Areng ly tavailu ne; mymy i amyn ly Areng ne.

THEU NAI 23:21

Ni ai tahm khai iy ni i leu tangai u. Ni ai kaimy pato nai ne i, ni ai tiu u moh; ni ly huna nai tiu nai ai ly pahen pi ai ny y.

THEU NAI 3:14

Tameuh my, “Kai i amyn ly Kai ne: “Kai ne”, nanai leu sai ly Hebrai leu y Jehovah, nanai ne; huni ai ly khumi leu y “Areng” nanai leu tapeang bo. Kai nanai amyn awm nai keung ly nangchi teng y kai ai pato nai ne,’ nanai Israela chengchi teng y thui pi ai nai tla,” napi.

ISAIA 42:8

“Kai leaungrei naini, nang i Areng Tameuh ne. Kai i nang parai nai ai ly mani tameuh py amtym ai ny y. Kai ly kaimy ai mynchi hawi vanrei palo ai nai py, kapei ai ny y.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

JEREMIA 16:21

Areng my, “Huna nai tym lawh baly kai ly kaimy i phum-ang nang parai nai ai, nichi teng y kapei ai, pany hai bebe ai. Kai ly Areng ne, nanai nichi pany u ai,” napi.

JEREMIA 33:2

Khaileaung ai sa iy meingtym karira y khai nai keung Areng ly kai teng y leu ang pei. Areng my,

Ezekiela 20:5

Kai Areng my ati mana leu pei mo, nanai py thui pi. Israela chengchi ai kaimy vawi takhra iy, Jakob i nupaichi theung y kaimy leu adeu pi bo. Kai ly Aikupta pri y nichi teng amteng iy, kai ly nichi i Areng Tameuh ne, nanai adeu pi bo.

Ezekiela 37:13

Kai i khumichi ai up nai tapreaungchi paeaung iy nichi ai patheu nai khala y, kai ly Areng ne, nanai nichi pany u ai.

Ezekiela 37:6

Nangchi teng y athovuichi hawi ngan bawichi lyn hai iy, peihchi hawi mym pi ai. Nangchi theung y taho hai thai nai ali pakun pi ai i, nangchi ai heng hai ali teang ai. Huna nai khala kai ly Areng ne, nanai nangchi pany u ai,” napi.

JOHAN 8:58

Isu my nichi teng y, “Meitang khypkhyp kang thui pi, Abraham by y rai khala y py kai ly awm nai bo,” napi.

AMTENG HAI NAI 1:4

Johan my ly Asia pri i palau takhra kamkawm saryhreichi teng y ly: Vai awm nai hawi, jangni i dengdairei awm nai hawi, vai momang y awm ai nai keung teng i dengdairei hawi, mymy i areng atehra mo y awm nai Phailo saryhreichi teng i dengdairei hawi,

RUTHI 1:20

Naomi my, “Kai ai Naomi,” nanai palau u moh; “Marah,”nanai palau u; ati mana nai mo nabaly, ati cheaungkhang sa thai nai Tameuh my kai ai khym taham kasi ang pei nai bo.