THEU NAI 6:12 - Khumi Common Language Bible

¹² Na i py Mosi my pathang i, “Israela chengchi malawn py kai i leu tangai y baly, samrang ipsaly kai i leu mana tangai ai mo? Kai ly leu haidau by y nai khumi ne,” nanai pathang.

THEU NAI 6:12 ပူးပေါင်းရင်းမြစ်များ

THEU NAI 3:11

Na i py Mosi ly Tameuh teng y, “Kai ly vang y nai khumi ne. Aikupta pri samrang teng y chei iy Israela chengchi ai mana kapatheu thai ai mo?” napi.

THEU NAI 3:13

Naibaly Mosi my, “Kai ly Israelachi teng y chei iy nichi teng y, ‘Nangchi i amsi pajochi i Tameuh ly kai ai nangchi teng y pato nai ne,’ nanai thui pi iy nichi my, Huni Tameuh i amyn ly mana mo?,’ nanai deng lawh baly, kai ly mana pathang pi ai mo?” napi.

THEU NAI 4:1

Naibaly Mosi my, “Israela chengchi kai ai ym y, kai i leu py tangai y iy, ‘Nang Areng ai niu nanai ly ny y leang,’ nanai thui u lawh baly kai mana sa ai mo?,” napi.

THEU NAI 4:10

Na i py Mosi ly “Aw Areng, kai ai pato mo kyh; kai ly leu haidau by y, nangmy kai ai leu pei nai thym khala malawn py leu haidau by y, kai ly labeaung palai ham y nai ne,” napi.

THEU NAI 6:13

Areng ly Mosi hawi Aron nini teng y, “Aikupta pri i nai Israela chengchi ai pahawi tanga ai nai nang ai leu pei yb nai ly samrang hawi Israela chengchi teng y amti pi,” napi.

THEU NAI 6:30

Na i py Mosi my, “Kai ly leu haidau by y, nanai nangmy pany; samrang Pharao ly kai i thui nai leu tangai ai ny y leang,” napi.

THEU NAI 6:9

Mosi ly huni leu pei naichi Israelachi teng y amti pi teu i py, nichi ly miseaung achei nai y khri pa-rei patang u i, paleung phra nai y Mosi i leu tangai u pajau y bo.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

JEREMIA 1:6

Naibaly kaimy, “Aw Areng, kai ly saneng theang ala nai deaungkho y, ati mana katheu ai mo, nanai pany y,” napi.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

Levi 26:41

kai ly kado theu nai deaungkho y, mychi i paleung ka-echi pri mang y, pri kapala nai ne. Kangkhym y nichi i kangpreangchi ly paleung tang nai nau vui iy mymychi i kamngo hawi tiu nai molam y pajeng naira avum chum nai khala,

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,