THEU NAI 5:6 - Khumi Common Language Bible

⁶ Huni kani y my Pharao samrang ly Aikupta cheng kalop pacheang nai keungchi hawi Israela cheng kalop lu sa nai keungchi teng y,

THEU NAI 5:6 ပူးပေါင်းရင်းမြစ်များ

2 NENG SATANG 26:11

Ni teng y tavai thau ai nai angveirym nai tavaimi kamkawm pui awm. Tavaimi recordchi ai secretarychi napi nai Jeiela hawi Maseja nini my kry bo. Nini ai miteaung keh ananiah my kalop pacheang nai ne.

THEU NAI 1:11

Hunai deaungkho y Aikupta chengchi ly Israela chengchi tlang tleaung y miseaung lu kalenchi khai iy, paleung phra na pa-rei atho no kalopchi sa hai akhikan bo. Hunaibaly samrang Pharao i cha nei vawn kachurachi kachu ai nai Pithom mary hawi Ramese mary sa hai nai ne.

THEU NAI 3:7

Naibaly Areng my, “Kai i khumichi ly Aikupta pri y ngari kamtang avum nai kaniu khyp bo. Nichi ai kalop sa hai nai keungchi my ana patang hai nai kham pajau y nai deaungkho y, nichi vo hang iy, kasabawmra hnei nai raawi kai ly thai bo. Kai ly nichi i patang nai kaniu angchi khyp bo.

THEU NAI 5:10

Naibaly kalop pacheang nai keungchi hawi Israela cheng kalop lu sa nai keungchi ly Israela chengchi teng y chei u i, “Samrang my, ‘Kai ly nangchi ai chohphi kang pei y leang bo.

THEU NAI 5:19

Angchei khala i jirei iukhi paawp ai nai tla, nanai thai u nai khala, Israela cheng miseaung luchi ly mymychi patang naira avum ai nai apany u nai ne.

THEU NAI 5:7

“Vai i dengdairei Israela chengchi ai iukhi paawp ai nai chohphi pei u moh; mychi hau iy tawn u ryp sy.

LEU KACHENG 12:10

Khumi kahawi ly my i tawnbawichi ai, hawihai palai kry reng; na i py khumi hawi y nai ly my i tawnbawichi ai pahyp y naimy ana reng nai ne.

Kati Nai 11:16

Areng my Mosi teng y, “Israela cheng theung i tahm awm iy lu sa pajau nai keung leaung vui saryhreichi ai kai i awmra Tabynakora y jeu achu hai ly nang i sahawi y angdo hai.

Leu Thui Nai 1:15

Huna nai deaungkho y kai ly nangmychi cheng theaung theung i lulip pany nai luchi vawi iy kang khai pi bo. Phyreichi ai ly leaung sangrei, phyreichi ai ly leaung chungvairei, phyreichi ai ly leaung vui pangrei, phyreichi ai ly leaung horei peang ai nai khai pi nai ne. Huni bo y nangchi cheng theaung bawibawichi i vui takhra miteaung kehchi ai py kang khai pi bo.

Leu Thui Nai 16:18

“Nangchi i Areng Tameuh my pei nai mary tleirei y, tara chih nai keungchi hawi takhra miteaung kehchi khai ai nai tla. Nichi ly meimai khen y naimy, tara chih ai nai tla.

JOSUA 24:1

Josua ly Israela cheng theaung bawibawichi ai Sekhem mary y angym hai bo. Ni ly Israela miteaung kehchi, lu sa naichi, tara chih nai keungchi, bangtangchi ai palau i nichi ly Tameuh i mo y tym u bo.

JOSUA 24:4

Isaka teng y chapo Jakob hawi Esaw ai thawn hai. Kai ly Esaw ai Edom mawitleaung meingtym kapei pi; Jakob hawi ni i chapochi ly Aikupta pri mang y chei iy awm u bo.

JOSUA 8:33

Lu sa naichi, miteaungkehchi, tara chih nai keungchi dengdairei, Israela cheng bawibawichi ly nichi hawi vanrei awm nai cheng takhrachi py, Areng i Leu Maikawm Pawm angjeaung nai Levi theaung pathyp pi nai keungchi i hi mang hu mang, Pawm i langvawi lamtang aphy iy angdo u. Khumi phy ka-hyhreichi ly Kerazin mawi ai nithun thun iy vai, phy ka-hyhreichi ly Ebala mawi ai nithun thun naimy angdo u bo. Nichi ly amtheaung naira nga u ai nai khala y, huna nai sa u ai nai tla, nanai Areng i miseaung Mosi my leu pei nai ne.