THEU NAI 5:22 - Khumi Common Language Bible

²² Naibaly Mosi ly Areng teng y, “Aw Areng, ati mana nai hini khumichi ai patang hai lawh mo? Kai ai ati mana nai y pato nai mo?

THEU NAI 5:22 ပူးပေါင်းရင်းမြစ်များ

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

1 ARENG KEH 19:4

mymy ly kani khengrei daichi ka-vym theung y tako nai ne. Ni ly dengkeaung ka-khui hareira y tym nai khala ateh i, dei nai ly hawi keh alam ai, nanai thui iy, “Aw Areng, hina nai ly hawi y parai bo; Kai i phailo ai lo veng ba; kai ly dei nai hawi keh alam ai!” nanai chiu sa.

SAM 73:25

Kai i vui ly nang ny y baly kani pri mang y ami awm ai mo? Nang ly kai hawi vanrei awm baly, khaileaung pri y ati aly ngai rai mo?

THEU NAI 17:4

Mosi ly Areng teng y chiu sa praw i, “Hini khumichi i vui kai mana kasa pi pajau ai mo? Nichi ly kai ai lengseaung hawi aphi ka ai nai tau u dudu bo,” napi.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

JEREMIA 20:7

Aw Areng, nang ly kai ai tapawp hyp nai deaungkho y, kai ly tapawp naira avum bo. Nang ly kai tleaung y atho len nai deaungkho y, kai ai eaung vui bo. Khumi luteng my kai ai panui hai nai ne. Nichi ly kai ai kani khengrei preaung u bo.

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

Kati Nai 11:11

Naibaly Mosi my Areng teng y, “Nang ly kai ai ati mana nai ngari kamtang avum hai lawh mo? Ati mana nai y kai ly nang teng y meimai ngo y lawh mo? Hini khumi mipuichi i vui y lu sa ai nai, ati mana nai kai ai pei lawh mo?

JOSUA 7:7

Naibaly Josua my, “Salo kangteng Areng! kaichi ai ati mana nai y Jordan tavo angpeang hai lawh mo? Amori chengchi i kiu y au ai nai a? Kaichi ai tama hai ai nai a? Kaichi ly Jordan tavo vai mang y naini kaawm u jo baly hawi ai.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.