THEU NAI 40:9 - Khumi Common Language Bible

⁹ “Tabynako hawi huni theung i awm nai ateaung bawibawi ai kachai lawm ai nai, tahm palyn nai asitui lei iy, Areng teng y au patyp ai nai tla.

THEU NAI 40:9 ပူးပေါင်းရင်းမြစ်များ

SAM 45:7

Nang ly leu meitang ai ngai iy, hawi y naira ai niu ngai y bo. Hunai deaungkho y nang i Tameuh napi nai Tameuh ly nang ai vawi takhra nai bo y, takhra samrang bawibawichi tleaung y tahm asang iy, amo theu naira napi nai asitui lei pi bo.

THEU NAI 37:29

Ni ly tahm palyn nai asitui kachai hawi rimui mui katui tangcheng sa nai ne.

THEU NAI 39:39

kheupaja maicham, kheupaja rumryh, angjeaungra samtleang, maicham i ateaung alangchi py, muku rahum hawi panuira kheu py,

THEU NAI 40:8

Tabynako ka-ki tapang iy pa-khora y kanih ali jang ai nai tla.

ISAIA 11:2

Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

Ezekiela 28:14

Kai ly nang ai tamcheaung atho awm nai kani pri amtaw thau naira y khai takhra nai ne. Nang ly kai i chai parai nai mawi salo y awm iy, sadi nanai vang kateng lengseaungchi umtang y aleaung ai nai nga bo.

Levi 8:10

Naibaly Mosi ly tahm palyn nai asitui la iy, Areng i awmra Tabynako hawi huni theung i, ateaung alang bawibawichi ai tabei nai ne. Huna nai kamta Areng i Tabynako hawi, hunira i ateaung alang ngiereichi ai khai takhra pi bo.

Kati Nai 7:1

Mosi ly Tabynako sa pajau nai kani y, Tabynako i vui ateaung alangchi ai py, maicham i vui ateaung alangchi ai py, tahm palyn nai asitui leih iy Areng teng y talam bo.

MATTHAI 3:16

Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

II KORINTH 1:22

mymy ly achi ai ang pajawp hai typ nai keung hawi, achi i paleung theung y achi ai Phailo ang pei yb nai keung py ne teang.

II KORINTH 1:4

Tameuh i kaichi ai awm hai nem naira kypkyp i saho y ly ami py atiti no patang naira awm iy py, kaichi ly nichi ai awm hai nem thai ai nai, mymy ly kaichi i patang naira bawibawi y ang awm hai nem reng.

HEBRAI 9:21

Huni harei khyh ny y naimy ni ly achura yhm hawi chiu ai nai atiti teaung nairachi bawibawi y hunai kamta thi katheng teang.

I JOHAN 2:20

Na i py nangchi ly khumi Kachai teng i dengdairei rimui paju nai nga i, ati cheaungkhang angym pa-rei pany u nai ne.