THEU NAI 32:8 - Khumi Common Language Bible

⁸ Nichi ly kai i reita lam i nai hi u vui bo; muku hawi si cho myn sa iy huni myn y apathyp i, chiu u bo. Huni tameuh ly nichi ai Aikupta pri i dengdairei pahawi nai tameuh ne, nanai aeu u sau na bo,” napi.

THEU NAI 32:8 ပူးပေါင်းရင်းမြစ်များ

1 ARENG KEH 12:28

Huna adawn nai bo y Jeroboam ly muku hawi si kataicho myn sa iy mipuichi teng y, “Nangchi ly Jerusalem mary y chei iy Tameuh ai chiu nai neng kra parai bo. Israela khumichi awi, Aikupta pri i dengdairei ang pahawi nai tameuhchi ly hini tameuhchi ne!” napi.

NEHEMIA 9:18

Nichi ly si cho myn sa u iy hini tameuh ly achi ai Aikupta pri i dengdairei pahawi nai tameuh teu bo!” nanai thui u. Aw Areng, nichi ly nang i tlang tleaung y khri pa-rei mei aniu y na lawh ly!

SAM 106:19

Nichi ly Sinai mawi sahawi y muku hawi sicho myn sa u iy chiu u nai ne.

SAM 78:36

Na i py nichi ly mymy ai labeaung mang palo hawp iy, palai hawi tapawp naimy hnei u nai ne.

THEU NAI 20:23

Nangchi ly kai ai naini chiu ai nai tla khyh; nangmychi i vui muku, tangkachi hawi tameuh mynchi sa iy chiu u moh.

THEU NAI 22:20

“Kai, Areng ai ny y naimy tameuh takhra teng y apathyp lawh baly, huni khumi ai ly padei ai tla.

THEU NAI 32:4

Aron my muku kanochi ai patlawn iy muku hawi si cho myn sa bo. Naibaly khumi mipuichi my, “Israelachi awi, hini tameuh ly achi ai Aikupta pri i dengdairei pahawi nai keung, achi i tameuh ne he!” napi.

THEU NAI 34:15

Nangchi ly huni pri i khumichi hawi nai aso moh; ati mana nai mo na baly nichi ly mychi i tameuhchi teng y apathyp nai khala, nangchi ai ang heang ai i, nichi i tameuhchi teng y apathyp nai mawi biu cha u lawh ai nai deaungkho y ne.

ISAIA 46:6

Khumichi ly mychi i muku chakeuchira i mukuchi adiheu iy, mukuchi ai sie khyry hawi neh u. Naibaly tameuh myn sa ai nai muku tangka thip nai khumi alai u bo. Hunaibaly nichi ly huni tameuh ai lu meung iy chiu u nai ne!

JEREMIA 31:32

Huni Leu Maikawm ly nichi i amsi pajochi ai Aikupta pri i dengdairei patheu nai thym khala i, nichi hawi asa nai Leu Maikawm hawi atawm ai ny y. Kai ly nichi i juvo kamta ne teu i py, nichi ly kai hawi asa nai Leu Maikawm ai patawm u y.

Levi 17:7

Israela khumichi ly Areng ai ka-awi sa naimy daichi theung y tawnbawichi tleh iy, vawinamchi teng y apathyp bi ai nai avo y. Israela khumichi ly hini reita pei nai ai teaung patawm jojo ai nai tla.

Leu Thui Nai 32:17

Nichi ly amsi pajochi chiu vai y nai, Israela chengchi ahihawi vai y nai, tameuh takhrachi teng y apathyp u lawh.

Leu Thui Nai 9:12

“Naibaly Areng my kai teng y, “Aikupta pri i dengdairei nangmy pahawi nai nang i khumichi ly amso ngai naichi sa u nai deaungkho y mawi i nai vaimy ang vum kathiu jau. Nichi ly kai i leu pei nai ngiereichi khai su iy, mychi chiu ai nai myn sa u bo,’ napi.

Leu Thui Nai 9:16

Nangchi ly nangmychi i Areng Tameuh my pei nai reitachi tangai y naimy, nangchi chiu ai nai si cho myn sa u nai deaungkho y, Areng ai hi u vui bo, nanai kai ly niu nai ne.

JOSUA 22:15

Nichi ly Ruben theaung, Kad theaung hawi nisi Manase theaungchi awm nai Kilead pri y tym u i,

TARA CHIH NAI KEUNGCHI 2:17

Na i py Israela chengchi my ly huni lu sa nai keungchi i leu tangai pi y; Israela chengchi ly Areng i leu tangai y i, tameuh takhrachi ai chiu u bo. Areng i Reita leu pei naichi ai amsi pajochi my sa patawm nai kamta, nichi ly patawm u y.

TARA CHIH NAI KEUNGCHI 8:24

Na i py ni my thui bi nai ly “Nangchi teng y kai hnei ai ngai nai harei awm; nangchi la u nai muku kano amchochi, kai ai pei u,” napi. (Midian chengchi ly takhra mang i daichi ka-vym y awm naichi kamta, muku kano amchochi teaung u reng nai ne.)