THEU NAI 32:4 - Khumi Common Language Bible

⁴ Aron my muku kanochi ai patlawn iy muku hawi si cho myn sa bo. Naibaly khumi mipuichi my, “Israelachi awi, hini tameuh ly achi ai Aikupta pri i dengdairei pahawi nai keung, achi i tameuh ne he!” napi.

THEU NAI 32:4 ပူးပေါင်းရင်းမြစ်များ

1 ARENG KEH 12:28

Huna adawn nai bo y Jeroboam ly muku hawi si kataicho myn sa iy mipuichi teng y, “Nangchi ly Jerusalem mary y chei iy Tameuh ai chiu nai neng kra parai bo. Israela khumichi awi, Aikupta pri i dengdairei ang pahawi nai tameuhchi ly hini tameuhchi ne!” napi.

1 ARENG KEH 12:32

Jeroboam ly Juda pri y sa nai pawi kamta, tajarei lo kani holai pangrei kani y reita pawi sa pi ai nai ka-vo sa. Bethela mary y mymy i sa nai muku sikatai mynchi ai maicham tleaung y apathyp u bo. Bethela mary y my i sa nai chiu sa naira yhm y kalop sa nai pathyp pi nai keungchi ai huni maryra kalop sa ai nai khai bo.

2 ARENG KEH 10:20

Naibaly Jehu my, “Bala tameuh ai chiu ai nai kani khai takhra iy satang thai hai u!” nanai leu pei nai kamta thai hai u bo.

2 ARENG KEH 10:29

Na i py Jehu ly samrang Jeroboam i sa nai kamta amtiu lawh; Jeroboam ly Israela chengchi ai Bethela mary hawi Dan mary y, mymy i sa nai muku sicho mynchi ai chiu hai nai kamngo sa.

2 NENG SATANG 11:15

Jeroboam ly myn chiu nai meingtymchi ai py, vawinamchi hawi my i sa nai sicho mynchi ai chiu sa naira y py, kalop sa ai nai my i ngai nai khumichi ai, pathyp pi nai keungchi ra y khai takhra bo.

2 NENG SATANG 13:8

Vai, nangchi ly Davida i kangpreangchi teng y Areng my pei nai sa thai naira ai tiu ai nai tau u lawh. Nangchi teng y atho awm nai tavaimi kamkawm hawi, nangchi chiu ai nai Jeroboam my sa nai sicho mynchi awm.

NEHEMIA 9:18

Nichi ly si cho myn sa u iy hini tameuh ly achi ai Aikupta pri i dengdairei pahawi nai tameuh teu bo!” nanai thui u. Aw Areng, nichi ly nang i tlang tleaung y khri pa-rei mei aniu y na lawh ly!

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

THEU NAI 20:23

Nangchi ly kai ai naini chiu ai nai tla khyh; nangmychi i vui muku, tangkachi hawi tameuh mynchi sa iy chiu u moh.

THEU NAI 20:4

“Kani khusangra i heng nai amjy, khaileaung salo i heng nai amjy, khaileaung anui tui theung i heng nai amjychi ka-tawm mynchi ly nangmychi i vui so u moh.

THEU NAI 28:11

Muku paitheng i kupe hawi lengseaung holai nyhreira y Jakob i chapo leaung holai nyhrei amyn tajiu typ iy, huni lengseaungchi ai ly muku kriu theung y khai ai nai tla.

THEU NAI 28:9

Vang kateng Mahura lengseaung nyhrei la iy, hunira y Jakob i chapo leaung holai nyhreichi i amyn tajiu ai nai tla.

THEU NAI 32:1

Mosi ly mawi anui y satlo y naimy, mawi salo y kra parai pa-rei awm nai khala khumichi ly Aron teng y chei achu pariukhiu iy, “Kaichi ai Aikupta pri i dengdairei pahawi nai Mosi ly ati mana lawh mo, nanai kaichi pany y nai deaungkho y, kaichi ai pahawi ai nai tameuh harei so pi kyh,” nanai takeng u.

THEU NAI 32:24

Kaimy nichi teng y, ‘Nangchi i muku ateaung alangchi aleng iy kai ai pei,’ kanapi. Kai ly nichi teng i nga nai muku ateaungchi mai y patlawn i, hini si cho myn lawm bo!,” napi.

THEU NAI 32:3

Hunaibaly khumi bawibawichi ly mymychi i muku kanochi aleng iy Aron teng y pei u.

THEU NAI 32:35

Hunai deaungkho y Areng ly Israela chengchi tlang tleaung y no kanghawi tym hai bo; huni ly nichi my Aron ai si cho myn sa hai lawh nai deaungkho y ne.

THEU NAI 32:5

Naibaly Aron ly muku si cho myn mo y maicham sa iy, “Khawndam ly Areng ai tahm khai nai pawi sa u ai nai tla,” nanai satang thai hai bo.

THEU NAI 32:7

Areng my Mosi teng y, “Mawi anui y satlo kaliki ly Aikupta pri i dengdairei pahawi nai nang i khumichi ly kai ai paleang u vui bo.

THEU NAI 32:8

Nichi ly kai i reita lam i nai hi u vui bo; muku hawi si cho myn sa iy huni myn y apathyp i, chiu u bo. Huni tameuh ly nichi ai Aikupta pri i dengdairei pahawi nai tameuh ne, nanai aeu u sau na bo,” napi.

ISAIA 30:22

Nangchi ly tangka hawi sa nai mynchi, muku hawi paleaung nai mynchi la iy, “Kaichi mei keung i nai theu u la!,” nanai thui iy chainem y nai kamta aphi vui ai.

ISAIA 46:6

Khumichi ly mychi i muku chakeuchira i mukuchi adiheu iy, mukuchi ai sie khyry hawi neh u. Naibaly tameuh myn sa ai nai muku tangka thip nai khumi alai u bo. Hunaibaly nichi ly huni tameuh ai lu meung iy chiu u nai ne!

Ezekiela 23:8

Ni ly my i mo-cha phra hai nai Aikupta pri y sa amteaung nai bima kalop ai sa jojo nai ne. Ni ly anglo cheangthli khala i ka-so my, neampachochi ly ni hawi vanrei i ahawi iy, ni ai bimanu y palawn u bo.

HOSEA 10:5

Samari mary i khumichi ly Bethavan mary y awm nai muku si katai myn tama vui nai molam y, jei i vo tangam u ai. Huni myn ai chiu nai khumichi hawi pathyp pi nai keungchi ly muku si katai myn i vui y vo u ai. Huni muku si katai myn i sa thai naira tama iy, pri takhra mang y syn vui nai khala, nichi ly tangam u ai.

HOSEA 13:2

Nichi ly tau cheng nai khumichi i kasabawm hawi, tangka mynchi chiu iy kamngo sa ra sa ra nai ne. Naibaly nichi my, “Hini mynchi teng y apathyp u!” nanai thui u. Khumi ly huni si katai mynchi ai pachawm ai nai avo na a!

AMTAW 17:29

Hunaibaly achi ly Tameuh i kangpreang ne baly, Tameuh i awm nai sai ly muku mo, tangka mo, lengseaung mo, khumi i kupe kakawp hawi ka-vo thip nai kamta, nanai dawn ai nai avo y leang.

AMTAW 7:41

Naibaly hunai thym khala y ly si cho myn sa nai, huni myn y ly apathyp iy mymychi i kiu i sa naira y amo theu bo.

I KORINTH 10:7

Naibaly nichi theung i phyreichi i sa nai kamta nangchi ly myn y chiu nai keung lawn u moh, “Khumi mipuichi ly cha ai nai hawi nei ai nai ateh iy, amau ai nai angthau u bi,” nanai tajiu nai kamta.

Leu Thui Nai 9:16

Nangchi ly nangmychi i Areng Tameuh my pei nai reitachi tangai y naimy, nangchi chiu ai nai si cho myn sa u nai deaungkho y, Areng ai hi u vui bo, nanai kai ly niu nai ne.

TARA CHIH NAI KEUNGCHI 8:24

Na i py ni my thui bi nai ly “Nangchi teng y kai hnei ai ngai nai harei awm; nangchi la u nai muku kano amchochi, kai ai pei u,” napi. (Midian chengchi ly takhra mang i daichi ka-vym y awm naichi kamta, muku kano amchochi teaung u reng nai ne.)

TARA CHIH NAI KEUNGCHI 8:27

Kideon ly huni mukuchi hawi myn harei sa iy, mymy i awm nai Ophra mary y khai bo. Israela cheng bawibawichi py Tameuh ai khai su iy, huni myn chiu ai nai Ophra mary y chei u. Huna nai sa nai ly Kideon hawi my i dengtheungchi i vui deaung pateung nai kamta ne.