THEU NAI 32:10 - Khumi Common Language Bible

¹⁰ Kai ai paka moh; kai ly kado theu i, nichi ai katamyh pawn ai. Naibaly kai ly nang hawi nang i kangpreangchi ai khumi cheng kalen kang lawm hai ai,” napi.

THEU NAI 32:10 ပူးပေါင်းရင်းမြစ်များ

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

THEU NAI 22:24

Kai ly kado theu nai deaungkho y, nangchi ai tavai keung y dei hai ai. Naibaly nangchi i ajuchi ly neampachy lumai lawm ai i, nangchi i chanauchi py nuro nukai cho lawm u ai.

THEU NAI 32:11

Na i py Mosi ly my i Areng Tameuh teng y khri pa-rei ahui naimy takeng nai ly “Aw Areng, nang ly Aikupta pri i dengdairei sa thai naira len parai nai hawi atleu pi nai, nang i khumichi ai khri pa-rei kado theu hai lawh ai bo a?

THEU NAI 32:19

Mosi ly tai naira kang sa y tym nai khala, si cho myn hawi khumichi lam lengleang nai niu baly, khri pa-rei kado theu nai deaungkho y, my i syn nai lengseaung phei nyhrei ai mawi kheutang y aphi su i, tleu piu bo.

THEU NAI 33:3

Nangchi ly cha nei avaw y iy pa-tiu khuta hawi nai pri kahawira kang tha ai. Na i py nangchi ly paleung tang nai khumichi ne nai y, lam sala y nangchi ai kang tamyh pawn lawh na i, kaimy kypkyp ly nangchi hawi vanrei chei y leang,” napi.

JEREMIA 11:14

Jeremia awi, huni khumichi i vui hawi nichi i jeng y takeng pi moh; ahui py ahui pi moh; chiu py so pi moh. Nichi patang naira avum nai khala, sabawm ai nai kai teng y aeu u teu i py, kai ly katangai pi ai ny y,” napi.

JEREMIA 14:11

Areng my kai teng y, “Nang ly nichi ai sabawm ai nai kai teng y hnei moh.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 7:16

Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

Kati Nai 14:12

Kai ly nichi ai no kanghawi tym hai iy, tamyh vui ai. Na i py kai ly nang ai nichi tleaung y kang peung hai iy, sa thai naira len nai khumi cheng i ampo lawm hai ai!” napi.

Kati Nai 16:21

“Hini Khumi mipuichi i ka-khan y asyn hawi vui; kai ly nichi ai vaimy kataphra pawn ai,” napi.

Kati Nai 16:22

Na i py Mosi hawi Aron nini ly khaileaung y ambeu iy, “Aw Tameuh, nang ly khumi angso bawibawichi i hengra pakeung sangum ne. Khumi leaungrei i kamngo molam y cheng verei ai kado theu hai ai bo a?” nanai takeng.

Leu Thui Nai 9:14

Amimi py nichi ai pany jo y ai nai kaimy nichi ai tamyh pawn ai i, kai ai kam moh. Naibaly kai ly nang ai nichi tleaung nawi iy sa thai naira awm nai khumi cheng i ampo lawm hai ai,’ napi.

Leu Thui Nai 9:19

Areng my nangchi ai tama hai vui ai nai pa-rei kado theu nai y, kai ly jei parai nai ne; na i py Areng my kai i hnei takeng nai tangai pi bi bo.

JAKOB 5:16

Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.