THEU NAI 3:8 - Khumi Common Language Bible

⁸ Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

THEU NAI 3:8 ပူးပေါင်းရင်းမြစ်များ

ATITI AWM ANGCHEI NAI 11:5

Naibaly Areng my nichi i mary pui hawi yhm ka-sang sa nai ly khen ai nai satla.

ATITI AWM ANGCHEI NAI 11:7

Achi chei iy mychi tengtawi pany thai y ai nai leu athli hai piupa vui sina,” napi.

ATITI AWM ANGCHEI NAI 15:13

Areng my Abram teng y, “Nang i kangpreangchi ly cheng takhra theung y angvyn kamta awm ai; nichi ly saneng chungvai palyhrei miseaung y awm ai i, pahyp y naimy ana naira neangneang avum ai.

ATITI AWM ANGCHEI NAI 15:14

Na i py kaimy nichi ai pahyp y naimy ana nai, miseaung y khai nai keungchi ai pajeng ai i, nichi ly cheng takhrachi theung i nai yhmtheaung neangneang syn naimy theu u ai.

ATITI AWM ANGCHEI NAI 18:21

Kai i thai nai thui tamawn naichi ly teng khyp mo, teng khyp y mo, nanai pany ai nai chei kathiu ai,” napi.

ATITI AWM ANGCHEI NAI 43:11

Hunaibaly Ampo my nichi teng y, “Hina nai kamta so u; hini pri i theu nai atiti kahawichi napi nai maicha katli maidenrei, khawi hang maidenrei, mui katuichi, mura katli, tavau athai hawi baden athaichi paiso theung y lum iy, samrang i bangtang kalen i vui langseaung syn pi u.

ATITI AWM ANGCHEI NAI 46:4

Kai ly nang hawi vanrei Aikupta pri mang y chei ai. Kaimy kypkyp ly nang i kangpreangchi ai hini pri y kang hawi ali teang ai. Nang dei nai neng tym pa-rei Josepha my ang kry ai,” napi.

ATITI AWM ANGCHEI NAI 50:24

Josepha ly amjo amnauchi teng y, “Kai ly dei ai bo; kai by y i py Tameuh my nangchi ai ang kry takengkei ai. Nangchi ai hini pri i dengdairei ang patheu iy, Abraham, Isaka, Jakobchi teng y pei ai adeu nai pri mang y ang pahawi ai,” napi.

1 NENG SATANG 1:15

Hivit, Arki, Sinit,

NEHEMIA 9:8

Nang i tlang tleaung y ka-ym awm nai khumi, nanai niu nai deaungkho y, nang ly ni hawi Leu Maikawm asa bo. Ni i katu chanauchi awm ai nai i vui y, ni teng y Kanan pri, Hiti pri, Amori pri, Perizi pri, Jebusi pri hawi Kirakashi prichi pei ai nai adeu bo. Nang ly ka-ym awm nai keung ne nai deaungkho y, adeu nai leu khaw hai ai.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 34:8

Areng ly mana tanrei hawi na mo, ai nangmy naimy hau ba. Mymy teng y chymme naimy awm ai nga nai khumi ly taham hawi.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

THEU NAI 12:41

Saneng chungvai palyh pa-ngo phairei kheih nai huni kani Areng i khumi Israela chengchi ly Aikupta pri i nai theu u bo.

THEU NAI 12:51

Huni kani y my Areng ly Israela chengchi ai, Aikupta pri i dengdairei theu hai khyp nai ne.

THEU NAI 13:5

Areng ly Kanan cheng, Hiti cheng, Amori cheng, Hivit cheng hawi Jebusi chengchi awm nai pri nangchi teng y pei ai, nanai nangchi i amsi pajochi hawi leu adeu hai typ bo. Mymy pahawi iy nangchi ly cha nei ai nai takang y iy, paitiu khuta hawi nai pri y tym u nai khala, saneng tleirei angchei i lo tleaung y, hini ly sa u jojo ai nai tla.

THEU NAI 3:17

Kai ly nangchi ana naira avum nai Aikupta pri i dengdairei nangchi ai pahawi iy, Kanan cheng, Hiti cheng, Amori cheng, Perizi cheng, Hevit cheng hawi Jebusi chengchi i awm nai pri y pahawi ai. Huni pri ly khaileaung hawi iy teicha teinei avaw y nai ne, nanai amti pi.

THEU NAI 34:11

Vaini nang teng y kaimy kang pei nai reita leuchi tangai. Nangchi tako nai lam i Amori cheng, Kanan cheng, Hiti cheng, Perizi cheng, Hivit cheng, Jebusi chengchi ai kaimy paryh pi pawn ai i, tlamsa ra nga u ai.

THEU NAI 5:23

Kai ly nang i leu pei nai kamta Pharao samrang teng y thui pi nai khala i dengdairei, ni ly nang i khumichi ai ana kalikachi bo. Na i py nang ly nichi ai ati sai py sabawm pi y lawh ly!,” napi.

ISAIA 64:1

Nang ly ati mana nai y kani pa-kho paeaung iy jeu kathiu y lawh mo? Mawichi ly nang ai niu nai khala, jei hyn u ai.

JEREMIA 11:5

Naibaly vai nichi awm naira, nang chawn hai nai hawi, khaileaung hawi iy amti amjang thawn hai nai pri, nichi i amsi pajochi teng y pei ai nai kaimy leu adeu pi nai py, khaw hai ai, nanai nichi teng y kaimy leu pei yb bo. Kaimy, “Ne, aw Areng,” napi.

JEREMIA 2:7

Kai ly nichi ai paitiu khuta hawi nai pri y amti amjang hawi, takhra teicha teinei kahawichi cha nei ai nai kapahawi bo. Na i py nichi ly kai i pri taphra u. Nichi teng y kaimy pei nai pri ai chai hai y nai ne.

JEREMIA 32:22

Nang ly nichi i amsi pajochi teng y leu adeu nai kamta, nang chawn iy amti amjang thawn nai hini pri ly nichi ai pei nai ne.

Ezekiela 20:6

Nichi ai Aikupta pri i nai pahawi iy, nichi i vui khai pi yb nai pri y pahawi ai, nanai kaimy adeu pi nai ly huni neng khala ne. Huni pri ly kanutui hawi khawi hang leaung iy nang nai pri, apu parai nai pri ne.

Levi 20:24

Na i py teicha teinei avaw y iy pa-tiu khuta hawi nai, huni pri nangchi amtym ai nai kang pei ai, nanai adeu nai kamta kai ly sa pi ai. Kai ly nangchi i Areng Tameuh ne iy, nangchi ly khumi takhrachi hawi atawm y, kaimy vawi takhra nai khumichi ne.

AMOS 2:10

Kai ly nangchi ai Aikupta pri i dengdairei, kang pahawi nai ne. Daichi ka-vym theung y saneng vui palyh ryrei pahawi iy, Amori khumichi i pri ai nangchi peang ai nai kang pei bo.

Kati Nai 13:18

Huni pri ly ati mana nai pri mo, khumi vuikanai majirei awm mo, pri mana tanrei khaw mo, nanai khen u.

Kati Nai 13:19

Huni pri ly awm ai nai hawi mo, hawi y mo, nanai py, marychi ly apai tapang nai awm mo, by y mo, nanai py, amtangra awm nai mary ne mo, ny y mo, nanai py khen u.

Kati Nai 13:27

Nichi my Mosi teng y, “Kaichi ly huni pri y khu ta-i ai nai khen paviu i, huni pri ly teicha teinei kawi iy, paitiu khuta thym, nanai pany bo. Hini thengthaichi ly huni pri i theu nai thengthaichi ne.

JOHAN 3:13

Kani pri i dengdairei satla kathiu nai keung ny y baly ami py kani pri y lyn vai y; huni ly Khumi i Chapo ne:mymy ly kani pri y awm nai he.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

Leu Thui Nai 1:25

Nichi ly huni meingtym i theu nai thengthai phyrei ang syn pi. Achi i Areng Tameuh my ang pei nai pri ly khri pa-rei pa-tiu khuta hawi, nanai nichimy ang thui pi u bo.

Leu Thui Nai 1:7

Tai aphrei iy khuleaung amso u jau. Amori chengchi awm nai mawitleaung pri hawi, huni sahawi i mawitleaung pri, adym angdeang, Jordan tavo jawn, tokalawi khu hawi Mrethe pangli mang y chei u. Hunaibaly Kanan pri mang y chei u, hu i bo baly Lebanon mawi lem iy Euphrat tavo tym pa-rei chei u.

Leu Thui Nai 27:3

Huni lengseaung puichira y hini reitachi hawi amtiu nai ngiereichi tajiu ai nai tla. Nangchi i amsi pajochi i Areng Tameuh my adeu nai kamta, paitiu khuta hawi nai pri y tym u nai khala,

Leu Thui Nai 28:11

Areng ly nangchi ai pei ai, nanai amsi pajochi teng y adeu nai pri y, nangchi ai cho chanau, si, beram tawnbawichi neangneang peung hai ai; amti amjang py neangneang thawn hai ai.

Leu Thui Nai 6:3

Aw Israela khumichi awi, huni reitachi tangai u ly patawm u! Huna nai sa baly amsi pajochi i Areng Tameuh my adeu nai kamta, nangchi ly nang chawn iy haiho len nai khumi cheng lawm ai; paitiu khuta hawi nai pri y awm ai nai nga u ai.

Leu Thui Nai 7:1

Nangchi i Areng Tameuh ly nangchi peang ai nai pri y nangchi ai pahawi nai khala, huni pri y awm yb nai khumi vuikanai nawi iy, haiho len nai Hiti cheng, Kirakashi cheng, Amori cheng, Kanan cheng, Perizi cheng, Hevit cheng hawi Jebusi cheng napi nai cheng saryhreichi ai paryh pi pawn ai.

JOSUA 9:1

Jordan tavo nidym mang y awm nai mawi aheung, mawi kheutang, tosyh mang Lebanon mawi ryrei sau nai, Mrethe pangli peang meingtymchi ai peang nai samrang bawibawichi ly Israela chengchi i, eaung pawi sa nai satang thai u bo. Huni samrangchi ly Hiti cheng, Amori cheng, Kanan cheng, Perizi cheng, Hivit cheng, Jebusi cheng i samrangchi ne.

JOSUA 9:7

Huna nai khala Israela chengchi my, “Nangchi ly kaichi sahawi y awm u nai ne lym ai. Huna nai ne baly nangchi hawi ati mana nai ka-dyh ka-dawi sumneang asa lawh ai mo?” napi u.”