THEU NAI 3:7 - Khumi Common Language Bible

⁷ Naibaly Areng my, “Kai i khumichi ly Aikupta pri y ngari kamtang avum nai kaniu khyp bo. Nichi ai kalop sa hai nai keungchi my ana patang hai nai kham pajau y nai deaungkho y, nichi vo hang iy, kasabawmra hnei nai raawi kai ly thai bo. Kai ly nichi i patang nai kaniu angchi khyp bo.

THEU NAI 3:7 ပူးပေါင်းရင်းမြစ်များ

ATITI AWM ANGCHEI NAI 16:11

Nang ly deaungdi aniu bo i chapo tapen ai; amyn ly Ismaela pathi ai nai tla. Areng my nang i patang nai hawi vo nai raawi thai bo.

ATITI AWM ANGCHEI NAI 18:21

Kai i thai nai thui tamawn naichi ly teng khyp mo, teng khyp y mo, nanai pany ai nai chei kathiu ai,” napi.

ATITI AWM ANGCHEI NAI 21:17

Tameuh ly deaungdi i vo nai katyn thai i, kani pri mang y awm nai Tameuh i kani pri amtaw thau naimy Hakara teng y, “Hakara awi, nang ly ati mana nai y paleung bi mo? Mawn reng moh; Tameuh my deaungdi i vo nai katyn thai bo.

ATITI AWM ANGCHEI NAI 29:32

Leah ly deaungdi aniu i chapo tapen. Mymy ly “Areng my kai i patang nai ang niu i, vai ly kai ai py kai i juvo my tamen teang ai,” nanai thui i, huni chapo ai Ruben, nanai amyn pathi bo.

ATITI AWM ANGCHEI NAI 31:12

Kani pri amtaw thau my, ‘Khen cham,’ Labana my nang ai sa nai saichi kang niu pi nai deaungkho y tawnbawi nuchi ly ariura naichi apreaungprang naichi hawi asawsa naichi tapen ai nai kang sa pi nai ne.

ATITI AWM ANGCHEI NAI 31:42

Ngaaichi i Tameuh, Abraham hawi Isaka i Tameuh my kai ai awm hai y lawh baly, nang ly kai ai beng tlairei pato ai nai angchi khyp teu bo. Na i py Tameuh my kai i kalop kaseaung sa naichi, patang naichi ang niu pi nai deaungkho y, jangdyh vum y nang ai Tameuh my ang parip nai na a,” napi.

2 SAMUELA 22:28

Mymy ly paleung apanem nai khumichi ai atleu; na i py paleung len amlyh nai khumichi ai ly tahm anem hai bo.

2 ARENG KEH 13:4

Huna nai khala Jehoaha ly Areng teng y chiu sa. Areng my py, Suria samrang my Israela chengchi ai manatanrei ana pumpi na mo, nanai niu nai deaungkho y, Jehoaha i chiu sa nai pathang pi.

2 ARENG KEH 20:5

kai Areng i khumichi ai peang nai Hezekia teng y ali teang ly ni teng y, “Nang i amsi pajo Davida i Tameuh, kai Areng ly nang i chiu sa nai thai i, nang i meikatui py niu bo. Kai ly nang i no nai hawi hai ai i, nang ly kani thomrei bo baly Achura yhm y chei pajau ai.

NEHEMIA 9:9

“Kaichi i amsi pajochi ly Aikupta pri y patang naira avum nai nang ly niu; pangli kamsenra y nichi aeu iy kasabawmra hnei nai raawi py nang ly thai.

SAM 106:44

Na i py nichi aeu u nai khala y Areng ly thai i, nichi i ngari kamtang py pahen pi bo.

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 142:3

Kai ly paleung phra nai khala y kai i tako ai nai lam mymy pany nai ne. Kai i tako nai lam y paleung ka-echi ly kai i vui deaung pateung pi yb bo.

SAM 145:19

Nang ly nangmy ai jei naimy tahm khai nai khumi bawibawichi i ngai naichi sabawm pi; nichi i aeu nai raawi thai iy atleu pi bo.

SAM 22:24

Mymy ly khumi kamawnchi ai khai su y leang; nichi i ngari patang naichi ai py dawndan pi y nai by y. Mymy ly nichi teng i nai meimai hi pi vui y leang. Sabawm ai nai nichi i aeu hnei takeng nai pathang pi bo.

SAM 34:4

Kai ly Areng teng y chiu sa nai khala, mymy ly tangai pi bo. Jei ai hawi parai naichira i nai kai ai atleu bo.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 35:22

Na i py aw Areng, nang ly hini leaungsai pany nai ne. Na i py aw Areng, awm pypy veng moh ba. Kai hawi kamlo parai naira y awm pi veng moh kyh ba!

SAM 9:14

Huna nai khala naini kai ly Jerusalem mary khumichi i mo y angdo iy, nang i nang parai nai sai bawibawi amteng hai pajau ai. Nang i atleu pi nai sai molam y kai ly amo theu ai.

THEU NAI 1:11

Hunai deaungkho y Aikupta chengchi ly Israela chengchi tlang tleaung y miseaung lu kalenchi khai iy, paleung phra na pa-rei atho no kalopchi sa hai akhikan bo. Hunaibaly samrang Pharao i cha nei vawn kachurachi kachu ai nai Pithom mary hawi Ramese mary sa hai nai ne.

THEU NAI 1:8

Naibaly Aikupta pri y Josepha ai pany vai y nai samrang kangtha leaungrei samrang lyn bo.

THEU NAI 22:23

Nangchi ly huni khumichi ai ana nai deaungkho y, nichimy kai teng y kasabawmra hnei lawh baly, Kai Areng my pathang pi ai.

THEU NAI 33:13

Nang ly kai ai paleung no na baly, kai ly nang i kalop sa iy nang i paleung kangai sa thai ai nai, nang i sa ai dawn tau naichi thui pi kyh. Hini khumichi ly nangmy vawi takhra nai khumichi ne, nanai py pany pi kyh,” napi.

THEU NAI 5:10

Naibaly kalop pacheang nai keungchi hawi Israela cheng kalop lu sa nai keungchi ly Israela chengchi teng y chei u i, “Samrang my, ‘Kai ly nangchi ai chohphi kang pei y leang bo.

THEU NAI 5:6

Huni kani y my Pharao samrang ly Aikupta cheng kalop pacheang nai keungchi hawi Israela cheng kalop lu sa nai keungchi teng y,

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

Kati Nai 20:16

kaichi ly Areng teng y kasabawmra hnei nai khala, mymy ly pathang pi i Angel ai pato pi iy, kaichi ai Aikupta pri i dengdairei pahawi nai ne. Vai kaichi ly nang i peang nai khujyh kadesa mary y tym u bo.

AMTAW 7:34

Aikupta pri y awm nai kai i khumichi i ngari patang nai sai ly kaniu bo mang, mymychi i tangam nai py kai ly thai jojo, kai ly mymychi ai palawi ai nai kang satla nai bo. Khen cham, nang ai Aikupta pri y kang pato ai,’ napi.

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.

1 SAMUELA 9:16

“Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.