THEU NAI 3:4 - Khumi Common Language Bible

⁴ Mosi chei nai thym y Areng my lymlo kangpho theung mang, “Mosi! Mosi!” nanai palau. Huna nai khala Mosi my, “Areng, Kai hi y awm,” nanai pathang.

THEU NAI 3:4 ပူးပေါင်းရင်းမြစ်များ

ATITI AWM ANGCHEI NAI 22:1

Kanirei nai khala, Tameuh my Abraham ai cham ai nai ngai i mymy ly “Abraham!,” nanai palau. Abraham my, “Ne, kai hi y awm!” napi.

ATITI AWM ANGCHEI NAI 22:11

Hunai thym khala Areng i kani pri amtaw thau naimy kani mang dengdairei, “Abraham, Abraham!” nanai palau. Mymy ly “Areng, kai hi y awm,” nanai pathang.

ATITI AWM ANGCHEI NAI 28:16

Jakob ly i anglaw i, “Areng ly hini meingtym y awm angchi khyp! Kai kapany y lawh ly!

ATITI AWM ANGCHEI NAI 46:2

Huni vum ni i paleung mei y niu nai Tameuh my, “Jakob, Jakob!” nanai palau. “Areng awi, kai ly hi y awm,” nanai pathang.

SAM 62:11

Tameuh teng y sa thai naira awm, nanai py, mymy i tamen naira ly khaw parai, nanai py, mymy i leu pei nai ly tlenrei khyh chang y nai kai kathai bo.

THEU NAI 19:3

Naibaly Mosi ly Tameuh hawi avum ai nai Sinai Mawi salo y lyn kalau jo. Areng my Mosi ai mawi salo y palau i, Jakob i kangpreang Israela chengchi teng y thui hai nai ly:

THEU NAI 3:2

Naibaly Mosi teng y Areng i kani pri amtaw thau nai ly lymlo kangpho mang dengdairei, mai kadeu kangveaung amteng hai bo. Mosi ly lymlo kangpho kang y naimy mai angveaung pa-lun nai niu.

THEU NAI 33:12

Mosi my Areng teng y, “Nang ly kai ai hini khumichi ai pahawi ai nai leu pei nai ly teng khyp; na i py kai hawi vanrei ami ai pato ai mo, nanai ly leu pei y nai ne. Nangmy, ‘Nang ai hawihai palai kang pany, nang ai paleung kang no,’ nanai thui bo.

THEU NAI 4:5

Areng my Israela chengchi i mo y hina nai kamta ka-ym awm ai nai so pi; hunaibaly nang ly nichi i Areng Tameuh, Abraham i Tameuh, Isaka i Tameuh, Jakob i Tameuh ai niu, nanai nichi ym u ai,” napi.

Levi 1:1

Areng ly mymy i awmra Tabynako theung mang dengdairei Mosi ai palau i,

AMTAW 10:13

Naibaly atiti raawi ly mymy teng y, “Petera, angthau, tleh ly, cho,” napi.

AMTAW 10:3

Huni khumi ly choh amang neng thym khala y amang kamta chai pyn naimy Tameuh i kani pri i amtaw thau nai leaungrei mymy teng y kun i “Kornelia awi,” napi nai niu.

AMTAW 9:4

naibaly mymy ly khaileaung y atlym i mymy teng y, “Sawla, Sawla, ati mana nai nang ly kai ai ana ryry lawh?” napi nai raawi thai.

Leu Thui Nai 33:16

Mai angveaung nai lymlo kangpho theung mang dengdairei, leu pei nai keung Areng i hawi naira my amtheaung hai nai deaungkho y, nichi i khaileaung y vang teng parai nai amti amjangchi thau sy. Josepha ly my i amjo amnauchi theung y lu sa nai keung ne i, ni i theaung ly huni amtheaung nairachi ngo u sy.

1 SAMUELA 3:10

Areng ly jeu i Samuela sahawi y angdo iy, “Samuela! Samuela!” nanai vaichi khala i kamta palau bi bo. Samuela my, “Areng thui ba, nang i miseaung tangai mang,” napi.

1 SAMUELA 3:4

Areng my Samuela ai palau bo; Samuela my,” Areng! kai hi y awm na a! nanai pathang nai tarawi y,

1 SAMUELA 3:6

Areng my Samuela ai palau bi; deaungdi ly Areng my palau nanai pany y, ati mana nai mo nabaly Areng ly ni ai tlenrei py, amteng hai vai y nai deaungkho y ne. Naibaly ni ly ang thau i, Eli teng y chei; “Nangmy palau nai deaungkho y, kai kang jeu nai he,” napi. Na i py Eli my, “Deang awi, kai kang palau y leang, i phai i pyp ba,” napi.

1 SAMUELA 3:8

Areng my Samuela ai tlen pa-thom palau taleang bi; ni ly ang thau iy Eli teang y chei bi i, “Nangmy palau nai deaungkho y kai kang jeu nai he,” napi. Huna nai khala y Eli ly deaungdi ai palau nai keung ly Areng ne, nanai pany i,