THEU NAI 3:22 - Khumi Common Language Bible

²² Israela neampachy ngiereichi ly Aikupta khumi yhm deaungpachi hawi mychi yhm y anga nai Aikupta neampachychi teng i py muku tangka, amia, ateaung alangchi hnei u ai. Naibaly nangchi ly nangmychi cho chanauchi ai huni ateaungchi pateaung iy, Aikupta chengchi i yhmtheaung katuichi amtym u ai,” napi.

THEU NAI 3:22 ပူးပေါင်းရင်းမြစ်များ

ATITI AWM ANGCHEI NAI 15:14

Na i py kaimy nichi ai pahyp y naimy ana nai, miseaung y khai nai keungchi ai pajeng ai i, nichi ly cheng takhrachi theung i nai yhmtheaung neangneang syn naimy theu u ai.

ATITI AWM ANGCHEI NAI 24:53

Naibaly ni teng y syn yb nai ateaungchi hawi muku tangka, vang kateng langseaungchi, patheaung iy Rebeka teng y pei pi. Ni ly Rebeka i ampro hawi amhm ai py vang kateng langseaungchi pei pi nai ne.

SAM 105:37

Hunaibaly Israela chengchi ai patheu iy pahawi bo; nichi ly muku, tangkachi syn u; nichi bawibawi ly tlumtlang atho awm nai khumichi ne.

THEU NAI 11:2

Israela cheng bawibawichi ly mymychi i yhm deaungpachi teng y muku, tangka hawi ateaungchi hnei ai nai thui pi,” napi.

LEU KACHENG 13:22

Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

Ezekiela 39:10

Paleung ka-echi khai su nai tavai ateaungchi nga u ai i, nichi ly adym angdengra y theng ei ai nai hawi, daichi theung y dengkeaung paliu ai nai aly ngai ai ny y. Nichi ly mymychi ai tiu lawm nai khumichi ai tiu lawm u ali teang ai. Hini ly sa thai naira angym nai Areng my pei nai leu ne.