THEU NAI 3:20 - Khumi Common Language Bible

²⁰ Na i py kai i sa thai naira hawi rengrang ka-ma-rachi patei iy, Aikupta chengchi ai kapajeng ai. Hunaibaly samrang ly nangchi ai theu ai nai ang pei ai.

THEU NAI 3:20 ပူးပေါင်းရင်းမြစ်များ

ATITI AWM ANGCHEI NAI 15:14

Na i py kaimy nichi ai pahyp y naimy ana nai, miseaung y khai nai keungchi ai pajeng ai i, nichi ly cheng takhrachi theung i nai yhmtheaung neangneang syn naimy theu u ai.

NEHEMIA 9:10

Samrang Pharao i bangtangchi hawi khumi mipuichi ly nang i khumichi ai pahyp y naimy ana nai deaungkho y, nichi teng y nang ly lyh ai hawi parai nai ka-ma-rachi patei iy, pajengra tym hai bo. Huna nai y nang ly vaini khrairei amthang nai ne.

SAM 105:27

Nini ly Aikupta pri y Tameuh i lyh ai awm nai sa thai naira hawi rengrang ka-ma-rachi patei pi nai ne.

SAM 105:38

Aikupta chengchi ly nichi ai jei nai deaungkho y, nichi theu u nai khala y amo theu u bo.

SAM 106:22

Huni pri y mymy i sa nai saichi ly lyh ai hawi parai na a! Pangli kamsen sahawi y leaungsaichi ly lyh ai hawi parai na ly!

THEU NAI 11:1

Naibaly Areng ly Mosi teng y, Aikupta samrang hawi ni i chengchi i tlang tleaung y, “Kaimy hini pajeng naira kang tym hai ai. Huna khala naini ni ly nangchi ai chei ai nai ang pei ai. Angchi khyp nangchi bawibawi ai hini pri i nai ang patheu ai.

THEU NAI 12:39

Nichi ly Aikupta pri i theu u kaliki ai tla nai deaungkho y, tako kanghengra y angbo katlen ai nai neng ngo y i, mai y paawp iy cha u nai ne.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 13:9

Areng ly sa thai naira len parai nai hawimy nangchi ai, Aikupta pri i dengdairei patheu nai deaungkho y, nangchi ly Areng i reita leu pei nai ai thui aninau ai nai pawi ly nangchi i kiu, ti y baly nangchi i lukatira y akawm nai ka-ma-ra sai sairei kamta, nangchi ai pany hai jo ai.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 15:6

“Aw Areng, nang i lamtang kiu i sa thai naira ly rengrang iy jei hyn ai nai hawi parai; sa thai naira hawimy paleung ka-echi ai pasum be bo.

THEU NAI 4:21

Areng my Mosi teng y, “Vai nang ly Aikupta pri y vawi ali teang bo i, kaimy sa thai naira kang pei nai rengrang tlai naichi samrang i mo y so pi takengkei ba; na i py kaimy samrang i paleung tang hai ai; ni ly Israela chengchi ai theu ai nai pei ai ny y,” napi.

THEU NAI 6:1

Huna nai khala Areng my Mosi teng y, “Samrang i tlang tleaung y kai mana kasa ai mo, nanai nang niu ai. Kai i sa thai naira haiho hawi ni ly kai i khumichi ai theu ai nai pei pa-rei kasa ai. Kai i sa thai naira haiho hawi ni ly mymy pri i nai nichi ai patheu vui ai nai pa-rei kasa ai,” napi.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

THEU NAI 9:15

Kaimy i kiuban pheu ai i nang hawi nang i khumichi teng y no michi kang tym hai lawh baly, nangchi bawibawi dei thleng ai.

ISAIA 19:22

Areng ly Aikupta chengchi ai pajeng ai nai ne teu i py, nichi i tamo kalemchi tama hai ai. Nichi ly Areng teng y ali teang nai deaungkho y, nichi i hnei takeng nai raawi tangai pi iy, nichi i no-na tama hai ai.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

Ezekiela 20:33

Sa thai naira angym nai kai, Areng ly Tameuh kangheng ne; kai ly kado theu naimy atho len parai nai sa thai naira hawi kiu pheu iy, nangchi ai kang peang ai.

MIKHA 7:15

Areng nangmy kaichi ai Aikupta pri i dengdairei pahawi nai thym khala, nangmy sa pi nai rengrang ka-ma-rachi patei pi kyh ba.

AMTAW 7:36

Mymy ly Aikupta pri y hawi, Pangli Tui Kamsen y hawi daichi ka-vym y saneng vui palyhrei sala y py atiti rengrang hawi ka-ma-rachi patei veng iy, mymychi ai theu hai iy pahawi bo.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 6:22

Mymy ly Aikupta chengchi teng py, nichi i samrang hawi bangtang bawibawichi teng py, rengrang ka-ma-rachi patei iy ka-jei awm nai patangrachi tym hai nai sai amychi i mei y niu u bo.

TARA CHIH NAI KEUNGCHI 6:8

Naibaly mymy ly amo leaungrei ai nichi teng y pato pi bo. Amo dengdairei Israela chengchi i Areng my, “Kai ly nangchi ai Aikupta pri miseaung i nai kang pahawi nai ne.

TARA CHIH NAI KEUNGCHI 8:16

daichi ka-vymra i alengchangpichi la iy, Sukkoth mary i miteaung kehchi ai pajeaung bo.