THEU NAI 3:18 - Khumi Common Language Bible

¹⁸ “Nichi ly nang i leu tangai u ai. Hunaibaly nang ly Israela lu sa naichi hawi vanrei Pharao samrang teng y chei iy, ‘Kaichi ly Hebrai chengchi i Areng Tameuh hawi avum bo; kaichi ly Areng Tameuh teng y apathyp ai nai daichi ka-vym y kani thomrei chei ai nai pei kyh,’ nanai hnei.

THEU NAI 3:18 ပူးပေါင်းရင်းမြစ်များ

ATITI AWM ANGCHEI NAI 12:1

Areng ly Abram teng y, “Nangmy i pri, nangmy i amjo amnauchi hawi ngampo i yhm dengdairei theu ly kai my kang patei nai pri mang y chei.

ATITI AWM ANGCHEI NAI 14:13

Na i py khumi leaungrei ly tleaung i, Amori pri Mamre i peang nai dengkeaung thengreung sahawi y awm nai Hebrai cheng Abram teng y thui pi. Mamre hawi amnau Esakola hawi Anerchi ly Abram hawi nai asa naichi ne.

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 48:3

Jakob my Josepha teng y, “Ati cheaungkhang sa thai nai Tameuh ly Kanan pri Luza mary y awm nai khala y kai ai amteng hai iy amtheaung hai bo.

2 NENG SATANG 30:12

Samrang hawi miteaung kehchi i leu pei nai tangai u nai kamta, khumichi ly adyh adawi naimy leu atangai ai nai, Tameuh ly Juda khumichi i paleung amtlau hai nai ne.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

THEU NAI 17:5

Areng my Mosi teng y, “Nang hawi Israela chengchi theung i lu sa nai phyreichi ai nang teng palau ly khumi mipuichi ai pahawi iy mo mang y tako u man; Naing tavo tui y pakhau nai cheaungvawi py syn.

THEU NAI 19:1

Israela chengchi ly Aikupta pri dengdairei theu u nai bo, pa-thom lo, angchei kani y Sinai daichi ka-vym y tym u bo. Nichi ly Rephidim meingtym i nai theu bi i, Sinai daichi ka-vym y tym u nai Sinai mawi kheutang y tai u bo.

THEU NAI 25:22

Hunira y kai ly nangchi hawi avum ai; kai ly kheruben nyhrei khym salo y awm iy, Israela chengchi teng y leu pei ai nai ngiereichi ly nang teng y kang thui pi ai.

THEU NAI 3:12

Tameuh my, “Kai ly nang hawi vanrei awm ai; kaimy nang ai kang pato nai ka-ma-ra ly nangmy huni khumichi ai Aikupta pri i dengdairei pahawi nai khala, nangchi bawibawi ly hini mawi y kai, Tameuh ai chiu u ai,” napi.

THEU NAI 3:16

Nang chei iy Israela cheng lu sa naichi ai pangym ly nichi teng y nangchi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh ai niu iy, huni Tameuh ly nangchi teng y jeu i, Aikupta chengchi my nangchi ai ana nai niu pi bo.

THEU NAI 30:36

Huni mui katuichira i phyrei ai teipei pa-rei deng iy, kai i awmra Tabynako theung, kai i mo y syn ly Leu Maikawm Pawm mo y phui ai nai tla. Huni rimui mui katui ai chai keh nai rimui mui katui palawn ai nai tla.

THEU NAI 30:6

Leu Maikawm Pawm mo i kanih ali jang nai angam mang y, huni maicham khai ai nai tla. Huni meingtym y kai ly nang hawi avum ai.

THEU NAI 4:1

Naibaly Mosi my, “Israela chengchi kai ai ym y, kai i leu py tangai y iy, ‘Nang Areng ai niu nanai ly ny y leang,’ nanai thui u lawh baly kai mana sa ai mo?,” napi.

THEU NAI 4:23

Kai i chapo ly kai ai chiu ai nai molam chei hai ai nai leu kang pei i py, nang ly paka lawh; hunai deaungkho y kai ly nang i chapo chalu kapadei ai,’ nanai thui pi,” napi.

THEU NAI 4:24

Naibaly Aikupta pri mang y tako nai meingtym hareira y tai i, Areng ly Mosi ai padei ai nai tau bo.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

THEU NAI 5:1

Huni bo y Mosi hawi Aron nini ly Aikupta samrang teng y chei hawi i ni teng y, “Israelachi ai Areng Tameuh my, ‘Israela chengchi ly daichi ka-vym y Tameuh teng apathyp nai pawi sa ai nai molam, nichi ai chei ai nai pei,’ ang napi,” napi.

THEU NAI 5:3

Naibaly Mosi hawi Aron nini my, “Hebrai chengchi i Tameuh ai kaini ly niu nai ne. Kaichi i Areng Tameuh teng y apathyp ai nai kani thomrei ka-teng daichi ka-vym y chei ai nai pei tanga kyh; kaichi ly huna nai so y baly tavai keung y mo, no kanghawi y mo, kaichi ai ang padei ai,” napi.

THEU NAI 7:16

Samrang teng y, ‘Hebrai chengchi i Areng Tameuh my, kai i khumichi ai daichi ka-vym y kai ai chiu ai nai chei hai, nanai thui pi ai nai kai ai ang pato nai ne; na i py nang ly vai khrairei tangai pi y lawh be.

THEU NAI 8:1

Areng my Mosi teng y, “Samrang teng y chei ly ‘Kai i chengchi kai ai chiu u ai nai molam chei ai nai pei sy.

THEU NAI 8:20

Naibaly Areng my Mosi teng y, “Khawndam khawn angthodyh samrang ly tuivum y satla nai khala, ni hawi ka-vum sa iy kai i khumichi ly kai ai chiu thai ai nai theu ai nai pei sy.

THEU NAI 8:23

Kai ly nang i khumichi hawi kai i khumichi ai patleh takhra ai. Hini rengrang ka-ma-ra ly khawndam kang patei ai, nanai kaimy leu kang pei,’ nanai thui pi,” napi.

THEU NAI 9:1

Areng my Mosi teng y, “Samrang teng y chei ly Hebrai chengchi i Areng Tameuh my, ‘Kai ai chiu ai nai kai i khumichi ai chei ai nai pei.

THEU NAI 9:13

Naibaly Areng my Mosi teng y, “Khawndam khawn angthodyh samrang teng y chei ly ni teng y Hebrai chengchi i Areng Tameuh my, ‘Kai i khumichi kai ai chiu ai nai chei hai ang napi.

ISAIA 64:5

Nang ly kateng sa naira y amo theu naichi ai py, nang i ngai nai kamta sa ai nai tami y nai khumichi ai py, kawn pi nai ne. Nang ly kaichi ai kado theu hai teu i py, kaichi ly kamngo sa ra sa ra bo. Nang ly kado theu naimy awm teu i py, kaichi ly tamang naira sa veangveang nai ne. Jangni i ka-so hina nai kamta kasa u lawh bo.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 26:5

Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

Kati Nai 17:4

Huni cheaungvawichi ai kai i awmra Tabynako mang y syn iy, nang ai kai ka-vum sa reng nai Leu Maikawm Pawm mo y khai.

JOSUA 1:17

Mosi i leu tangai nai kamta, nang i leu py tangai ai. Areng Tameuh ly Mosi hawi vanrei awm nai kamta, nang hawi py vanrei awm hai sy.