THEU NAI 3:16 - Khumi Common Language Bible

¹⁶ Nang chei iy Israela cheng lu sa naichi ai pangym ly nichi teng y nangchi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh ai niu iy, huni Tameuh ly nangchi teng y jeu i, Aikupta chengchi my nangchi ai ana nai niu pi bo.

THEU NAI 3:16 ပူးပေါင်းရင်းမြစ်များ

ATITI AWM ANGCHEI NAI 21:1

Areng ly mymy i leu adeu nai kamta Sarah ai amtheaung hai bo.

ATITI AWM ANGCHEI NAI 28:13

Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.

ATITI AWM ANGCHEI NAI 48:15

Naibaly mymy ly Josepha ai amtheaung hai bo: “Kai i amsi Abraham hawi kai i ampo Isaka nini i ym nai Tameuh my hini deaungdi ni ai amtheaung hai sy! Kani tleirei kai ai ang pahawi nai keung Tameuh my nini ai amtheaung hai sy!

ATITI AWM ANGCHEI NAI 50:24

Josepha ly amjo amnauchi teng y, “Kai ly dei ai bo; kai by y i py Tameuh my nangchi ai ang kry takengkei ai. Nangchi ai hini pri i dengdairei ang patheu iy, Abraham, Isaka, Jakobchi teng y pei ai adeu nai pri mang y ang pahawi ai,” napi.

SAM 102:21

Hunai deaungkho y pri tleirei i khumi cheng cheaungkhangchi ly angym u iy Areng ai chiu u nai khala y,

SAM 33:18

Areng ly mymy ai jei kaji nai hawi khaw parai nai tamen naira ai ym nai khumichi ai kry nai ne.

SAM 8:4

Huna nai y khumi ly ati mana nai lawm iy, nang ly ni ai pany pi jo nai mo? Khumi ly ati mana nai lawm iy, nang ly ni ai kry pi lawh mo?

THEU NAI 1:8

Naibaly Aikupta pri y Josepha ai pany vai y nai samrang kangtha leaungrei samrang lyn bo.

THEU NAI 13:19

Josepha my Israela chengchi teng y leu taviu kheng nai kamta, Mosi ly Josepha i hiuchi syn nai ne; Josepha my, “Tameuh my nangchi ai atleu nai khala y, kai i hiuchi ai hi i nai syn u ai nai tla,” nanai leu taviu kheng bo.

THEU NAI 15:14

Khumi cheng cheaungkhangchi ly huni satang thai i jei hyn u; Philistin chengchi ly kaso theu nai ne.

THEU NAI 17:5

Areng my Mosi teng y, “Nang hawi Israela chengchi theung i lu sa nai phyreichi ai nang teng palau ly khumi mipuichi ai pahawi iy mo mang y tako u man; Naing tavo tui y pakhau nai cheaungvawi py syn.

THEU NAI 18:12

Naibaly Tameuh teng y talam ai nai, Jethro ly bom leng patlum nai apathypra hawi takhra apathyprachi py syn; naibaly Aron hawi, Israela miteaung keh bawibawichi ly Jethro hawi vanrei, Areng i mo y cha nei ai nai chei u bo.

THEU NAI 2:25

Naibaly mymy i khumi Israela chengchi ly miseaung achei nai, patang nai, niu i adawn pi nai ne.

THEU NAI 24:11

Tameuh my Israela cheng lu sa naichi ai patangra avum hai y, nichi ly Tameuh ai niu u chum baly vanrei cha nei ahawi u bo.

THEU NAI 3:2

Naibaly Mosi teng y Areng i kani pri amtaw thau nai ly lymlo kangpho mang dengdairei, mai kadeu kangveaung amteng hai bo. Mosi ly lymlo kangpho kang y naimy mai angveaung pa-lun nai niu.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

THEU NAI 4:1

Naibaly Mosi my, “Israela chengchi kai ai ym y, kai i leu py tangai y iy, ‘Nang Areng ai niu nanai ly ny y leang,’ nanai thui u lawh baly kai mana sa ai mo?,” napi.

THEU NAI 4:29

Naibaly Mosi hawi Aron nini ly Aikupta pri y chei hawi i, Israela cheng lu sa naichi ai akachu hai bo.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

THEU NAI 4:5

Areng my Israela chengchi i mo y hina nai kamta ka-ym awm ai nai so pi; hunaibaly nang ly nichi i Areng Tameuh, Abraham i Tameuh, Isaka i Tameuh, Jakob i Tameuh ai niu, nanai nichi ym u ai,” napi.

MATTHAI 26:3

Hunai thym khala y ly pathyp pi nai keung kalen keh nai Kaiapha napi nai i lyum y ly pathyp pi nai keung kalenchi hawi, khumi humchi i miteaung kehchi ly achu u bo;

LUKA 1:68

“Israelachi i Areng Tameuh ly palo nai awm sy: Ati mana nai mo nabaly khaileaung palum angchei kha i ka-so

LUKA 19:44

Nang theung i nang i chanauchi hawi nangmy ai py khaileaung y athorei my aphi ai i, nang theung i lengseaung tleangleang nai ha py ang khai ai ny y; nang ly ang de nai neng khala nang pany y nai deaungkho y; huna nai kani ly nang i tlang tleaung y ang tym ai,” napi.

AMTAW 11:30

huni ly sa tanga i, Barnaba nini Sawla i kiu y krykeungchi teng y pa u bo.

AMTAW 15:14

“Amjo amnauchi awi, kai i leu tangai u; Angchei y ly Tameuh my mymy i amyn apu ai nai mymychi theung i dengdairei khumichi ai vawi takhra ai nai Cheng Takhrachi ai de nai sai satang ly Sumeona ly thui bo.

AMTAW 20:17

Naibaly Mileti avang i dengdairei ly Ephesi avang y khumi pato i, mymy teng y palau takhra kamkawm miteaung kehchi ai palau hai.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 5:1

Hunaibaly kai, miteaung keh ne teang nai hawi, Krista i patang naira niu nai hawi, amteng ai nai nang parai naira phy nga nai khumi ly nangchi theung y miteaung kehchi ai kang pachei:

RUTHI 1:6

Neng kra kyh nai bo y Areng my mymy i khumichi ai amti amjang amtheaung hai nai satang Naomi ly thai; hunai deaungkho y ni ly my i lengngo ni hawi vanrei, Moba pri i dengdairei theu ai nai angveirym bo.