THEU NAI 3:10 - Khumi Common Language Bible

¹⁰ Kai i khumi Israela chengchi ai Aikupta pri i nai patheu iy pahawi ai nai, vai kai ly nang ai Aikupta samrang teng y kang pato ai,” napi.

THEU NAI 3:10 ပူးပေါင်းရင်းမြစ်များ

ATITI AWM ANGCHEI NAI 15:13

Areng my Abram teng y, “Nang i kangpreangchi ly cheng takhra theung y angvyn kamta awm ai; nichi ly saneng chungvai palyhrei miseaung y awm ai i, pahyp y naimy ana naira neangneang avum ai.

ATITI AWM ANGCHEI NAI 15:14

Na i py kaimy nichi ai pahyp y naimy ana nai, miseaung y khai nai keungchi ai pajeng ai i, nichi ly cheng takhrachi theung i nai yhmtheaung neangneang syn naimy theu u ai.

SAM 105:26

Naibaly mymy ly mymy i miseaung Mosi hawi mymy vawi takhra nai Aron ai pato bo.

SAM 77:20

Nang ly Mosi hawi Aron nini i lu sa nai hawimy, nangmy i khumichi ai, beram tym nai keung kamta pahawi bo.

THEU NAI 12:40

Israela chengchi ly Aikupta pri y saneng chungvai palyh pa-ngo phairei khu-teng sa u.

THEU NAI 12:41

Saneng chungvai palyh pa-ngo phairei kheih nai huni kani Areng i khumi Israela chengchi ly Aikupta pri i nai theu u bo.

THEU NAI 33:12

Mosi my Areng teng y, “Nang ly kai ai hini khumichi ai pahawi ai nai leu pei nai ly teng khyp; na i py kai hawi vanrei ami ai pato ai mo, nanai ly leu pei y nai ne. Nangmy, ‘Nang ai hawihai palai kang pany, nang ai paleung kang no,’ nanai thui bo.

THEU NAI 33:13

Nang ly kai ai paleung no na baly, kai ly nang i kalop sa iy nang i paleung kangai sa thai ai nai, nang i sa ai dawn tau naichi thui pi kyh. Hini khumichi ly nangmy vawi takhra nai khumichi ne, nanai py pany pi kyh,” napi.

THEU NAI 6:26

Areng my, “Israela chengchi ai Aikupta pri i nai pahawi,” nanai leu pei nai ly Aron hawi Mosi nini teng y ne.

HOSEA 12:13

Areng ly Israela khumichi ai miseaung achei nai Aikupta pri i dengdairei pahawi ai nai hawi, kry ai nai amo leaungrei ai pato pi.

MIKHA 6:4

Kai ly nangchi ai Aikupta pri i dengdairei kang pahawi iy miseaung i nai atleu pi bo. Nangchi ai lam patei ai nai Mosi, Aron hawi Miriamchi ai kang pato pi nai ne.

AMTAW 7:34

Aikupta pri y awm nai kai i khumichi i ngari patang nai sai ly kaniu bo mang, mymychi i tangam nai py kai ly thai jojo, kai ly mymychi ai palawi ai nai kang satla nai bo. Khen cham, nang ai Aikupta pri y kang pato ai,’ napi.

AMTAW 7:36

Mymy ly Aikupta pri y hawi, Pangli Tui Kamsen y hawi daichi ka-vym y saneng vui palyhrei sala y py atiti rengrang hawi ka-ma-rachi patei veng iy, mymychi ai theu hai iy pahawi bo.

AMTAW 7:6

“Naibaly Tameuh my hina nai kamta thui i, ‘Nangmy i kangpreangchi ly ami i pri y saneng chungvai palyhrei awm ai i, nichi ai miseaung palawn iy ana py ana ai.

AMTAW 7:7

Naibaly nichi ai miseaung palawn ai nai chengchi ai ly kaimy chih ai, naibaly hunai bo y nichi ly theu ai i, hini meingtym y kai i kalop sa ai, nanai thui.

TARA CHIH NAI KEUNGCHI 6:14

Hunaibaly Areng my, “Nangmy i atho haiho pui hawi chei iy, Midian chengchi teng i nai Israela chengchi ai atleu ba. Kaimy nang ai kang pato nai bo,” napi.

1 SAMUELA 12:6

Samuela my thui bi nai ly “Mosi hawi Aron nini ai vawi takhra nai, nangchi i amsi pajochi ai Aikupta pri i dengdairei pahawi nai keung ly Areng ne.

1 SAMUELA 12:8

Jakob hawi my i yhm dengtheungchi ly Aikupta pri y chei u nai khala y, Aikupta chengchi my nichi ai ana u kalikachi bo. Huna nai khala y nangchi i amsi pajochi ly kasabawmra nga ai nai Areng teng y aeu u nai deaungkho y, mymy Mosi hawi Aron ai pato pi. Nini leaung nyhrei ly nangchi i amsi pajochi ai Aikupta pri i dengdairei pahawi iy, hini pri y khuteng sa hai bo.