THEU NAI 28:3 - Khumi Common Language Bible

³ Aron ly kai teng y pathyp pi nai keung lawm iy Kai i kalop sa pi thai ai nai, kaimy sa thai naira pei nai kupe kakawpchi ai palau iy, Aron i vui ateaungchi sa pi ai nai tla.

THEU NAI 28:3 ပူးပေါင်းရင်းမြစ်များ

1 ARENG KEH 7:14

Dei chum nai ni i ampo py Turu mary y awm nai ne i, kheupaja thip kawp naira y kupe hawi parai nai khumi ne. Ni i amhm ly Naphtali cheng ne. Hiram ly cheng parai i, kalopra y kyh chawn nai khumi ne. Ni ly samrang Solomon my palau iy sa hai nai kamta, kheupaja hawi sa nai kalop ngierei sa pi nai keung ne.

THEU NAI 35:10

Nangchi theung i kupe kakawp bawibawichi ly Areng i leu pei nai kamta jeu u ly sa u ai nai tla.

THEU NAI 35:25

Kalang kyn kawp parai nai neampachy bawibawichi ly beram mui kalang an kamngau, an kamleng;

THEU NAI 35:30

Mosi my Israela chengchi teng y, “Areng ly Juda cheng theaung theung i Hura i katu, Uri i chapo Bezalela ai vawi takhra bo.

THEU NAI 35:31

Ni ly Tameuh teng i sa thai naira nga nai deaungkho y, muku, tangka, kheupaja nganchi hawi mawi-en amjyjy kupe kakawp,

THEU NAI 35:35

Nini teng y mawi-en o-pangen kawp nai, kupe kakawp, an kamngau, an kamleng hawi an kamsen amthym nai beram mui, kanih mai ka-syn hawi takhra kanihchi aneng kawp nai cheng nairachi pei pi bo. Nini ly kupe amjymjyra y kawp parai tlai i, mawi-en sa naira y kawp katlen hawi nai ne.

THEU NAI 36:1

“Bezalela hawi Aholiaba nini py Tabynako sa ai nai, Areng teng i kupe kakawp hawi, ka-vo dawn pany kawp nai takhra kupe kakawp bawibawichi py, Areng i leu pei nai kamta khyp sa u ai nai tla,” napi.

THEU NAI 36:2

Mosi ly Bezalela hawi Aholiaba nini ai py, Tabynako sa ai nai Areng teng i kupe kakawp nga nai khumichi hawi, sabawm ai nai paleung ka-no awm nai bawibawichi ai py palau iy, kalop amteaung hai bo.

LEU KACHENG 2:6

Cheng naira pei nai keung ly Areng ne. Cheng naira hawi pany thai naira ly mymy teng i dengdairei ang tym nai ne.

ISAIA 11:2

Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

EPHESI 1:17

mymy ai pany naira y cheng nai hawi, hawihai pany nai phailo ang pei thai ai nai, kai i chiu sa naira y ly nangchi ai chiu sa hai iy, nangchi i tlang tleaung y kawn nai leu thui nai ly ka-nawn y leang;

Leu Thui Nai 34:9

Nun i chapo Josua ly cheng parai nai deaungkho y, mymy i meingtym atheng ai nai au pi bo. Israela khumichi ly Josua i leu tangai nai hawi, Areng my Mosi teng y leu pei naichi py patawm u bo.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.