THEU NAI 28:2 - Khumi Common Language Bible

² Nang i amjo Aron, pathyp pi nai keung i vui rym-ah awm iy apu parai nai ateaungchi sa pi ai nai tla.

THEU NAI 28:2 ပူးပေါင်းရင်းမြစ်များ

JOBA 40:10

Huna nai katyn awm lawh teu i baly, nang ly tahm awm parai pa-rei amthyp ba; nangmy ai sa thai naira haiho hawimy akhiu ba.

SAM 132:16

Hini mary i pathyp pi nai keungchi i, sa nai ngiereichi ai amtheaung hai ai; mary i khumichi py amo theu nai khulym thui aeu u ai.

SAM 132:9

Nang i pathyp pi nai keungchi ly kateng lam so u jojo sy; nang i khumichi ly amo theu parai naimy aeu u sy!

SAM 149:4

Areng ly mymy i khumichi ai tamen nai ne; tahm anem nai khumichi ai, eaung nai hawimy tahm pasang u.

SAM 96:6

Phum-ang hawi tahm asang nai sai ly mymy ai taki naimy awm bo; sa thai naira hawi apu parai naira ly Achura yhm y awm nai ne.

THEU NAI 28:40

“Aron i chapochi ateaung ai nai rym-ah awm iy apu parai nai baichuchi, khobaichi hawi lukhym kasauchi aneng pi ai nai tla.

THEU NAI 29:28

Kai i khumichi ly leunghawi kapathyprachi talam nai khala, tawnbawi amsei hawi phai ly pathyp pi nai keungchi i vui mawi phy ne, nanai reita leu ai teaung patawm jo ai nai tla. Hini ly khumichi my kai Areng ai talam nai kapathypra ne.

THEU NAI 31:10

Aron hawi ni i chapochi pathyp pi nai kalop sa nai khala y amthyp ai nai, rym-ah awm nai pathyp pi nai keung ateaungchi,

THEU NAI 40:13

Aron ai pathyp pi nai keung ateaungchi amthyp hai ly ni ai tahm palyn nai asitui kachai leih iy au patyp ly kai i vui pathyp pi nai keung kalop sa hai ai nai tla.

ISAIA 4:2

Areng ly hini pri theung y dengkeaung katheang kalen bawibawichi ai keung pui cheang iy, ngam sai heng-up nai neng tym hai ai. Dei kamthum Israela cheng bawibawichi ly hini pri i theu nai thengthaichi molam y amo theu u ai.

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

Levi 8:30

Naibaly Mosi my tahm palyn nai asitui maidenrei hawi maicham tleaung i thi la mai iy, Aron hawi ni i chapochi i tlang tleaung y py, nichi i ateaungchira y py katheng pi bo. Huna nai kamta sa iy ni ly Aron hawi chapochi, nichi i ateaungchi py, Areng teng y au patyp nai ne.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

KALATIA 3:27

nangchi theung y Krista y baptisma nga nai ngiereichi ly Krista ai amthyp u bo.

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

II PETERA 1:17

Naibaly khri pa-rei nang parai naira i dengdairei mymy teng y raawi tym i, “Hini ly kai i Chapo ngai parai nai ne: kai ly mymy i tlang tleaung y khri khti pa-rei kakawn parai,” nanai thym khala y ly, ni ly Ampo Tameuh teng i dengdairei tahm pasang naira hawi nang parai naira nga bo.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

AMTENG HAI NAI 19:8

mymy ly kaleung pahathyp nai hawi amchai nai kanih mai ka-syn akhiu ai nai leu nga bo: huni kanih mai ka-syn ly khumi kachaichi i atiti kahawi sa nai ne lawh,” nanai kathai.

AMTENG HAI NAI 5:10

naibaly nichi ai ly achi i Tameuh i vui y peang naira hawi pathyp pi nai keungchi y nang palawn bo; naibaly nichi ly khaileaung pri y peang ai,” napi.