THEU NAI 24:4 - Khumi Common Language Bible

⁴ Mosi ly Areng i leu pei naichi tajiu typ bo. Kani pa-nyh khawn angthodyh Mosi ly mawi kheutangra y maicham sa i, Israela cheng holai nyhreichi i vui leungcheng holai nyhrei leng bo.

THEU NAI 24:4 ပူးပေါင်းရင်းမြစ်များ

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 28:18

Jakob ly khawn angthodyh ang thau iy lu tleang nai lengseaung la i pany jo ai nai leng bo. Naibaly mymy ly huni lengseaung salo y olive asitui lei i, Tameuh teng y au nai ne.

ATITI AWM ANGCHEI NAI 28:22

Hini pany jo ai nai kai i lengseaung leng nai meingtym ly nang ai chiu nai meingtym lawm ai; naibaly nang i amtheaung hai nai theung i horei y harei kang talam jojo ai,” nanai vaineng abeu bo.

ATITI AWM ANGCHEI NAI 31:45

Naibaly Jakob ly lengseaung harei la i, pany jo ai nai leaungcheng leng bo.

1 ARENG KEH 11:30

Amo Ahijah ly mymy i ateaung kangtha aleng iy seih holai nyhrei sei i,

1 ARENG KEH 18:31

Ni ly Areng my Israela amyn pathi nai Jakob i kangpreang cheng holai nyhreichi jeng y, lengseaung holai nyhrei la.

EZARA 6:17

Huni Achura yhm khai takhra nai pawira y nichi ly si katai 100 rei, beram 200 rei hawi beramcho 400 reichi ai kapathypra tawnbawichi palawn iy, Israela cheng theaung ha harei i vui y mi-i ha harei, cheng theaung holai nyhrei kavui mi-i holai nyhrei ai kamngo ahui nai kapathypra palawn iy apathyp u nai ne.

NEHEMIA 10:1

Lamai nip man nai khumi ly Hakaliah i chapo Nehemia ne; huni bo baly Zedekiah lamai nip nai ne. Lamai nip nai takhra khumichi ly anui mang i naichi ne:

THEU NAI 17:14

Naibaly Areng my Mosi teng y, “Hini eaung nai ly pany jo ai nai tajiu typ; kaimy Amalek chengchi ai tavai kasum hai ai nai Josua teng y thui pi,” napi.

THEU NAI 17:15

Mosi ly maicham sa i, “Areng ly kai i tamkhawn ne,” nanai amyn pathi bo.

THEU NAI 21:1

“Israela chengchi i vui anui mang i reitachi pei pi bo;

THEU NAI 24:7

Naibaly ni ly Areng i leu pei nai tajiu typ nai Leu Maikawm la iy, mipuichi thai pa-rei phain pi. Nichi ly “Areng i leu pei nai ngiereichi tangai ai mang,” nanai pathang u.

THEU NAI 28:21

Israela theaung holai nyhrei amyn ai, lengseaung holai nyhreira, ha harei y Jakob i chapo leaung leaungrei i amyn tajiu ai nai tla.

THEU NAI 34:27

Areng my Mosi teng y, “Hini reita leu pei naichi ly tajiu typ; kai ly nang hawi py, Israela chengchi hawi py, hini reita leu pei nai kamta Leu Maikawm asa bo,” napi.

ISAIA 19:19

Huni neng tym nai khala y Aikupta pri y Areng i vui maicham harei sa ai. Mymy ai tahm pasang iy leng nai leungcheng harei ly pri khujyhra y awm ai.

Levi 24:5

Tako dei sie apom phai saryhrei hawi tako phi 12 rei paawp ai nai tla.

Kati Nai 17:2

“Israela theaung holai nyhreichi ai lu sa naichi teng i, leaungrei y cheaungvawi ha harei, cheaungvawi holai nyhrei ly, nang teng y jeu hai sy. Lu sa nai leaung leaungrei ly cheaungvawira y amy i amyn tajiu typ ai nai tla.

LUKA 22:30

Ngaai my kai ai peang naira ang sa pi rym nai kamta, peang naira kang sa pi rym mang:hunaibaly Israela cheng holai nyhreichi ai tara chih pi nai areng atehra y nangchi ateh ai.

KALATIA 2:9

naibaly kai ai pahenra ang pei nai ly nichi ly pany u nai khala y, yhm mawm y palawn nai Jakob, Kipha, Johanchi ly, kaini ly Cheng Takhrachi teng y chei ai nai hawi, nichi ly lengkhym takip naichi teng y chei ai nai py Barnaba kaini ai vanrei adawi nai lamtang mang i kiu ang pei u lawh.

Leu Thui Nai 31:9

Naibaly Mosi ly Tameuh i reita leu pei naichi tajiu iy, Areng i Leu Maikawm Pawm kry nai Levi theaung pathyp pi nai keungchi hawi Israela cheng lu sa nai keungchi teng y au pi bo.

JOSUA 4:20

Josua ly Jordan tavo theung i la nai lengseaung holai nyhrei ai, huni meingtym y leng bo.

JOSUA 4:5

nichi teng y, “Nangchi ly Areng Tameuh i Leu Maikawm Pawm mo i, Jordan tavo theung y satlo u; Israela cheng theaung ha harei i vui, leaungrei y lengseaung ha harei syn kryh ai nai tla.

AMTENG HAI NAI 21:14

Naibaly avang pui apai ly lengseaung leng nai lengseaung holai nyhrei awm i, hunira y ly Beram Cho i amtaw thau nai holai nyhreichi i amyn holai nyhrei awm.