THEU NAI 24:3 - Khumi Common Language Bible

³ Mosi ly Israela chengchi teng y vawi teang iy Areng i leu pei nai ngierei hawi, reita bawibawichi amti pi. Khumi bawibawichi my, “Kaichi ly Areng i leu pei nai ngirei tangai mang,” nanai vanrei pathang u krup bo.

THEU NAI 24:3 ပူးပေါင်းရင်းမြစ်များ

2 NENG SATANG 15:14

Huni khumichi ly hini Leu Maikawm khaw hai ai, nanai Areng i amyn y raawi pajeng parai naimy vaineng abeu u bo. Naibaly nichi ly aeu u iy bawchi eng u.

2 NENG SATANG 15:15

Juda khumi bawibawichi ly paleung hawi tlang verei Leu Maikawm asa u nai deaungkho y amo theu u bo. Nichi ly paleung hawi verei ahihawi nai deaungkho y, Areng ly nichi i ahihawi nai kawn pi i, meingtym tleirei y tlamsa hai bo.

SAM 50:5

Mymy ly “Apathyp nai molam y kai hawi leu maikawm asa iy, ka-ym awm naichi kai teng y achu hai u,” nanai leu pei bo.

THEU NAI 19:8

Naibaly khumi mipuichi my vanrei pathang krup i, “Kaichi ly Areng i leu pei nai ngiereichi kasa u ai mang,” napi. Mosi my py mipuichi i pathang nai ai Areng teng y amti pi teang nai ne.

THEU NAI 24:2

Nang leaungrei naini kai sahawi y jeu ai nai tla. Takhra khumichi ly kai sahawi y ahai moh sy; khumi mipuichi ly mawi y py lyn u moh sy,” napi.

THEU NAI 24:7

Naibaly ni ly Areng i leu pei nai tajiu typ nai Leu Maikawm la iy, mipuichi thai pa-rei phain pi. Nichi ly “Areng i leu pei nai ngiereichi tangai ai mang,” nanai pathang u.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 34:13

kai ai khumichi teng y thui hai nai ly “Kai ly nangchi i amsi pajochi ai Aikupta pri i dengdairei miseaung alaw hai nai thym khala y, nichi hawi Leu Maikawm asa nai ne.

HAKAI 2:5

Aikupta pri i dengdairei nangchi vawi u nai khala y, kai ly nangchi hawi vanrei awm jo ai, nanai adeu nai kamta, vai khrairei nangchi hawi vanrei kai awm; hunai deaungkho y jei u moh.

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?

Leu Thui Nai 11:1

“Nangchi i Areng Tameuh ai tamen iy mymy i reita bawibawichi ai tangai u ly patawm u.

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Leu Thui Nai 4:45

Ni ly Aikupta pri i dengdairei theu nai bo y, Jordan tavo nisi ngan Bethpeora mary kangka i leaunghawi y tym u nai thym khala, Mosi my reitachi pei pi nai ne. Huni meingtym ly Hesabon mary y peang nai keung Amori samrang Sihon i khu ka-peang lawm bo. Mosi hawi Israela chengchi ly Aikupta pri i dengdairei theu chum nai bo y samrang ai tiu i pajau vui nai ne.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

Leu Thui Nai 5:1

Mosi ly Israela cheng bawibawichi ai palau achu iy nichi teng y, “Israela khumichi awi, vaini nangchi teng y kaimy kang pei nai reita bawibawichi tangai u. Huni reitachi tangai ai nai dawn u patyp.

Leu Thui Nai 5:31

Na i py Mosi awi, nang ly kai hawi vanrei hi y awm jo rai; kaimy pei ai nai pri y nichi teaung patawm ai nai reitachi hawi leu pei nai ngiereichi nang teng y kang thui pi ai. Huni reitachi hawi leu pei naichi ly nichi teng y patiu pi,’ napi.

Leu Thui Nai 6:1

“Hini ly nangchi ai patiu pi ai nai nangchi i Areng Tameuh my kai tang y ang pei nai reita leu pei nai bawibawichi ne. Nangchi peang ai nai pri y hini reitachi tangai iy patawm u.

JOSUA 24:21

Khumichi my, “Kaichi ly Areng ai naini chiu u ai,” nanai Josua teng y pany hai u bo.

JOSUA 24:22

Josua my nichi teng y, “Nangchi ly Areng ai naini chiu u ai, nanai thui u nai ly nangmychi naimy pany hai nai keung lawm u bo,” napi. Huna nai khala nichi my, “Kaichi ly kaimychi naimy pany hai nai keungchi ne khypkhyp bo,” napi u.

JOSUA 24:24

Huna nai khala khumichi my Josua teng y, “Kaichi ly kaimychi i Areng Tameuh ai chiu iy, mymy i leu tangai ai,” nanai adeu u bo.