THEU NAI 22:30 - Khumi Common Language Bible

³⁰ Nang i tawnbawi cho chalu katai hawi beram cho katai chalu py kai teng y talam ai nai tla. Kani saryhrei ly amhm hawi khai iy tajarei kani y ly kai teng y talam ai nai tla.

THEU NAI 22:30 ပူးပေါင်းရင်းမြစ်များ

THEU NAI 13:12

nangchi i tapen nai chapo chalu ngierei ly Areng teng y talam u ai nai tla. Nangchi i tawnbawi cho chalu katai ngierei py Areng i vui talam ai nai tla;

Ezekiela 4:14

Na i py, “Sa thai naira awm nai Areng, kai ly kaimy mana khala py amso ngai hai vai y leng; deaungdichy khala i dengdairei alyly naimy dei nai tawnbawi mawi py, mawi kasichi my kei iy dei nai amso mawi py kacho vai y. Kai ly chai y nai teicha teinei mana khala py kacho vai y,” nanai pathang.

Levi 11:44

Kai ly nangchi i Areng Tameuh ne; kai ly kachai ne i, nangchi py chai ai nai tla.

Levi 11:45

Kai ly nangchi i Tameuh lawm ai nai nangchi ai Aikupta pri i dengdairei pahawi nai keung Areng ne. Kai ly kachai ne i nangchi py chai ai nai tla.

Levi 12:3

Kani tajarei kani y deaungdi ai ly lengkhym takip ai nai tla.

Levi 17:15

Israela cheng theung i mo, cheng takhra mo, dei atyhtyh nai tawnbawi mawi, ti y baly mawi kasi my kei iy dei nai mawi cha lawh baly, my i ateaungchi pasiu iy tui ahiu pan ai nai tla. Ni ly dym mang khrairei ajeng iy, reita leaungsai y chai naira nga ai.

Levi 22:8

Ni ly dei kari y dei nai tawnbawi, ti y baly mawi kasi my kei iy dei nai tawnbawi mawi cha ai nai avo y; huna nai cha lawh baly ni ly chai y bo. Kai ly Areng ne.

Levi 7:23

Israela khumichi i vui y hini reitachi pei pi bo. Si, beram hawi mi-ichi i thau ly cha ai nai tlo y.

Levi 7:24

Dei kari y dei nai tawnbawi thau, ti y baly mawi kasi my kei nai y dei nai tawnbawi thauchi ly cho u moh; na i py huni thau ai atiti takhrachira y teaung pajau.

Levi 7:26

Israela chengchi ly mani meingtym y mo awm i py, tavo thi, ti y baly tawnbawi thi cha ai nai avo y.

Leu Thui Nai 14:21

“Atyhtyh naimy dei nai tawnbawi mawi cho ngau y. Nangchi hawi saleaung vanrei awm nai cheng takhrachi ly huni mawi cho palai sy, ti y baly cheng takhrachi teng y jo u pajau. Nangchi ai ly nangchi i Areng Tameuh my peang nai ne i, nangchi ly mymy i khumichi ne. “Beram cho, ti y baly mi-i cho ai ly amhm i kanu tui hawi vanrei byh ngau y.

Leu Thui Nai 15:19

“Nangchi i si hawi beram cho chalu katai bawibawichi ly nangchi i Areng Tameuh i vui y khai takhra ai nai tla; si chaluchi ai kalop so hai moh, beram chalu ai py mui takip moh.