THEU NAI 22:2 - Khumi Common Language Bible

^2-4 Ni ly paviu nai deaungkho y peh ai tla nai ne. Ni ly peh pajau y lawh baly amymy ai ajo iy peh ai nai tla. Paviu nai si, beram, keaungngo kano kasauchi ni teng y kangheng avum lawh baly, ni ly nucho peh ai nai tla. “Kangviu leaungrei ly vum y yhm ateng vau iy paviu nai thym khala, kangviu ai padei nai khumi ly kamngo tlo y leang. Na i py kani thun y paviu nai molam y kangviu ai padei lawh baly, padei nai keung ly kamngo tla.

THEU NAI 22:2 ပူးပေါင်းရင်းမြစ်များ

JOBA 24:14

Khumichi ai padei nai keung ly khutawi neng khala theu iy, khumi kamawnchi ai tleh reng nai ne. Ni ly vum y kangviu sa reng.

JOBA 24:16

Kangviu sarachi ly vum y yhmchi atengvau iy, kun u reng; kanithun y ly aheu iy, kangvang asyn u reng nai ne.

JOBA 30:5

Khumi bawibawichi ly kangviu khumi ai aeu hai iy, paryh vui nai kamta, nichi ai aeu hai iy paryh u bo.

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

HOSEA 7:1

“Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

JOELA 2:9

Nichi ly mary mang y angpreng u; nichi ly mary apaichi takan iy, yhmchi salo y lyn chum baly kangviuchi kamta thaibeng pa-khochi mang kun u bo.

Kati Nai 35:27

dei nai khumi hawi amtawn abi nai khumi my niu iy, ni ai vawitheung tha nai padei teang lawh baly, huni vawitheung tha padei nai ly khumi ai padei nai tlo y.

MATTHAI 24:43

Na i py hini ly pany u, yhmkeung my kangviu khumi tym ai nai neng pany i khyly, mymy ly o rym ai i mymy i yhm ateng pi vau ai nai pei y leang bo.

I THESALONIKA 5:2

Areng i kani ly vum y kangviu kamta ly tym ai, nanai ly nangmychi kypkyp my chai pyn pa-rei my pany u veng bo.

I PETERA 4:15

Na i py nangchi theung i ami py kasi nga nai keung mo, paviu nai khumi mo, hawi y sa nai khumi mo, khumi takhrachi i atiti sa naira y pacheang rumrang nai keung ne nai deaungkho y mo patang moh sy;