THEU NAI 20:3 - Khumi Common Language Bible

³ “Kai ny y baly tameuh takhra y chiu moh.

THEU NAI 20:3 ပူးပေါင်းရင်းမြစ်များ

1 ARENG KEH 11:4

miteaung acheang nai khala y, cheng takhrachi i tameuhchi ai chiu hai u. Samrang ly ampo Davida kamta my i Areng Tameuh tlang tleaung y ka-ym by y bo.

SAM 29:2

Nang parai nai hawi angym nai Areng amyn palo u. Chai parai nai keung ang jeu nai khala y, mymy i mo y lu meung u.

SAM 73:25

Kai i vui ly nang ny y baly kani pri mang y ami awm ai mo? Nang ly kai hawi vanrei awm baly, khaileaung pri y ati aly ngai rai mo?

SAM 81:10

Kai ly nangchi ai Aikupta pri i dengdairei kang pahawi nai nangchi i Areng Tameuh ne. Nangchi i labeaung ang u; kaimy kang pacho ai.

SAM 81:9

Nangchi ly tameuh takhra ai mana khala py chiu u moh.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 20:23

Nangchi ly kai ai naini chiu ai nai tla khyh; nangmychi i vui muku, tangkachi hawi tameuh mynchi sa iy chiu u moh.

THEU NAI 22:19

“Tawnbawi ai pajang nai khumi ai ly padei ai nai tla.

THEU NAI 23:24

Nangchi ly nichi i tameuhchi ai lu meung iy chiu u moh; nichi i reitachi kamta teaung u moh; nichi i tameuhchi taphra iy, nichi i khai takhra nai leungchengchi py pakhau pi pawn ai nai tla.

THEU NAI 32:8

Nichi ly kai i reita lam i nai hi u vui bo; muku hawi si cho myn sa iy huni myn y apathyp i, chiu u bo. Huni tameuh ly nichi ai Aikupta pri i dengdairei pahawi nai tameuh ne, nanai aeu u sau na bo,” napi.

THEU NAI 34:14

Kai, Areng ly ka-awi sa nai keung ai niu ngai y nai deaungkho y, nangchi ly tameuh takhra ai chiu ai nai tlo y.

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 42:8

“Kai leaungrei naini, nang i Areng Tameuh ne. Kai i nang parai nai ai ly mani tameuh py amtym ai ny y. Kai ly kaimy ai mynchi hawi vanrei palo ai nai py, kapei ai ny y.

ISAIA 43:10

“Aw, Israela chengchi awi, nangchi ly kai i pany hai nai keungchi ne. Nangchi ly kai ai pany u ai nai py, kai ly Tameuh harei khyh, nanai pany u thai ai nai py, kai ly nangchi ai kaimy i miseaung palawn ai nai kang vawi nai ne. Kai ny y baly tameuh takhra by y; mana khala py by y, vai mo mang py awm ai ny y.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

JEREMIA 25:6

Nichi ly nangchi ai tameuh takhrachi teng y chiu u y ai nai py, nangmychi i sa nai mynchi ai chiu u nai y Areng ai kado theu hai y ai nai py, ang thui pi bo. Nangchi ly Areng i leu tangai u lawh baly, mymy ly nangchi ai pajeng ai ny y.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

DANIELA 3:18

Atleu y lawh teu i py, kaichi ly nang i tameuh ai chiu y, nang i muku myn pui ai py, lu meung ai ny y, nanai pany ba,” nanai pathang u.

HOSEA 13:4

Areng my, “Kai ly nangchi ai Aikupta pri dengdairei pahawi nai, nangchi i Areng Tameuh ne. Nangchi ly kai ny y baly Tameuh takhra by y, kai leaungrei naini nangchi i atleu keung ne.

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

EPHESI 5:5

Na i py angai nai khumi hawi, khumi chai y nai hawi, atakaw nai khumi ly (mymy ly myn y chiu nai keung ne), Krista hawi Tameuh i peang naira y ly amtym ai naira sai py ngo y leang, nanai nangchi pany u khypkhyp.

Leu Thui Nai 5:7

“ ‘Kai ny y baly tameuh takhra ai chiu moh.’

Leu Thui Nai 6:14

Tameuh takhrachi ai chiu u moh. Nangchi tengpang sahawi y awm nai khumichi i tameuhchi ai py chiu u moh.

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.

AMTENG HAI NAI 22:9

Naibaly ni my ly kai teng y, “Huna nai kamta so reng moh: kai ly nang hawi, ngamjo ngamnau amochi hawi, hini cha-iu leu sai patawm naichi i miseaung ahawi py ne: Tameuh ai chiu phai chiu,” ang napi.

TARA CHIH NAI KEUNGCHI 6:10

Kai ly nangchi i Areng Tameuh ne, nanai leu kang pei iy vai, nangchi awm nai pri i Amori chengchi my chiu nai tameuhchi ai, chiu u y ai nai reita kang pei. Na i py nangchi ly kai i leu tangai u y,” napi.