THEU NAI 20:2 - Khumi Common Language Bible

² “Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

THEU NAI 20:2 ပူးပေါင်းရင်းမြစ်များ

1 ARENG KEH 18:39

Hina naichi niu nai khala y khumichi ly khaileaung y atlym u i, “Areng ly Tameuh ne; Areng leaungrei naini Tameuh tatang ne!” nanai aeu u bo.

2 ARENG KEH 17:12

Mynchi teng y chiu u moh, nanai Areng i leu pei nai ly tangai u y nai ne.

2 ARENG KEH 17:7

Samari mary jum nai ly Israela chengchi mymychi ai Aikupta samrang kiu i nai atleu iy, Aikupta pri i dengdairei pahawi nai mymychi i Areng Tameuh i tlang tleaung y kamngo sa u nai deaungkho y ne. Nichi ly tameuh takhrachi teng y chiu u lawh.

2 NENG SATANG 28:5

Samrang Ahazi ly kamngo sa nai deaungkho y, Areng Tameuh my Suria samrang teng y, ni ai tiu iy Juda khumi neangneangchi ai langheng palawn nai Damaska mary y hawi pawn ai nai pei bo. Areng ly Remaliah i chapo, Israela samrang Pekah teng y Ahazi ai tiu iy, kanirei y my Juda tavaimi risa leaung 120,000 rei padei ai nai pei pi bo. Nichi ly mymychi amsi pajochi i Areng Tameuh ai khai u su nai deaungkho y, mymy ly hina nai tym hai nai ne.

SAM 50:7

Mymy ly “Kai i khumichi awi, tangai u; kaimy leu pei ai. Aw Israela chengchi awi, kai ly nangchi ai kang chih ai. Kai ly Tameuh, nangchi i Tameuh ne.

SAM 81:10

Kai ly nangchi ai Aikupta pri i dengdairei kang pahawi nai nangchi i Areng Tameuh ne. Nangchi i labeaung ang u; kaimy kang pacho ai.

SAM 81:11

“Na i py kai i khumichi ly kai i leu tangai u y; Israela chengchi ly kai i leu pei nai tangai u y.

SAM 81:7

Nangchi patang naira avum nai thym khala y kai ai palau i, kai ly nangchi ai atleu pi bo. Alipui khupui theung i niu pajau y naira dengdairei, nangchi ai kang pathang pi bo. Meriba micheaung sahawi y, nangchi ai kaimy cham bo.

THEU NAI 13:14

Khawnvai kani y nang i chapo my, ‘Ati mana nai y hina nai sa lawh mo?,’ nanai angdeng lawh baly, ‘Areng ly sa thai naira len parai nai hawimy, achi ai Aikupta pri y miseaung achei naira i nai ang pahawi nai ne.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

THEU NAI 20:1

Tameuh my,

THEU NAI 29:46

Kai ly nichi ai Aikupta pri i dengdairei theu hai nai keung nichi i ArengTameuh ne, nanai pany u ai i, kai ly nichi theung y kaawm ai; kai ly nichi i Areng Tameuh ne ai.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

JEREMIA 16:14

Areng my, “Ami py kai teng y Israela khumichi ai Aikupta pri i dengdairei pahawi nai keung Tameuh kangheng ne, nanai vaineng abeu u y nai neng tym ai.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 31:1

Areng my, “Kai ly Israela cheng bawibawichi i Tameuh lawm iy, nichi py kai i khumichi lawm u ai nai neng kani ly tym dudu bo.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 34:13

kai ai khumichi teng y thui hai nai ly “Kai ly nangchi i amsi pajochi ai Aikupta pri i dengdairei miseaung alaw hai nai thym khala y, nichi hawi Leu Maikawm asa nai ne.

Ezekiela 20:19

Kai ly nangchi i Areng Tameuh ne. Kai i Reitachi patawm iy kai i leu pei naichi tangai u.

Ezekiela 20:5

Kai Areng my ati mana leu pei mo, nanai py thui pi. Israela chengchi ai kaimy vawi takhra iy, Jakob i nupaichi theung y kaimy leu adeu pi bo. Kai ly Aikupta pri y nichi teng amteng iy, kai ly nichi i Areng Tameuh ne, nanai adeu pi bo.

Ezekiela 20:7

Kai ly nichi i Areng Tameuh ne nai deaungkho y, mychi i ngai nai amso ngai nai mynchi khai u su ai nai hawi, Aikupta pri tameuh ka-chawichi ai chiu nai molam y, amymychi ai chai hai y nai awm y ai nai nichi ai thui pi.

HOSEA 12:10

“Kai ly amochi teng y amteng hai iy, mo mang i vui atitichi niu hai bo. Amochi dengdairei kai i khumichi ai pany hai pi bo.

HOSEA 13:4

Areng my, “Kai ly nangchi ai Aikupta pri dengdairei pahawi nai, nangchi i Areng Tameuh ne. Nangchi ly kai ny y baly Tameuh takhra by y, kai leaungrei naini nangchi i atleu keung ne.

Levi 11:45

Kai ly nangchi i Tameuh lawm ai nai nangchi ai Aikupta pri i dengdairei pahawi nai keung Areng ne. Kai ly kachai ne i nangchi py chai ai nai tla.

Levi 19:36

Siju amto, sie khyry katengchi teaung ai nai tla. Kai ly nangchi ai Aikupta pri i dengdairei pahawi nai nangchi i Areng Tameuh ne.

Levi 23:43

Areng ly Israela chengchi ai Aikupta pri i dengdairei ang pahawi nai khala y, taichychi theung y awm hai, nanai nangchi i kangpreangchi ai pany hai nai ne. Mymy ly nangchi i Areng Tameuh ne.

Levi 25:38

Hini ly nangchi ai kanan pri ang pei ai nai hawi, nangchi i Tameuh ne iy nangchi ai Aikupta pri i dengdairei ang pahawi nai nangchi i Areng Tameuh i reita ne.

Levi 25:42

Israela cheng tengtawichi ly Areng i miseaungchi ne i, mymy ly nichi ai Aikupta pri i dengdairei patheu iy pahawi nai ne. Nichi ai miseaung lawm ai nai ka-jo ka-van sa ai nai tlo y.

Levi 25:55

Israela chengchi ly Areng i miseaungchi ne nai deaungkho y, deungtasarei miseaung lawm ai nai avo y. Mymy ly nichi ai Aikupta pri i dengdairei pahawi nai ne i, mymy ly nichi i Areng Tameuh ne.

Levi 26:1

Areng my, “Nangchi ly mynchi, leungchengchi, lengseaung mynchi sa iy chiu u moh. Kai ly nangchi i Areng Tameuh ne.

Levi 26:13

Kai ly nangchi ai miseaung i nai alaw jo hai ai nai, Aikupta pri i dengdairei pahawi nai, nangchi i Areng Tameuh ne. Kai ly nangchi i myn kaji alaw hai iy, deangtheang naimy tako hai ai” napi.

AMOS 2:10

Kai ly nangchi ai Aikupta pri i dengdairei, kang pahawi nai ne. Daichi ka-vym theung y saneng vui palyh ryrei pahawi iy, Amori khumichi i pri ai nangchi peang ai nai kang pei bo.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 3:29

Tameuh ly Judachi i Tameuh harei khyh a? Mymy ly Cheng Takhrachi i Tameuh py ny y a?

Leu Thui Nai 13:10

Ni ai ly lengseaung hawi aphi iy padei ai nai tla! Nangchi ai Aikupta pri miseaung i nai atleu nai keung, nangchi i Areng Tameuh teng i hi vui ai nai ni my parawi nai ne.

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

Leu Thui Nai 5:15

Nangchi ly Aikupta pri y miseaung y awm vai nai py, nangchi i Areng Tameuh ly nangchi ai mymy i sa thai naira hawi atleu nai py pany u jo ba. Huni molam y kai ly nangchi ai Anawn kani ja ai nai leu pei nai ne.

Leu Thui Nai 5:6

‘Kai ly nangchi ai Aikupta pri miseaung i nai atleu pi nai, nangchi i Areng Tameuh ne.’

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.

TARA CHIH NAI KEUNGCHI 2:1

Areng i kani pri amtaw thau nai ly Kilakala mary dengdairei, Bokhim mary mang y chei iy Israela chengchi teng y, “Kai ly nangchi ai Aikupta pri dengdairei pahawi iy, nangchi i amsi pajochi teng y kaimy adeu nai pri mang y kangtha pi bo. Kai ly nangchi hawi asa nai Leu Maikawm ai mana khala py, kataphra ai ny y.

TARA CHIH NAI KEUNGCHI 6:10

Kai ly nangchi i Areng Tameuh ne, nanai leu kang pei iy vai, nangchi awm nai pri i Amori chengchi my chiu nai tameuhchi ai, chiu u y ai nai reita kang pei. Na i py nangchi ly kai i leu tangai u y,” napi.