THEU NAI 2:25 - Khumi Common Language Bible

²⁵ Naibaly mymy i khumi Israela chengchi ly miseaung achei nai, patang nai, niu i adawn pi nai ne.

THEU NAI 2:25 ပူးပေါင်းရင်းမြစ်များ

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

JOBA 33:27

Ni ly mipuichi mo y, “Kai ly kamngo sa tamang lawh bo; hawi naira kaso y teu i py, Tameuh ly kai ai atleu.

SAM 1:6

Areng ly khumi kahawichi ai pahawi iy kry ai; na i py khumi hawi y naichi ly tama u ai.

SAM 10:14

Na i py nang ly patang naira avum naichi ai niu takengkei iy, sabawm ai nai avawrei angveirym nai ne. Jeaungmang nai khumichi ly amymy ai nang teng y a-au reng.

SAM 31:8

Nang ly kai ai paleung ka-echi kiu theung y tym hai y naimy, kaimy ngaingai chei pajau ai nai pei bo.

SAM 55:22

Nang i myn kaji ai ly Areng teng y au; mymy ly nang ai ama hai iy ang kry ai; khumi kahawichi ai mana khala py, sum hai ai ny y.

THEU NAI 1:8

Naibaly Aikupta pri y Josepha ai pany vai y nai samrang kangtha leaungrei samrang lyn bo.

THEU NAI 18:8

Mosi my ampu Jethro teng y, Areng ly Israela chengchi ai atleu pi ai nai molam, Aikupta samrang hawi Aikupta chengchi tlang tleaung y atiti tym hai nai leaungsai bawibawichi amti pi nai ne. Huni bo y Israela chengchi lam sala y avum nai rai nairachi hawi vanrei, Areng ly Israela chengchi ai atleu pi nai satang py amti pi bo.

THEU NAI 3:9

Israela chengchi i vo hang nai katyn kathai; nichi ai Aikupta chengchi my ana patheng nai py kaniu bo.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

MATTHAI 7:23

Naibaly huni khala y ly kai ly nichi teng y, ‘Kang pany kang pacha y leang: nangchi atiti hawi y sa naichi awi, kai teng i nai leh u pawn,’ nanai kanapi ai.

LUKA 1:25

“Khumichi teng y kai i amyn hawi y nai khiu ai nai Areng my kai ai ang niu khala y hina nai ang sa pi bo,” nanai lo pangrei aheu.

AMTAW 7:34

Aikupta pri y awm nai kai i khumichi i ngari patang nai sai ly kaniu bo mang, mymychi i tangam nai py kai ly thai jojo, kai ly mymychi ai palawi ai nai kang satla nai bo. Khen cham, nang ai Aikupta pri y kang pato ai,’ napi.

Leu Thui Nai 26:7

Huna nai khala kaichi ly amsi pajochi i Areng Tameuh teng y kasabawmra nga ai nai aeu naimy takeng u nai ne. Mymy ly kaichi i takeng nai pathang pi iy, kaichi i patang nai hawi ngari tla naichi ang niu pi bo.

1 SAMUELA 1:11

Hannah my, “Ati cheaungkhang sa thai nai Areng, nang i miseaung kai ai khen kyh; nang ly kai i patang nai sai pany pi kyh! kai ai tami mo kyh ba! Nang ly nang i miseaungnu teng y chapo pei ai nabaly, ni ai heng nai ryrei nang teng y kang-au ai; ni i sam mana khala py vau hai y ai,” nanai vaineng abeu naimy adeu bo.