THEU NAI 2:11 - Khumi Common Language Bible

¹¹ Naibaly neng kra kyh nai bo y Mosi ly tleaungri acheang i, mymy i amjo amnau Hebrai chengchi teng y de ai nai chei bo. Hebrai chengchi ai ana nai, patang hai nai, miseaung kalop sa hai nai hawi, Aikupta khumi leaungrei my mymy i khumi Hebrai cheng leaungrei ai pakhau nai niu.

THEU NAI 2:11 ပူးပေါင်းရင်းမြစ်များ

THEU NAI 1:11

Hunai deaungkho y Aikupta chengchi ly Israela chengchi tlang tleaung y miseaung lu kalenchi khai iy, paleung phra na pa-rei atho no kalopchi sa hai akhikan bo. Hunaibaly samrang Pharao i cha nei vawn kachurachi kachu ai nai Pithom mary hawi Ramese mary sa hai nai ne.

THEU NAI 3:7

Naibaly Areng my, “Kai i khumichi ly Aikupta pri y ngari kamtang avum nai kaniu khyp bo. Nichi ai kalop sa hai nai keungchi my ana patang hai nai kham pajau y nai deaungkho y, nichi vo hang iy, kasabawmra hnei nai raawi kai ly thai bo. Kai ly nichi i patang nai kaniu angchi khyp bo.

THEU NAI 5:14

Aikupta cheng kalop pacheang nai keungchi my Israela cheng kalop lu sa naichi ai khyh pakhau iy, “Vaini nangchi ly ati mana nai y angchei i jirei iukhi paawp u y lawh mo?” napi.

THEU NAI 5:4

Huna nai khala samrang my Mosi nini Aron teng y, “Hini khumichi ai ati mana nai kalop pathlang hai ryry ai mo? Huni miseaungchi ai kalop phai so hai teang!

THEU NAI 5:5

Nangchi cheng ly Aikupta chengchi tleaung y nawi keh bo. Vai nangni ly nichi ai kalop anawn hai ai nai tau hawi lawh ly!” napi.

THEU NAI 5:9

Nichi ai kalop sa nai tleaung y so hai ra, den py anawn hai u moh. Huna khala naini nichi ly li-tapawp nai leu tangai ai nai rai y ai i, kalop phra ai ny y,” napi.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

ISAIA 58:6

“Kai i kawn nai biu hai nai ly pahyp y naimy ana nai ka-dawnchi khai su nai, peang nai sai teng y nai ai khai su nai, ana naira avum naichi ai atleu nai,

MATTHAI 11:28

Nangchi akawm naichi hawi myn kaji pho nai bawibawichi awi, kai teng y jeu u, kaimy anawn hai namang.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,