THEU NAI 19:9 - Khumi Common Language Bible

⁹ Areng my Mosi teng y, “Ani i leu arum nai ly khumichi thai u iy, vai i dengdairei nang ai ym u ai nai kaimy tamai angjawi mang nang teng y kang satla kathiu ai,” napi. Mosi ly Areng teng y mipuichi i pathang nai leu amti pi bo.

THEU NAI 19:9 ပူးပေါင်းရင်းမြစ်များ

1 ARENG KEH 8:12

Naibaly Solomon ly “Aw Areng, nang ly kani khusang mang y kanito khai pi i py tamai theung y py, kaveng theung y py awm ai nai vawi takhra bo.

2 NENG SATANG 20:20

Huni bo i kani khawn angthodyh khala, khumichi ly Tekoa sahawi daichi ka-vym mang y theu u. Theu u enten nai khala Jehoshapha my khumichi teng y, “Juda khumichi hawi Jerusalem mary i khumichi awi!, nangchi ly nangmychi i Areng Tameuh ai ym u baly, angdo u pajau ai. Mymy i amochi my thui nai leu ym u baly eaung naira nga u ai,” napi.

2 NENG SATANG 6:1

Samrang Solomon ly “Aw Areng, nang ly nangmy awm ai nai tamai hawi kaveng ai vawi takhra bo.

SAM 97:2

Khupanymchi hawi kavengchi ly mymy ai taki naimy awm bo; mymy i peang nai ly leu meitang hawi adyh adawi naira y sangum pala nai ne.

SAM 99:7

Mymy ly nichi ai tamai theung i dengdairei leu pei nai ne; nichi py mymy i pei nai reita hawi, reita leu pei naichi ai tangai u bo.

THEU NAI 14:31

Naibaly Areng ly mymy i nang parai nai sa thai naira hawimy Aikupta chengchi ai pasum naichi, Israela chengchi ly niu nai khala y, nichi ly Areng ai jei kaji naimy tahm khai u; naibaly Areng ai py, mymy i miseaung Mosi ai py ym u bo.

THEU NAI 19:16

Kani pa-thom khawn ly kani pajyh iy amlosadi py theu hai i, mawi salo y tamai beu hai cheng bo; naibaly baw eng nai katyn pajeng parai nai thai; huna nai khala tai theung i khumi bawibawichi ly jei nai kaso theu u bo.

THEU NAI 20:21

Na i py mipuichi ly kamlo kyh y angdo u jo rai. Mosi naini Tameuh awm nai tamai kaveng sahawi y chei tapai khyh nai ne.

THEU NAI 34:5

Areng ly tamai angjawi mang dengdairei satla kathiu i, Mosi sahawi y angdo iy, Areng mymy i amyn nang parai nai sai amteng hai bo.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

THEU NAI 4:5

Areng my Israela chengchi i mo y hina nai kamta ka-ym awm ai nai so pi; hunaibaly nang ly nichi i Areng Tameuh, Abraham i Tameuh, Isaka i Tameuh, Jakob i Tameuh ai niu, nanai nichi ym u ai,” napi.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 7:9

Israela pri i atho ly Samari mary ne iy, Samari mary i atho py samrang Pekah ne. Nangchi ly Tameuh ai hawihai palai ym y lawh baly, mana khala py angdo u pajau ai ny y,” napi.

Kati Nai 12:5

Naibaly Areng ly tamai theung mang satla kathiu i, Tabynako katheu pa-khora angdo iy, “Aron! Miriam awi!” nanai palau; naibaly nini ly mo mang y chei hawi i,

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MARKA 9:7

Naibaly mymychi ai khupanym my khiu meuh iy, khupanym theung i dengdairei raawi theu i, “Hini ly kai i Chapo ngai parai nai ne, mymy i leu tangai u,” napi.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

Leu Thui Nai 4:10

Sinai mawiy nangchi i Areng Tameuh i mo y nangchi tym u nai thym khala, mymy ly kai teng y, ‘Mipuichi ai kachu u. Kai i leu pei nai ngiereichi tangai hai. Huna khala naini nichi heng nai sala ryrei ly kai ai jei naimy tahm khai u ai,’ nanai kai ai leu pei naichi ai, nangchi i katu chanauchi teng y patiu pi.”

Leu Thui Nai 4:36

Mymy ly nangchi teng y leu pei naichi thui pi ai nai, kani mang dengdairei mymy i raawi thai hai bo; khaileaung tleaung y nangchi ly mymy i khai takhra nai mai kangveaung niu hai iy, huni mai theung mang my nangchi ai leu ang pei nai ne.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.