THEU NAI 19:8 - Khumi Common Language Bible

⁸ Naibaly khumi mipuichi my vanrei pathang krup i, “Kaichi ly Areng i leu pei nai ngiereichi kasa u ai mang,” napi. Mosi my py mipuichi i pathang nai ai Areng teng y amti pi teang nai ne.

THEU NAI 19:8 ပူးပေါင်းရင်းမြစ်များ

THEU NAI 24:7

Naibaly ni ly Areng i leu pei nai tajiu typ nai Leu Maikawm la iy, mipuichi thai pa-rei phain pi. Nichi ly “Areng i leu pei nai ngiereichi tangai ai mang,” nanai pathang u.

THEU NAI 24:3

Mosi ly Israela chengchi teng y vawi teang iy Areng i leu pei nai ngierei hawi, reita bawibawichi amti pi. Khumi bawibawichi my, “Kaichi ly Areng i leu pei nai ngirei tangai mang,” nanai vanrei pathang u krup bo.

NEHEMIA 10:29

Mosi dengdairei Tameuh my pei nai Reita leu tangai ai. Kaichi ai Areng my pei nai leu bawibawichi tangai ai. Nang i Reita leuchi hawi dawn hai nai bawibawichi tangai ai. Hini adeu nai leu ai taphra lawh baly vaineng lawi kalei sy.

JOSUA 24:24

Huna nai khala khumichi my Josua teng y, “Kaichi ly kaimychi i Areng Tameuh ai chiu iy, mymy i leu tangai ai,” nanai adeu u bo.

THEU NAI 20:19

Nichi my Mosi teng y, “Nangmy kaichi teng y Areng i leu pei nai amti pi ba, kaichi tangai ai mang; na i py Tameuh kypkyp my kaichi teng y leu pei lawh baly kaichi ly dei ai,” napi.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

JOSUA 24:21

Khumichi my, “Kaichi ly Areng ai naini chiu u ai,” nanai Josua teng y pany hai u bo.