THEU NAI 18:12 - Khumi Common Language Bible

¹² Naibaly Tameuh teng y talam ai nai, Jethro ly bom leng patlum nai apathypra hawi takhra apathyprachi py syn; naibaly Aron hawi, Israela miteaung keh bawibawichi ly Jethro hawi vanrei, Areng i mo y cha nei ai nai chei u bo.

THEU NAI 18:12 ပူးပေါင်းရင်းမြစ်များ

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 26:25

Isaka ly huni meingtym y maicham sa i Areng ai chiu bo. Naibaly mymy ly hu y tai sa i awm; ni i miseaungchi my tuikan takhra tai pi bi nai ne.

ATITI AWM ANGCHEI NAI 26:30

Isaka my nichi i vui pawi sa pi i, nichi ly cha nei u.

ATITI AWM ANGCHEI NAI 31:54

Mymy ly tawnbawi harei tleh iy mawi salo y apathyp nai talam, naibaly mymy i khumichi ai cha ai nai palau. Cha pajau bo nabaly mawi salo y dymrei jei u.

ATITI AWM ANGCHEI NAI 4:4

Naibaly Abela py mymy i beram cho chalu tleh iy ngan bawi hawi keh naichi Areng teng y talam teang. Areng my Abela hawi mymy i talam nai ai ly kawn pi.

ATITI AWM ANGCHEI NAI 43:25

Josepha ly nichi hawi vanrei kani thun biu cha ai, nanai thai u nai khala, nichi ly mymychi i langseaungchi pei ai nai khai yb bo.

ATITI AWM ANGCHEI NAI 8:20

Nova ly Areng teng y apathyp ai nai maicham sa i, mymy ly no-na by y nai mawi cheaungkhang hawi tavo cheaungkhang theung i ha harei la iy maicham tleaung y bomverei leng patlum nai talam bo.

2 SAMUELA 9:7

Davida my, “Jei moh, kai ly nang i ampo Jonathan i meimai y, nang ai kang pahen ai. Nang i amsi Sawla i peang nai khaileaung ngiereichi, kang pei teang ai. Nang ai kai i sabawi y kani tleirei, cha nei ai nai pei ai,” napi.

2 NENG SATANG 30:22

Areng ai chiu naira y tamang y naimy pahawi pi nai deaungkho y, samrang Hezekia ly Levi theaungchi ai palo nai ne. Nichi ly mymychi amsi pajochi i Areng Tameuh ai palo iy, kani saryh ryrei apathyp u chum nai khala,

JOBA 1:5

Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.

JOBA 42:11

Joba i amjo amnau, tuicho, amjo neampachychi hawi, ahawi kangngym bawibawichi ly ni i yhm y jeu iy, ni hawi vanrei cha nei pawi sa u bo. Nichi ly Areng my avum hai nai ngari kamtangchi molam, Joba teng y paleung hawi y nai leu thui u naimy paleung pahawi u chum baly, tangka maidenrei hawi muku kano ha harei pei u bo.

JOBA 42:8

Si katai beaungjeaung saryhrei hawi, beram katai saryhrei Joba teng y vai, syn pi iy, nangmychi i vui apathyp u. Joba ly nangchi i vui chiu ang sa pi ai; kai ly ni i chiu sa nai tangai pi ai i, nangchi ai kamngo hawi kamlau kang chih y leang. Nangchi ly kai i satang ai Joba kamta, kateng khyp thui u y,” napi.

THEU NAI 18:13

Pa-nyh kani y Mosi ly khumi mipuichi ai khawn mang dengdairei dym mang khrairei tara chih bo.

THEU NAI 2:20

Ampo my, “Huni khumi ly vai ma mang y mo? Mymy ai ly ati mana nai khai u su lawh mo? Chei! Palau u, achi hawi vanrei biu cho na sy,” napi

THEU NAI 20:24

Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai.

THEU NAI 24:11

Tameuh my Israela cheng lu sa naichi ai patangra avum hai y, nichi ly Tameuh ai niu u chum baly vanrei cha nei ahawi u bo.

THEU NAI 24:5

Naibaly ni ly Israela cheng thawndeangchi ai pacheang i, nichi ly sichi tleh iy Areng teng y leng patlum nai kapathypra, leunghawi kapathyprachi talam u nai ne.

THEU NAI 3:1

Kanirei nai khala y Mosi ly Midian chengchi i pathyp pi nai keung, ampu Jethro i beram kanghu, mi-i kanghu typ nai tarawi y, daichi ka-vym y tako prei i, Sinai mawi kachaira y tym.

THEU NAI 33:7

Israelachi tai naira tleirei y Mosi ly Tabynako ai, tai naira i angam mang, kamlo kyhra y sa reng nai ne. Huni ai ly Areng i awmra Tabynako, nanai amyn pathi; ami py ne sy, Areng i kangai pany ai ngai nai khumi ly Areng i awmra Tabynako mang y chei ai nai tla.

DANIELA 10:3

Kani apom phai ha khei y ryrei ly teicha teinei kahawi, ti y baly mawi cho y, kreip hang nei y, sam py aseu y nai ne.

Kati Nai 10:29

Mosi ly Midian cheng Jethro i chapo, mymy i naisa Hobab teng y, “Areng my kaichi ai pei ai nai adeu yb nai pri y kaichi chei u ai. Areng my Israela chengchi ai yhmtheaung katui nang chawn hai ai nai adeu yb nai deaungkho y, kaichi hawi vanrei abang jau, kaichi my nang ai py kang paji sei ai mang,” napi.

LUKA 14:1

Naibaly hina nai awm, mymy ly Anawn Kani y Pharisai leaungrei i yhm y biu cha ai nai chei khala y nichi my khen patawn jo.

LUKA 14:15

Naibaly ni i biu o ahawi nai ami mo leaungrei huna nai thai i ni teng y, “Tameuh i peang naira y biu cha ai nai khumi ly taham hawi,” napi.

I KORINTH 10:18

Tlang mang y Israelachi ai khen u cham, apathyp nai mawi cha nai keungchi ly maicham hawi amtawm nai ny y lawh a?

I KORINTH 10:21

Nangchi ly Areng i khau hawi vawinamchi i khau hawi nei abom thai y leang: nangchi ly Areng i sabawi y hawi, vawinamchi i sabawi y py cho abom thai y leang.

I KORINTH 10:31

Hunaibaly nangchi cha i py nei i py, nangchi i sa nai ngierei y py Tameuh ai palo ai nai so u bebe.

Leu Thui Nai 12:7

Nangchi i Areng Tameuh ly nangchi ai amtheaung hai nai deaungkho y, nangchi kalop sa iy nga nai teicha teineichi ai nangchi hawi vanrei, nangmychi i yhm dengtheungchi ly huni meingtym mymy i mo y amo theu parai naimy cha u ai nai tla.

Leu Thui Nai 27:7

Amkawm nai kapathypra py talam ai nai tla. Nangchi i Areng Tameuh i mo y kawn naimy cho u.