THEU NAI 17:6 - Khumi Common Language Bible

⁶ Kai ly Sinai mawi i lengseaung saleung nang i mo y angdo ai. Nang ly lengseaung y pakhau; huni lengseaung mang khumichi nei ai nai tui theu ai,” napi. Naibaly Mosi ly Israela chengchi i luchi mo y leu pei nai kamta huni lengseaung y pakhau bo.

THEU NAI 17:6 ပူးပေါင်းရင်းမြစ်များ

NEHEMIA 9:15

“Nichi kajeu alam u nai khala y kani mang i dengdairei teicha teinei pala pi iy, tui ahai u nai khala y lengseaung theung i theu nai tui pei pi. Nangmy pei ai, nanai adeu nai pri peang vui ai nai nichi teng y leu pei nai ne.

SAM 105:41

Mymy ly lengseaung khawi nai khala, tui achawn hai i, khutaha daichi ka-vym y tavo kamta leaung bo.

SAM 114:8

Nang ly lengseaung ai tui sampum, lengseaung para ai tavo micheaung lawm hai nai ne.

SAM 46:4

Tameuh i mary pui napi nai tahm asang parai nai Tameuh i yhm y amo theu hai nai tavo awm.

SAM 74:15

Nang ly tavo tui hawi micheaung tui theu hai iy, tavo kalenchi ai kang hai bo.

SAM 78:18

Mychi my, cha ai ngai nai teicha teineichi hnei u iy, atyhtyh naimy Tameuh ai cham u ta-li nai ne.

SAM 78:20

Nangmy lengseaung pui ai pakhau nai khala y, tui achawn hai nai ly teng khyp; na i py nang ly kaichi ai teicha teinei pacho pajau na a? mymy i khumichi ai mawi pei pajau na a?,” nanai Tameuh ai paleung angai y nai leu thui u bo.

SAM 81:7

Nangchi patang naira avum nai thym khala y kai ai palau i, kai ly nangchi ai atleu pi bo. Alipui khupui theung i niu pajau y naira dengdairei, nangchi ai kang pathang pi bo. Meriba micheaung sahawi y, nangchi ai kaimy cham bo.

THEU NAI 14:16

Nang ly cheaungvawi syn iy, pangli salo y pheu; Tui ly akhawi thla iy teng teng mang y akalym pawn ai i, Israela chengchi ly pangli paichi khaileaung kaphui mang tako ai nai nga u ai.

THEU NAI 16:10

Naibaly Aron ly mipui bawibawichi teng y Mosi my leu taviu nai kamta thui pi nai thym y, nichi ly daichi ka-vym mang y khen tapai nai i, tlenrei khyhmy tamai dengdairei Areng i kangvang sangso ly alaukau nanai niu u bo.

ISAIA 48:21

Areng ly mymy i khumichi ai, bi parai iy tui by y nai daichi ka-vymra y pahawi prei nai khala, nichi ly tui ahai u y. Mymy ly nichi i vui lengseaung dengdairei, tui theu hai bo. Lengseaung ako hai nai deaungkho y, tui leaung nai ne.

Kati Nai 20:8

“Leu Maikawm Pawm mo y khai nai cheaungvawi lo; naibaly nang hawi Aron, nangni ly khumi mipuichi ai jeu achu ai nai leu pei; nichi i mo y hunira awm nai lengseaung pui mang tui theu ai nai leu pei, nichi hawi nichi i tawnbawichi nei ai nai lengseaung pui mang tui achawn ai mang,” napi.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

I KORINTH 10:4

naibaly nichi bawibawi ly phailo mang i tui nei nai py vanrei nei; ati mana nai mo nabaly nichi ly mymychi teng y abang nai phailo mang i lengseaung pui i nai bawibawi nei u bo; huni lengseaung pui ly Krista ne.

Leu Thui Nai 1:2

(Sinai mawi dengdairei Kadesa Barnea mang y Edom pri mawitleaung lam tako baly, kani holai harei ateng nai ne.)

Leu Thui Nai 8:15

Mymy ly nangchi ai pavui kangso hawi kani taaichi peung iy, kau parai nai hawi ka-jei awm nai daichi ka-vym jeungrei pahawi prei nai ne. Khaileaung jengha iy tui by y nai meingtym y, mymy ly lengseaung pui mang tui theu hai bo.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.