4 Mosi ly Areng teng y chiu sa praw i, “Hini khumichi i vui kai mana kasa pi pajau ai mo? Nichi ly kai ai lengseaung hawi aphi ka ai nai tau u dudu bo,” napi.
Mosi hawi Aron nini ly nang i pathyp pi nai keung ne; Samuela py mymy teng y chiu sa nai keung leaungrei ne; nichi ly Areng teng y chiu sa nai khala y, mymy ly tangai pi bo.
Mosi ly Areng teng y chiu sa i, Areng my ni ai dengkeaung beang harei patei i, ni ly tui theung y dengkeaung beang aphi; naibaly tui ly nei ai nai nga bo. Areng ly huni meingtym y nichi teaung ai nai reitachi pei i, hu y my nichi leu tangai mo, tangai y mo, nanai cham bo.
Naibaly Mosi my Areng teng y, “Nang ly kai ai ati mana nai ngari kamtang avum hai lawh mo? Ati mana nai y kai ly nang teng y meimai ngo y lawh mo? Hini khumi mipuichi i vui y lu sa ai nai, ati mana nai kai ai pei lawh mo?
Khumi mipuichi ly huni leu thai nai khala, nini ai lengseaung hawi aphi ka ai nai atho sa u bo. Na i py huna nai thym khala Areng i nang nai sangso kangvang ly Tabynako salo y angvang nai niu u nai ne.
korah ly khumi mipuichi ai pangym iy, Tabynako katheu pa-khora y Mosi nini Aron hawi mo atha naimy angdo u bo. Huna nai thym khala tlenrei khyhmy Areng i nang parai nai kangvang sangso ly khumi mipuichi mo y angvang bo.
Na i py Antiokei hawi Ikonion avang i nai Juda amichi mo hu y tym iy, khumi mipuichi ai ly parawi tanga bo; hunaibaly nichi ly Pawla ai lengseaung y aphi i dei ai nai athang khai nai deaungkho y avang i dengdairei ryh bo.
Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.