THEU NAI 17:3 - Khumi Common Language Bible

³ Na i py khumi mipuichi ly khri pa-rei tui ahai nai deaungkho y, Mosi ai josei u veangveang i ni teng y, “Ati mana nai kaichi ai Aikupta pri i nai theu hai mo? Kaichi hawi kaichi i cho chanauchi hawi tawnbawichi raurei tui kanghai y padei ai tau nai a?” napi u.

THEU NAI 17:3 ပူးပေါင်းရင်းမြစ်များ

NEHEMIA 9:15

“Nichi kajeu alam u nai khala y kani mang i dengdairei teicha teinei pala pi iy, tui ahai u nai khala y lengseaung theung i theu nai tui pei pi. Nangmy pei ai, nanai adeu nai pri peang vui ai nai nichi teng y leu pei nai ne.

NEHEMIA 9:20

Nang ly neaung hawi nai deaungkho y nichi i sa ai avo naichi lam patei pi; nichi ai Manna tako hawi pacho iy nei ai nai tui py pei.

SAM 107:5

Nichi ly kajeu kanglam, tui kanghai avum naimy paleung phra, atho di u bo.

THEU NAI 12:38

Nichi hawi vanrei Israela cheng ny y naimy cheng takhra khumi nawi parai naichi py beram, mi-i, si kanghuchi py syn naimy abang u teang.

THEU NAI 14:11

Nichi ly Mosi teng y, “Aikupta pri y tapreaung meingtym by y nai deaungkho y nang ly kaichi ai hini daichi ka-vym y dei hai ai nai pahawi nai a? Dawn cham, kaichi ai Aikupta pri i pahawi nai ly ati mana sa nai kha!

THEU NAI 15:24

Nichimy Mosi ai josei u nai ly “Kaichi ati tui kanei u ai mo?” napi.

Kati Nai 14:22

hini khumichi theung i amimi py huni pri y kun ai nai ngo y; nichi ly kai i nang parai nai kangvang sangso py, Aikupta pri hawi daichi ka-vym theung y kai i sa nai rengrang tlai naichi niu teu i py, nichi ly kai ai tahm khai y jojo iy, kai i leu py tangai u y.

Kati Nai 20:4

Ati mana nai y kaichi ai hini daichi ka-vym theung y pahawi lawh mo? Kaichi ai kaimychi i tawnbawichi hawi vanrei dei ai nai hina nai kamta sa nai a?