THEU NAI 17:14 - Khumi Common Language Bible

¹⁴ Naibaly Areng my Mosi teng y, “Hini eaung nai ly pany jo ai nai tajiu typ; kaimy Amalek chengchi ai tavai kasum hai ai nai Josua teng y thui pi,” napi.

THEU NAI 17:14 ပူးပေါင်းရင်းမြစ်များ

THEU NAI 34:27

Areng my Mosi teng y, “Hini reita leu pei naichi ly tajiu typ; kai ly nang hawi py, Israela chengchi hawi py, hini reita leu pei nai kamta Leu Maikawm asa bo,” napi.

1 SAMUELA 30:17

Davida ly kani pa-nyh khawn khutawi mo dengdairei, dym tengsa ryrei nichi ai tiu i, kula-iu atang iy preang nai thawndeang leaung chungvai palyhreichi ny y baly, ami py tleaung y nai ne.

1 SAMUELA 30:1

Kani nyhrei nai khala y Davida hawi my i khumichi ly Zikala mary y tym u ali teang bo. Amalek chengchi ly Juda pri tokalawi mang y kun iy, Zikala mary ai tiu i mai leng vui;

2 SAMUELA 8:12

Hunai kamta mymy i eaung nai Edom, Moba, Ammon, Philistia hawi Amalek prichira i nga nai muku, tangkachi hawi Hadadeza teng i nga nai vawnsai phyreichi ai py, Tameuh teng y au nai ne.

Kati Nai 24:20

Naibaly Balam ly Amalek chengchi ai paleung mei y niu i, hina nai kamta amo leu thui pi: “Amalek pri ly atho awm keh nai pri ne, na i py kangkhym y ly huni pri ly phra seaungkhrang ai,” napi.

JOBA 18:17

Ni i satangchi ly amy i pri hawi pri takhra y tama vui iy, ni ai ami py ma u ai ny y leang bo.

THEU NAI 24:4

Mosi ly Areng i leu pei naichi tajiu typ bo. Kani pa-nyh khawn angthodyh Mosi ly mawi kheutangra y maicham sa i, Israela cheng holai nyhreichi i vui leungcheng holai nyhrei leng bo.

THEU NAI 13:9

Areng ly sa thai naira len parai nai hawimy nangchi ai, Aikupta pri i dengdairei patheu nai deaungkho y, nangchi ly Areng i reita leu pei nai ai thui aninau ai nai pawi ly nangchi i kiu, ti y baly nangchi i lukatira y akawm nai ka-ma-ra sai sairei kamta, nangchi ai pany hai jo ai.

THEU NAI 12:14

Kai, Areng my sa pi nai ai pany jo ai nai hini kani y, pawi sa u ai nai tla. Nangchi ly huni kani y Tameuh i pawi sa jojo ai nai tla.

LEU KACHENG 10:7

Khumi kahawichi ai pany jo nai ly amtheaung naira harei ne; na i py khumi hawi y naichi ai ly kra y naimy tami veng ryp ai.

SAM 9:6

Kaichi i paleung ka-echi ly sum jojo nai ne. Nang ly nichi i mary puichi ai taphra nai deaungkho y hunichi ai tami iy, tama hai pawn veng bo.

JOBA 19:23

Vai, kai i thui nai ai record khai iy, kai i leuchi tajiu pi typ nai awm i khyly, kangai parai!

EZARA 9:14

Kaichi ly nang i reita leu pei naichi tangai y bi naimy, hini amso ngai nai khumichi hawi apom lawh bi baly, nang ly kaichi i tlang tleaung y khri pa-rei kado theu hai iy, leaungrei py tleaung y pa-rei tamyh vui ai ny y a?

1 NENG SATANG 4:43

Nichi ly awm rai nai Amalek chengchi ai padei iy, huni meingtym y vaini khrairei awm u bo.

2 SAMUELA 1:1

Sawla dei nai bo y Davida ly Amalek chengchi ai tiu pajau nai vawi ali teang i, Zikala mary y kani nyhrei awm.

1 SAMUELA 15:18

Kamngo parai nai Amalek chengchi ai tamyh pawn ai nai leu pei iy, ang pato nai ne. Mymy ly nichi ai leaungrei py tleaung y pa-rei, padei pawn ai nai leu ang pei bo.

JOSUA 4:7

nangchi my Areng i Leu Maikawm Pawm Jordan tavo angpeang hai nai thym khala y, tavo tui leaung nai anawn vui nai sai thui pi ai nai tla; hini lengseaungchi hini meingtym y awm lawh nai sai ly Israela chengchi ai avawrei pany hai jo ai,” napi.

Leu Thui Nai 31:9

Naibaly Mosi ly Tameuh i reita leu pei naichi tajiu iy, Areng i Leu Maikawm Pawm kry nai Levi theaung pathyp pi nai keungchi hawi Israela cheng lu sa nai keungchi teng y au pi bo.

Kati Nai 33:2

Areng my leu pei nai kamta, Mosi ly nichi i anawn nai khala tai sa nai meingtym amynchi tajiu typ nai ne.

THEU NAI 17:13

Hunai kamta sa nai deaungkho y Josua ly Amalek chengchi tavai sum pa-rei tiu pajau nai ne.

THEU NAI 32:33

Areng my, “Kai i tlang tleaung y kamngo sa nai khumichi i amyn naini kaimy i cha-iu theung i kataphra ai.

JEREMIA 36:2

“Nang ly cha aeang harei la iy Israela pri, Juda pri hawi pri tleireichi molam y kai i leu pei naichi tajiu typ ba. Samrang Josia deung y kai i leu pei nai tangai u nai neng dengdai vaini khrairei, nang teng y leu kang pei nai bawibawi tajiu typ ba.

1 NENG SATANG 4:42

Simeon i nupai khumi leaung chungvai pangreichi ly nisi ngan Edom pri mang y chei u bo. Nichi ai lu sa nai khumichi ly Pelatiah, Neriah, Rephaia hawi Uzielachi ne. Nichi ly Ishi i chapochi ne.

JEREMIA 30:2

Israela chengchi i Areng Tameuh my, “Nang teng y kai my kang thui pi nai leuchi ly cha-iu theung y tajiu typ ba.