THEU NAI 16:8 - Khumi Common Language Bible

⁸ Mosi my thui pi bi nai ly “Areng ly nangchi i josei nai raawi thai nai deaungkho y, nangchi dym mang cha ai nai mawi hawi khawn mang cha ai nai ngai nai ryrei tako ang pei ai. Nangchi ly kaini ai josei u nai ly Areng ai josei tatang nai ne,” napi.

THEU NAI 16:8 ပူးပေါင်းရင်းမြစ်များ

THEU NAI 16:12

“Kai ly Israela chengchi i josei nai kathai bo. Nichi ly dym mang y mawi cha u ai; khawndam mang y ly nichi i ngai nai ryrei tako cha ai nai nga u ai; huna nai khala Kai, Areng ly nichi i Tameuh ne, nanai pany u ai tapi,” napi.

THEU NAI 16:9

Mosi my Aron teng y, “Khumi mipuichi ly Areng i mo y jeu u ai nai leu pei; ati mana nai mo na baly mymy ly nichi i josei naichi thai bo,” napi.

THEU NAI 17:2

Huna nai khala nichi ly Mosi teng y, “Kaichi ai tui nei ai nai pei,” nanai josei u bo. Mosi my, “Ati mana nai josei u lawh mo? Ati mana nai Areng ai cham u lawh mo?” napi.

ISAIA 32:6

Khumi ka-khum ly ka-khum leu katheu iy, hawi y nai atitichi sa ai nai dawn pasym reng. Ni i sa nai kalop hawi ni i katheu nai leuchi ly Areng ai khumi aniu y nai sa nai ne. Ni ly kajeu alam naichi ai mana khala py pacho y; tui ahai naichi ai mana khala py tui panei y.

ISAIA 37:29

Nang i kado theu nai, amlyh am-e naichi ai kai ly kapany nai ne. Hunai deaungkho y kai ly nang ai notareang pakau iy labeaung pakau chum baly, jeu nai lam mang kang vawi hai ali teang ai.”

Kati Nai 11:18

Vai nang ly khumi mipuichi teng y hina nai kamta thui pi; ‘Nangchi ly khawndam apachai u, nangchi mawi cha ai nai nga u ai. Kaichi ly Aikupta pri y mawi bym pa-rei cha ai nai nga, nanai thui nai py, hu y heng nai hawi keh alam, nanai josei tangam naichi py Areng ly thai bo. Areng my nangchi ai mawi ang pei ai bo i, nangchi cha ai nai nga u ai.

Kati Nai 14:27

“Hini khumi aso y naichi ly mana tanrei kai i tlang tleaung y josei u ai mo? Israela chengchi i josei nai katyn ly ka thai amawndui na bo!

Kati Nai 21:7

Hunaibaly khumi mipuichi ly Mosi teng y chei u i, “Kaichi ly Areng hawi nang ai py ka-awi sa iy katamang u bo. Hini pavuichi la pi pawn ai nai Areng teng y chiu so pi kyh,” nanai takeng u. Naibaly Mosi my nichi i vui Areng teng y chiu sa pi.

MATTHAI 10:40

“Ami py nangchi ai ang kawn baly kai ai kawn nai bo, ami py kai ai kawn nai ly kai ai pato nai keung ai kawn nai bo.

MATTHAI 9:4

Naibaly Isu ly nichi i dawn nai ly pany i, “Nangchi ly ati mana nai nangchi i paleung y kamngo nai dawn u lawh?

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

JOHAN 13:20

Meitang khypkhyp kang thui pi, ami py kai i pato nai ai kawn nai ngierei ly kai ai kawn nai bo:amipy kai ai kawn nai ly kai ai pato nai keung ai py kawn nai bo,” napi.

ROM AVANGCHI TENG Y PAWLA I CHA PA NAI 13:2

Hunai deaungkho y ami py peang nai keung ai ei nai ly Tameuh i sa rym naira y paka nai ne; paka nai keungchi ly mymychi i tlang tleaung y tara chih naira avum ai.

I KORINTH 10:10

Naibaly nichi theung i nai phyreichi ly preaung iy, tama hai nai keung my tama hai nai kamta ly preaung u moh.

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

1 SAMUELA 8:7

Naibaly Areng my, “Khumichi my nang teng y thui nai ngierei tangai ba; nang ai ly nichi my khai su y leang mang; kai ai naini nichi my khai u su bo; nichi ly kai ai mychi i samrang palawn y bo.