THEU NAI 16:7 - Khumi Common Language Bible

⁷ Khawn khutawi baly Areng i nang parai nai sangso kangvang ly angvang teaung nai nangchi niu u ai. Mymy ly nangchi i josei nai thai bo, achi ly mymy i leu pei naichi naini sa ai nai tla khyh,” napi.

THEU NAI 16:7 ပူးပေါင်းရင်းမြစ်များ

THEU NAI 16:10

Naibaly Aron ly mipui bawibawichi teng y Mosi my leu taviu nai kamta thui pi nai thym y, nichi ly daichi ka-vym mang y khen tapai nai i, tlenrei khyhmy tamai dengdairei Areng i kangvang sangso ly alaukau nanai niu u bo.

THEU NAI 16:12

“Kai ly Israela chengchi i josei nai kathai bo. Nichi ly dym mang y mawi cha u ai; khawndam mang y ly nichi i ngai nai ryrei tako cha ai nai nga u ai; huna nai khala Kai, Areng ly nichi i Tameuh ne, nanai pany u ai tapi,” napi.

THEU NAI 16:8

Mosi my thui pi bi nai ly “Areng ly nangchi i josei nai raawi thai nai deaungkho y, nangchi dym mang cha ai nai mawi hawi khawn mang cha ai nai ngai nai ryrei tako ang pei ai. Nangchi ly kaini ai josei u nai ly Areng ai josei tatang nai ne,” napi.

THEU NAI 24:10

Nichi ly Israela chengchi i Tameuh ai niu u bo. Mymy i kheu keung y kani khusang kamta pangau nai saphire lengseaung padai nai atawm.

THEU NAI 24:16

Mawi saleung y ly Areng i nang parai nai sangso ly khri pa-rei angvang teaung bo. Israela chengchi ly huni nang parai nai kangvang ly mawi salo y mai kangveaung kamta niu u nai ne. Tamai ly mawi y kani tariu ryrei khiu cheng i, saryh kani y ly Areng my tamai theung mang Mosi ai palau bo.

THEU NAI 40:34

Naibaly Areng i awmra Tabynako salo y tamai beu i, Areng i nang parai nai kangvang sangso ly Tabynako angtheung y angvang phang na bo.

ISAIA 35:2

Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly Areng i nang parai nai ai py, mymy i sa thai naira phum-ang py niu u ai.

ISAIA 40:5

Huna nai khala y Areng i nang parai nai ly amteng ai i, khumi angso bawibawichi ly huni nang parai nai niu u ai. Huna nai tym ai nai Areng mymy kypkyp my adeu pi nai ne,” nanai aeu bo.

Levi 9:6

Mosi my, “Nangchi ly Areng i nang parai nai kangvang sangso niu u ai nai, mymy ly nangchi teng y hini atitichi sa ai nai leu ang pei nai ne,” napi.

Kati Nai 14:10

Khumi mipuichi ly huni leu thai nai khala, nini ai lengseaung hawi aphi ka ai nai atho sa u bo. Na i py huna nai thym khala Areng i nang nai sangso kangvang ly Tabynako salo y angvang nai niu u nai ne.

Kati Nai 14:27

“Hini khumi aso y naichi ly mana tanrei kai i tlang tleaung y josei u ai mo? Israela chengchi i josei nai katyn ly ka thai amawndui na bo!

Kati Nai 16:11

Nang hawi nang i ka-bang bawibawichi my Aron ai josei u nai ly Areng ai tiu tatang nai teu bo,” napi.

Kati Nai 16:42

Nichi ly Mosi hawi Aron nini ai josei ai nai jeu achu nai bo y, Tabynako mang y khen angdeang u nai khala, tamai ly Tabynako salo y khiu naimy Areng i nang parai nai kangvang sangso niu u bo.

Kati Nai 17:5

Kaimy vawi takhra nai khumi i cheaungvawi ly sai ampho ai mang. Huna nai kamta sa baly Israela chengchi my nang i tlang tleaung y avawrei josei nai anawn u ai,” napi.

JOHAN 11:4

Isu my huna nai thai i, “Tameuh i Chapo ly hini deuangkho y palo naira nga thai ai nai, hini no nai ly dei hai ai nai ny y leang, Tameuh ai palo ai nai no nai teu,” napi.

JOHAN 11:40

Isu my ni teng y, “Nang ym baly Tameuh i nang parai nai sai niu ai, nanai kang tapi y a?” napi.