THEU NAI 16:4 - Khumi Common Language Bible

⁴ Huna nai khala Areng my Mosi teng y, “Vai kai ly nangchi bawibawi i vui kani mang dengdairei tako pala pi ai. Nichi ly kani tleirei theu iy kanirei ka-cho pakym u ai nai tla; hunai kamta kai i leu pei naichi tangai mo, tangai y mo, kapany ai.

THEU NAI 16:4 ပူးပေါင်းရင်းမြစ်များ

NEHEMIA 11:23

Huni nupai kangpreangchi ly Achura yhm theung y katyn kapau beu ai nai kani tleirei ami my lu sa ai mo, nanai pany hai ai nai samrang my pacheang yb nai awm.

NEHEMIA 9:15

“Nichi kajeu alam u nai khala y kani mang i dengdairei teicha teinei pala pi iy, tui ahai u nai khala y lengseaung theung i theu nai tui pei pi. Nangmy pei ai, nanai adeu nai pri peang vui ai nai nichi teng y leu pei nai ne.

NEHEMIA 9:20

Nang ly neaung hawi nai deaungkho y nichi i sa ai avo naichi lam patei pi; nichi ai Manna tako hawi pacho iy nei ai nai tui py pei.

SAM 105:40

Nichi my hnei nai deaungkho y, mymy ly thengmynchi pato pi; nichi bym pa-rei cha ai nai kani mang dengdairei, teicha teinei pala pi bo.

SAM 78:23

Na i py mymy ly kani salo mang y leu pei bo; kani katheuchi paeaung ai nai leu pei nai ne.

THEU NAI 15:25

Mosi ly Areng teng y chiu sa i, Areng my ni ai dengkeaung beang harei patei i, ni ly tui theung y dengkeaung beang aphi; naibaly tui ly nei ai nai nga bo. Areng ly huni meingtym y nichi teaung ai nai reitachi pei i, hu y my nichi leu tangai mo, tangai y mo, nanai cham bo.

THEU NAI 16:15

Israela chengchi ly huni ai niu nai khala, nichi ly pany vai y, niu py niu vai y i, “Hini ly ati kha?” nanai adeng u leungtang. Naibaly Mosi my nichi teng y, “Hini ly nangchi cha ai nai Areng my pei nai tako ne.

LEU KACHENG 30:8

Kai i labeaung mang ka-chawi thui hai moh ba. Naibaly kai ai nang ai nai py, kamawn lawm ai nai py pei moh kyh ba. Hunaibaly kai i teicha teinei ngai nai ryrei phai pei ba.

MATTHAI 6:11

Kaichi i kani tleirei cha ai nai ly vaini py pei ba;

LUKA 11:3

Kaichi i kani tleirei cha ai nai ly pei ba.

I KORINTH 10:3

naibaly nichi bawibawi ly phailo mang i biu py vanrei cha;

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.