THEU NAI 16:34 - Khumi Common Language Bible

³⁴ Areng my Mosi teng y leu pei nai kamta, Aron ly manna tako khai nai laawm ai ly Areng i Leu Maikawm Pawm mo y khai bo.

THEU NAI 16:34 ပူးပေါင်းရင်းမြစ်များ

1 ARENG KEH 8:9

Aikupta pri i dengdairei Israela chengchi theu u nai khala, nichi i Areng my Leu Maikawm asa nai Sinai mawi meingtym y, Mosi my khai pi nai lengseaung phei nyhrei ny y baly, huni Leu Maikawm Pawm theung y ati sai py by y.

THEU NAI 25:16

Reita leu pei naichi tajiu typ nai lengseaung phei nyhrei kang pei ai. Huni lengseaung phei nyhrei ai ly huni Pawm theung y khai ai nai tla.

THEU NAI 25:21

Lengseaung phei nyhrei ly Pawm theung y khai iy, khym typ ai nai tla.

THEU NAI 27:21

Aron hawi ni i chapochi ly Areng i awmra Tabynako theung i Leu Maikawm Pawm y tapang nai kanih ali hang nai angam mang y, huni maisi yhm ly dym mang dengdai khawn mang khrairei, Areng i mo y thawn ai nai tla. Israela chengchi hawi nichi i kangpreangchi ly huni reita patawm jojo ai nai tla.

THEU NAI 30:36

Huni mui katuichira i phyrei ai teipei pa-rei deng iy, kai i awmra Tabynako theung, kai i mo y syn ly Leu Maikawm Pawm mo y phui ai nai tla. Huni rimui mui katui ai chai keh nai rimui mui katui palawn ai nai tla.

THEU NAI 30:6

Leu Maikawm Pawm mo i kanih ali jang nai angam mang y, huni maicham khai ai nai tla. Huni meingtym y kai ly nang hawi avum ai.

THEU NAI 31:18

Tameuh ly Sinai mawi salo y Mosi teng y, leu pei chum nai khala, Tameuh mymy kypkyp my lengseaung phei nyhrei tleaung y reita leuchi tajiu pi iy, Mosi teng y pei pi nai ne.

THEU NAI 38:21

Leu sai horei tajiu typ nai lengseaung phei nyhrei reumera Areng i Tabynako i vui teaung nai tamo ngan amynchi ly pathyp pi nai keung Aron i chapo Ithama my lu sa iy, Levi theaungchi my Mosi i leu pei nai kamta tajiu bo.

THEU NAI 40:20

Huni bo y ni ly lengseaung phei nyhrei ai Leu Maikawm Pawm theung y khai typ bo; Pawm i sengtlengchira y samtleang thawi iy, khym py Pawm salo y tleang typ bo.

Kati Nai 1:50

Nichi ai tavai thau hai ai nai tleaung y ly kai i awmra Tabynako hawi huni i ateaung bawibawichi ai kry ai nai keung y khai. Nichi ly Tabynako hawi huni i ateaungchi tawn ai nai hawi, hunira y kalop sa ai nai deaungkho y, Tabynako ka-ki tai sa iy awm u ai nai tla.

Kati Nai 1:53

Na i py khumi leaung leaungrei ly Tabynako sahawi y ahai lawh baly, kai ly kado theu ai i, cheng theaung verei kapajeng lawh ai; hunaibaly Levi theaungchi ly Tabynako typ ai nai, Tabynako ka-ki tai sa iy awm u ai nai tla,” napi.

Kati Nai 17:10

Areng my Mosi teng y, “Aron i cheaungvawi ai ly Leu Maikawm Pawm mo y khai hai ali teang. Hini tiu reng nai Israela chengchi my josei baly dei u ai, nanai pany hai naira ne i, Aron i cheaungvawi ai ly huni meingtym y khai ai nai tla” napi.

Leu Thui Nai 10:5

naibaly kai ly mawi i nai satla kathiu bo. Areng my leu pei nai kamta kai ly huni lengseaung phei nyhrei ai, kaimy sa nai tengta theung y khai me i, vaini khrairei awm jo nai ne.