THEU NAI 16:3 - Khumi Common Language Bible

³ “Areng ly kaichi ai Aikupta pri y dei hai khyly hawi keh alam ai; kaichi ly huni pri y mawi hawi tako kajeu kawi pa-rei cha ai nai nga; vai ly kaichi ai kajeu ka-lam y dei hai ai nai, hini daichi ka-vym y ang pahawi nai na a hi ly” nanai josei u lengleang bo.

THEU NAI 16:3 ပူးပေါင်းရင်းမြစ်များ

2 SAMUELA 18:33

Samrang ly khri pa-rei paleung si tangam naimy, mary apai katheu amphu salo y awm nai takun theung mang y chei iy vo bo. Huna nai lyn kalau nai thym y, “Aw kai i chapo! kai i chapo Abasalom! Abasalom kai i chapo! nang i jeng y kai dei ai nai ngai. Kai i chapo Abasalom! kai i chapo!” nanai vo tangam bo.

JOBA 3:1

Kangkhym y Joba ly awm py thai y i, mymy ai tapen nai neng kani ai pasawi bo.

JOBA 3:10

Kai ai tapen ai nai pei iy paleung mawn patang naira avum hai nai deaungkho y, huni kani ly amsawi lawi na sy.

JOBA 3:20

Ngari kamtang avum nai khumichi ly ati mana nai y heng u lawh mo? Paleung mawn nai khumichi ly ati mana nai y kangvang nga u lawh mo?

SAM 107:5

Nichi ly kajeu kanglam, tui kanghai avum naimy paleung phra, atho di u bo.

SAM 78:19

Nichi my, “Tameuh ly daichi ka-vymra y achi ai teicha teinei pacho pajau na a?

SAM 78:25

Hunai deaungkho y nichi ly kani pri amtaw thau naichi i teicha teinei cha ai nai nga u; Tameuh my nichi ai kajeu kawi pa-rei pacho bo.

THEU NAI 14:11

Nichi ly Mosi teng y, “Aikupta pri y tapreaung meingtym by y nai deaungkho y nang ly kaichi ai hini daichi ka-vym y dei hai ai nai pahawi nai a? Dawn cham, kaichi ai Aikupta pri i pahawi nai ly ati mana sa nai kha!

THEU NAI 17:3

Na i py khumi mipuichi ly khri pa-rei tui ahai nai deaungkho y, Mosi ai josei u veangveang i ni teng y, “Ati mana nai kaichi ai Aikupta pri i nai theu hai mo? Kaichi hawi kaichi i cho chanauchi hawi tawnbawichi raurei tui kanghai y padei ai tau nai a?” napi u.

THEU NAI 2:23

Saneng kra parai nai bo y Aikupta samrang ly dei bo. Na i py Israela chengchi ly khri pa-rei patang parai naimy miseaung alaw u y jojo rai i, alawra nga ai nai vo tangam u. Nichi i vo nai raawi ly Tameuh teng y tym nai ne.

THEU NAI 5:21

Nichi my ly “Samrang hawi miteaung kehchi my kaichi ai niu ngai y ai nai, nangni sa hawi nai deaungkho y Areng ly nangni ai pajeng sy; kaichi ai padei ai nai nangni ly nichi kiu y haisau au hawi lawh nai bo,” napi.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 42:14

Tavai ka-jeira avum bi y ai nai, tavai pasau ai nai baw katyn thai bi y ai nai, kajeu kanglam by y nai Aikupta pri y kaichi kachei u ai,’ nanai nangchi thui ai nai avo y.

JEREMIA 44:17

Kaichi ly kaimychi vaichi khala kasa u reng naichi ai naini kasa u ai. Juda marychi hawi Jerusalem lamchira y, kaichi hawi kaimychi i amsi pajochi, kaichi i samrang hawi lu sa naichi my sa reng nai kamta, kani khusang samrangnu, napi nai kani anglo teng apathyp iy, ni i vui kreip hang katalamrachi leih pi ai. Huna nai thym khala kaichi ly kajeu kawi pa-rei cha ai nai nga; nang chawn naimy patang palai nai py by y nai ne.

TANGAM NAI LEU 4:9

Tavai keung y dei nai khumichi ly teicha teinei avaw iy, heng ai nai lam by y naimy, kajeu kanglam y dei dudu nai khumichi tleaung y hawi keh alam nai ne.

Kati Nai 11:15

Kai ly hini kalop sa jojo ai na baly, nang ly kai ai pahen na baly, vaimy padei iy, hini ngari kamtang i nai lawi hai ba,” nanai takeng bo.

Kati Nai 11:20

mawi ly amleu ano iy palei na pa-rei, lo jeungrei cha ai nai nga u ai. Ati mana nai mo na baly nangchi Aikupta pri y kadeaung naimy, nangchi hawi vanrei awm nai Areng ai patlaw su iy, josei tangam u nai deaungkho y ne’,” napi.

Kati Nai 14:2

Nichi ly Mosi nini Aron tlang tleaung y, “Kaichi ly Aikupta pri y mo py ne sy, hini daichi ka-vym y mo py ne sy, dei nai ly hawi keh alam rai!

Kati Nai 14:3

Areng ly ati mana nai y kaichi ai, huni pri mang y pahawi lawh mo? Kaichi ly tavai keung y kadei u ai bo he. Kaichi i aju chanauchi ly paleung ka-echi my patiu vui ai. Lu sa nai keung vawi iy Aikupta pri y vawi ali teang nai ly hawi khere y a?,” nanai josei u bo.

Kati Nai 16:13

Nini my, “Nang ly kaichi ai teicha teinei awm nai Aikupta pri i dengdairei hini daichi ka-vym theung y padei be ai nai pahawi nai ly paleung anyp y rai a? Vai nang ly kaichi i tlang tleaung y areng amlawn ai nai ngai nai sai a?

Kati Nai 16:41

Kani pa-nyh y Israela cheng bawibawichi ly Mosi nini Aron ai, “Nangni ly Areng i khumi phyreichi ai padei hawi bo,” nanai josei u.

Kati Nai 21:5

Tameuh hawi Mosi nini ai josei u; nichi my, “Teicha teinei by y nai hini daichi ka-vym theung y dei hai ai nai, ati mana nai y kaichi ai Aikupta pri i dengdairei pahawi nai mo? Hini meingtym y teicha teinei py tui py by y pui be? Kalum kathau by y nai hini teicha teineichi py kaichi paleih na bo” nanai josei u.

AMTAW 26:29

Naibaly Pawla my ly, “Maiden chy i py, maiden chy ny y i py nang ai leaungrei kang napi nai khyh ny y leang, vaini kai i leu thai nai bawibawichi ai py kaimy ka-tawm awm ai nai Tameuh i saho y kai ngai na a, hini kawm naira harei khyh ny y naimy,” napi.

I KORINTH 4:8

Vai py nangchi ly kawi palai bo! Vai py nangchi ly nang bo, nangchi ly kaichi abawi y naimy peang nai bo he; ne, kaichi py nangchi hawi peang ai nga ai nai nangchi ly peang tatang nai khyly kangai.

II KORINTH 11:1

Kai i pathu kyh naira y ly nangchi my kham pi pajau ai nai kangai y! Ne, kai ai kham py kham pi kyh.

Leu Thui Nai 28:67

Nangchi i niu nai ngiereichi molam y kaso theu naimy awm u ai. Nangchi ly khawn tleirei kani dym ai nai py, dym tleirei khutawi ai nai py kadeaung u ai.

Leu Thui Nai 8:3

Mymy ly nangchi ai kajeu kanglam ang khai. Naibaly nangchi hawi nangchi i amsi pajochi cho vai y nai Manna tako ang pacho. Huna nai molam y khumi ly teicha cha naira y heng nai ny y leang, Areng i leu y naini heng ai khyh, nanai nangchi ai kang thui pi nai ne.

JOSUA 7:7

Naibaly Josua my, “Salo kangteng Areng! kaichi ai ati mana nai y Jordan tavo angpeang hai lawh mo? Amori chengchi i kiu y au ai nai a? Kaichi ai tama hai ai nai a? Kaichi ly Jordan tavo vai mang y naini kaawm u jo baly hawi ai.