THEU NAI 15:6 - Khumi Common Language Bible

⁶ “Aw Areng, nang i lamtang kiu i sa thai naira ly rengrang iy jei hyn ai nai hawi parai; sa thai naira hawimy paleung ka-echi ai pasum be bo.

THEU NAI 15:6 ပူးပေါင်းရင်းမြစ်များ

SAM 17:7

Nang i lyh ai hawi parai nai tamen naira amteng hai iy, kai ai atleu kyh ba; nang i sahawi y kai ly paleung ka-echi my patang hai naira i nai, law tleaung naira nga bo.

SAM 2:9

Nang ly khumi cheng cheaungkhangchi ai tamo cheaungvawi hawi peang ai; nichi ai alai laawm pakhawi nai kamta kawi hai phro ai, nanai leu ang pei,” napi.

SAM 24:8

Huni nang parai nai samrang ly ami mo? Huni samrang ly sa thai naira haiho awm nai Areng, tavai eaung nai Areng ne.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

SAM 44:4

Nang ly kai i samrang, kai i Tameuh ne; nang i khumichi ai eaung naira pei pi bo.

SAM 60:5

Nang i sa thai naira hawimy kaichi ai atleu kyh ba; tamen nai khumichi ly atleura nga hai ai nai, kaichi i chiu sa hnei takeng nai tangai pi kyh ba.

SAM 74:11

Ati mana nai y nang ly kaichi ai sabawm ai nai akhi lawh mo? Ati mana nai y nang i kiu ly nithun mang y, atakawi me vui lawh mo?

SAM 77:10

Naibaly kai ly “Tameuh teng y ly sa thai naira by y lawh nai deaungkho y, kai i vui no-au keh na bo,” nanai thui lawh nai ne.

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

SAM 98:1

Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 15:12

Nang ly lamtang kiu pheu nai deaungkho y, khaileaung my kaichi i paleung ka-echi ai pajawn pawn nai ne.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

THEU NAI 18:8

Mosi my ampu Jethro teng y, Areng ly Israela chengchi ai atleu pi ai nai molam, Aikupta samrang hawi Aikupta chengchi tlang tleaung y atiti tym hai nai leaungsai bawibawichi amti pi nai ne. Huni bo y Israela chengchi lam sala y avum nai rai nairachi hawi vanrei, Areng ly Israela chengchi ai atleu pi nai satang py amti pi bo.

THEU NAI 3:20

Na i py kai i sa thai naira hawi rengrang ka-ma-rachi patei iy, Aikupta chengchi ai kapajeng ai. Hunaibaly samrang ly nangchi ai theu ai nai ang pei ai.

THEU NAI 6:1

Huna nai khala Areng my Mosi teng y, “Samrang i tlang tleaung y kai mana kasa ai mo, nanai nang niu ai. Kai i sa thai naira haiho hawi ni ly kai i khumichi ai theu ai nai pei pa-rei kasa ai. Kai i sa thai naira haiho hawi ni ly mymy pri i nai nichi ai patheu vui ai nai pa-rei kasa ai,” napi.

ISAIA 30:14

Laawm phei ka-kawi hawi mai-aichi akhui ai nai py, chy-y theung y pani iy tui vei ai nai py, ngo pajau y pa-rei kawi seaungkhrang nai alai laawm hawi atawm u ai.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 63:12

Mosi i saho y sa thai naira teaung iy, mymy i khumichi mo y pangli tui phy nyhrei akhawi hai chum baly, amthang jojo nai Areng ly ma y mo? nanai deng u bo.

JEREMIA 13:14

Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

AMTENG HAI NAI 2:27

kai ly Ngaai teng i dengdairei kanga nai kamta, ni py tamo cheaungvawi y ang peang ai i, nichi ai ly laawm beu nai keung i laawmchi kamta kawi piupa ai:

1 SAMUELA 2:10

Areng i paleung ka-echi ly tama naira avum ai; nichi i tlang tleaung y kani pajyh hai ai. Areng ly khaileaung pri verei y tara chih ai; mymy ly mymy i vawi takhra nai samrang ai sa thai naira angym hai iy, mymy i khai takhra nai khumi ai eaung naira pei ai,” nanai thui bo.