Nang ly nangmy i khumichi i vui pangli angpeang ai nai lam sa pi iy, nichi ai khaileaung kaphui salo y tako hai bo. Nichi ai patiu ai nai hui naichi ai ly pangli tui sampyh theung y lengseaung tup nai kamta anum hai nai ne.
Pangli theung mang Israela chengchi ai hui u nai Aikupta tavai michi, ka-ri lu sa naichi, tavai ka-richi ai py um hai chauchau i, leaungrei py tleaung y dei be nai ne.
Na i py Areng nang ly tlenrei khyhmy ali hm nai deaungkho y, Aikupta chengchi ai pangli tui my um biu vui bo; nichi ly tui sampyh kalen theung y kima kamta tup nai ne.
Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.
Vai, nang ly pangli y phra i, suida pangli kathiu y tup jo nai ne. Nang i vawnsaichi hawi nang i kalop sa nai khumi bawibawichi ly nangmy hawi vanrei pangli y chau be bo,’ nanai vo sai mang y vo hai u nai ne.
“Aw Areng, kai ly patang naira avum nai deaungkho y, nang teng y kang kaau bo. Nangmy py thai nai ne. Kai ly dei kho peang i dengdairei nang ai kang kaau nai raawi ly nangmy thai bo.
Na i py ami py hini kai ai ym nai keung theangchi chy naichi theung y leaungrei ai py atlym hai nai ngierei ai ly, mymy i kaneaung y choh nip naira lengseaung kalen pui awi hai iy, pangli tui kathiura y pala i khyly mymy i vui hawi keh alam ai.
Naibaly kani pri i amtaw thau nai ham parai nai my ly choh nip naira lengseaung kalen pui ka-tawm lengseaung la iy, pangli y aphi vui bo i, “Babulon avang pui ly huna nai kamta ty nanai ly aphi vui nai ne ai i, ami py tlen py niu ali ai ny y leang bo.