THEU NAI 15:2 - Khumi Common Language Bible

² Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

THEU NAI 15:2 ပူးပေါင်းရင်းမြစ်များ

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

ATITI AWM ANGCHEI NAI 49:18

“Aw Areng, kai ly nang i atleu naira ajeng jo nai ne.

2 SAMUELA 22:3

Kai i Tameuh ly kai ai atleu nai deaungkho y, kai ly chymme naira nga bo. Mymy ly khupui kamta kai ai ama hai; mymy ly kai mang y asa hai iy kai ai chymme naimy ang khai bo. Mymy ly kai i atleu keung ne; kai ai ama hai iy pahyp y naimy ana naira i py atleu bo.

2 SAMUELA 22:47

Areng ly heng! kai ai ama hai nai keung ai palo u! Sa thai naira awm iy kai ai atleu nai Tameuh ly nang parai nai ne, nanai aeu u!

2 SAMUELA 22:51

Tameuh ly mymy i khai takhra nai samrang ai eaung naira pei; mymy i khai takhra nai samrang Davida dengdairei, kangpreangchi teng y khaw parai nai tamen naira ly deungtasa khrairei patei pi bo.

2 SAMUELA 7:24

Nang ly Israela chengchi ai deungtasarei, nangmy i khumi lawm hai bo. Aw Areng, nang ly nichi i Tameuh lawm bo.

2 SAMUELA 7:5

kai i miseaung Davida teng y chei iy ni teng y, ‘Nang ly kai i vui Achura Yhm sa ai nai avo y.

1 ARENG KEH 8:13

Vai ly kaimy nang i vui Achura Yhm, nang i vui deungtasarei awm ai nai meingtym sa pi nai pajau bo,” nanai chiu sa bo.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

1 NENG SATANG 16:14

Areng ly achi i Tameuh ne; mymy i leu pei naichi ly khaileaung pri verei i vui ne.

SAM 109:1

Aw Tameuh, kai ly nang ai kang palo bo; sabawm y naimy awm vui moh ba!

SAM 118:14

Areng ly kai ai sa thai naira haiho len hai nai ne; mymy ly kai ai atleu bo.

SAM 118:21

Aw Areng, nang ly kai i hnei nai thai i, kai ai eaung naira pei nai deaungkho y, kai ly nang ai palo nai ne.

SAM 118:28

Nang ly kaichi i Tameuh ne i, kaichi ly nang ai kawn naimy palo ai; kaichi ly nang i nang parai nai saichi amthang hai ai.

SAM 132:5

Aw Areng, Jakob i ati cheaungkhang sa thai nai Tameuh teng vaineng abeu nai ly pany pi jo kyh ba.

SAM 140:7

Kai i salo kangteng Areng, kai i vui ham parai nai atleu keung, nang ly kai ai tavai akeung y ama hai bo.

SAM 145:1

Kai i Tameuh, kai i samrang, kai ly nang i nang parai nai sai amthang hai ai; nang ai kawn naimy deungtasarei palo ai.

SAM 18:46

Areng ly heng nai ne! Kai ai ama hai nai keung ai ly palo u! Kai ai atleu nai Tameuh ly nang parai nai ne, nanai palo nai aeu u.

SAM 22:10

Kai ly tapen khyp khala i dengdairei nang ai ym bo; huni neng dengdairei nang ly kai i Tameuh ne.

SAM 22:3

Na i py nang ly Israela chengchi my areng atehra salo y tahm pasang nai leaungrei awm khyh nai, chai parai nai keung ne.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 28:8

Areng ly mymy i khumichi ai ama hai iy kry bo. Mymy khai takhra pi nai samrang ai ama hai iy atleu nai ne.

SAM 30:1

Aw Areng, kai ai atleu nai deaungkho y py, kai i patang nai molam y paleung ka-echi my paleung ateng hai ai nai pei y nai deaungkho y py, nang ai kai ly kang palo nai ne.

SAM 34:3

Areng i nang parai nai ai, kai hawi vanrei aeu u; achi ly mymy i amyn vanrei palo u sina.

SAM 48:14

Huna nai khala nangchi ly “Hini Tameuh ly deungtasa khrairei achi i Tameuh ne; mymy ly achi ai deungtasarei ang pahawi ai,” nanai mo mang i deung kangthauchi teng y thui pi pajau ai.

SAM 59:17

Kai mang y ama hai nai keung, kai ly nang ai kang palo ai; Tameuh ly kai i abyhra, kai ai tamen nai keung Tameuh ne.

SAM 68:20

Achi i Tameuh ly atleu nai keung Tameuh ne; mymy ly Areng, deira i nai atleu nai, achi i Areng ne.

SAM 99:5

Achi i Areng Tameuh ai ly palo u; mymy i areng atehra mo y lu meung iy chiu u! mymy ly chai parai nai ne.!

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

THEU NAI 14:13

Huna nai khala Mosi my, “Jeih u moh, Vam parai nai awm u; vaini Areng my atleu nai nangchi niu u ai; Aikupta chengchi ai vaini nangchi niu nai ly vai mo mang y nangchi niu u ali bi ai ny y leang bo mang.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

THEU NAI 4:22

Huna nai khala nang ly samrang teng y, “Israela chengchi ly kai Areng i chapo chalu ne.

THEU NAI 40:34

Naibaly Areng i awmra Tabynako salo y tamai beu i, Areng i nang parai nai kangvang sangso ly Tabynako angtheung y angvang phang na bo.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 25:1

Aw Areng, nang ly kai i Tameuh ne. Kai ly nang ai tahm pasang iy, nang i amyn palo ai. Nang ly rengrang nairachi sa nai ne. Jangni khala i dengdairei pasym pi yb nai ka-dawnchi ai meitang khyp sa pi bo.

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:38

Naibaly nichi ly kai i khumichi lawm iy, kai py nichi i Tameuh lawm ai.

HABAKKUK 3:13

Nang ly nangmy i khumichi hawi nangmy i khai takhra nai khumi ai, atleu ai nai jeu kyh ba. Nang ly khumi hawi y nai i lu sa nai ai, taphra vui iy ni i nithun abang naichi ai tama hai chauchau bo.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

LUKA 1:77

Ati mana nai mo nabaly nang ly mymy i lam cheaungkhang sa rym ai nai hawi, Achi i Tameuh i pahen nai paleung awm nai saho y Mychi i kamngo pahen ai nai,

LUKA 2:30

Ati mana nai mo nabaly Cheng Takhrachi teng y amteng hai ai nai kangvang hawi, Nang i khumi Israelachi ai tahm paseng ai nai py.

JOHAN 4:22

Nangchi i chiu nai ly nangchi pany y: kaichi i chiu nai ly kaichi pany; lawi hai ai naira ly Judachi theung i nai theu ai.

JOHAN 5:23

Ami py chapo ai tahm khai y nai ngierei ly Ampo, ni ai pato nai keung ai py tahm khai y nai bo.

AMTAW 4:12

Takhra ami teng y py pahengra by y leang, kani anui y khumi amyn pathi naichi theung y achi ai paheng ai nai amyn takhra ha py by y,” napi.

II KORINTH 5:19

huna nai Tameuh my Krista y khaileaung pri ai ly amymy hawi aly hai nai ne, nichi i taphra nairachi ly mymychi i tlang tleaung y taphra nairachi palawn pi y naimy, kaichi ai aly naira leu ang au nai bo.

EPHESI 2:22

nangchi ai py mymy y ly Phailo y Tameuh i awm ai naira padyh u achu nai ne.

Leu Thui Nai 10:21

Mymy ai palo u, mymy ly nangchi i Tameuh ne; mymy ly nangchi i vui rengrang tlai naichi ang sa pi nai ly nangmychi i mei y niu u bo.

PHILIPI 2:11

Tameuh my ni ai ly khri pa-rei palo i, amyn bawibawi y amyn asang keh nai ly pei bo.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

KOLOSA 2:9

Mymy y ly Tameuh i angym naira cheaungkhang ly tlang nga nai awm veng.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

AMTENG HAI NAI 19:1

Huni bo y ly kani pri mang i khumi mipui neangneangchi ly tao pajeng parai nai kamta naimy, “Haleuja! Paheng naira hawi, nang parai naira hawi, sa thai naira py kaichi Tameuh i ne:

TARA CHIH NAI KEUNGCHI 5:21

Tui ho parai nai kishon tavo ly lem na i, paleung ka-echi ai amjau hai pawn bo. Kai ly tavai thau ai, atho haiho hawi mo mang y lyn ai.