THEU NAI 14:4 - Khumi Common Language Bible

⁴ Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

THEU NAI 14:4 ပူးပေါင်းရင်းမြစ်များ

NEHEMIA 9:10

Samrang Pharao i bangtangchi hawi khumi mipuichi ly nang i khumichi ai pahyp y naimy ana nai deaungkho y, nichi teng y nang ly lyh ai hawi parai nai ka-ma-rachi patei iy, pajengra tym hai bo. Huna nai y nang ly vaini khrairei amthang nai ne.

THEU NAI 10:27

Areng ly samrang ai paleung tang hai cheng nai deaungkho y, Israela chengchi ai chei ai nai pei y bi nai ne.

THEU NAI 12:28

Mosi nini Aron teng y Areng my leu pei nai kamta, nichi ly tangai u nai ne.

THEU NAI 14:23

Aikupta samrang i tavaimichi, keaungngo ka-richi ly Israela chengchi i nithun y hui u kathiu nai ne.

THEU NAI 14:25

Mymy ly Aikupta tavaimichi i tavai ka-ri kheuchi phra hai nai deaungkho y, raira avum u bo. Hunaibaly Aikupta chengchi ly “Israela chengchi i jeng y Areng my achi ai tavai ang tiu nai bo, hi i nai athawn u ali sina bo he!” nanai thui u.

THEU NAI 14:3

Aikupta samrang my, Israela chengchi ly daichi ka-vym lam tamang nai awm u ajangtang ngaw khyh, nanai dawn ai.

THEU NAI 14:5

Aikupta samrang ly Israela chengchi preang pan nai thai nai khala, ni hawi ni i bangtangchi ly paleung ali vui i, “Achi ly achi i miseaungchi ai tleaung hai vui lawh ly!,” nanai thui u bo.

THEU NAI 14:8

Areng ly samrang i paleung tang hai iy Israela chengchi ai hui u bo; Israela chengchi ly amo theu sau naimy theu u nai ne.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

THEU NAI 7:17

Samrang awi, Areng i leu pei nai ly ‘Kai ly Areng ne,’ nanai vai, kai i sa nai molam y nang pany ai, ang napi. Kai ly hini cheaungvawi hawi Naing tavo tui y pakhau baly, tui ly thi lawm be ai.

THEU NAI 7:3

Na i py kai ly samrang i paleung katang hai ai i, nang i leu tangai ai ny y. Aikupta pri y ka-jei awm parai nai rengrang tlaichi kapatei i py, pathi lawh y ai. Huna nai khala Aikupta pri y kai i sa thai naira patei iy, mipuichi tlang tleaung y pajeng naira len parai nai katym hai ai. Hunaibaly kai i khumi Israela cheng bawibawichi ai Aikupta pri i nai kapahawi ai.

THEU NAI 7:5

Huna nai Aikupta chengchi ai kai i kiu pheu iy, Israelachi ai kapatheu nai khala, kai ly Areng ne, nanai Aikupta chengchi pany u ai,” napi.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

Ezekiela 20:9

Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

Ezekiela 28:22

Huni mary i khumichi teng y sa thai naira angym nai kai, Areng i leu pei nai amti pi. Sidon mary awi, kai ly nang i paleung ka-e ne. Nang i tlang tleaung y kai i sa nai saichi molam y, khumichi ly kai ai palo u ai. Kai ly nang i khumichi ai pajeng iy kai i chai nai sai patei nai khala, kai ly Areng ne, nanai nichi pany u ai.

Ezekiela 32:15

Aikupta pri y khumi angso savai tlang nai meingtym lawm hai ai i, yhmtheaung katuichi hawi, huni pri y awm nai khumi bawibawichi ai tamyh pawn nai khala, kai ly Areng ne, nanai nichi pany u ai.

Ezekiela 38:16

kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

Ezekiela 38:23

Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly Areng ne, nanai nichi pany u ai,” napi.

Ezekiela 39:13

Mipui bawibawichi ly veu pavum naira y sabawm u ai. Hunai deaungkho y kai i phum haiho amteng nai kani y, nichi ly tahm pasang naira nga u ai. Hini ly sa thai naira angym nai kai, Areng my pei nai leu ne.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

ROM AVANGCHI TENG Y PAWLA I CHA PA NAI 11:8

“Tameuh my ly vaini khrairei mymychi teng y i kamhm ngam nai paleung pei iy, Niu pajau y nai mei hawi thai pajau y nai kano py pei,” nanai tajiu nai kamta.

ROM AVANGCHI TENG Y PAWLA I CHA PA NAI 9:17

Naibaly Tameuh i cha-iu ly Pharao teng y, “Nangmy y ly kai i sa thai naira kapatei thai ai nai hawi, khaileaung pri verei y kai i amyn amthang hai thai ai nai py nang ai kang khai yb khyp bo,” napi.

ROM AVANGCHI TENG Y PAWLA I CHA PA NAI 9:18

Hunaibaly Tameuh ly mymy i ngai nai ngierei ai ly pahen iy, mymy i ngai nai ngierei ai py paleung tang hai ai.

JOSUA 11:20

Huni khumi bawibawichi ai pahen y naimy tleh pawn ai nai, Areng ly huni khumichi ai ham parai naimy, Israela chengchi ai tiu hai bo. Huni khumichi ai tamyh pawn ai nai tla nai ly Mosi dengdairei Areng my leu pei yb nai deaungkho y ne.

TARA CHIH NAI KEUNGCHI 4:7

Nang ai tiu hai ai nai samrang Jabin i tavailu Sisera ai kishon tavo mang y kaimy hawi ai. Ni teng y ka-richi hawi tavaimi risachi abawi ai. Na i py nang ai kaimy kang eaung hai ai,’ nanai nang ai leu kang pei bo,” napi.