THEU NAI 14:2 - Khumi Common Language Bible

² “Israela chengchi ly anaw ali teang iy Bala Zephon mary sahawi Pangli Kamsen hawi Mikadol mary sala i, Phihahiro mary ka-do y tai ai nai thui pi.

THEU NAI 14:2 ပူးပေါင်းရင်းမြစ်များ

THEU NAI 14:1

Naibaly Areng my Mosi teng y,

THEU NAI 14:3

Aikupta samrang my, Israela chengchi ly daichi ka-vym lam tamang nai awm u ajangtang ngaw khyh, nanai dawn ai.

THEU NAI 14:9

Aikupta tavaimichi, tavai keaungngochi, tavai ka-richi Israela chengchi ai hui u i, Bala Zephon mary hawi Phihahiro mary sahawi i Pangli Kamsen peang jei naira y nichi ai kai bo.

JEREMIA 44:1

Areng ly Aikupta pri Mikadol mary, Tapaneh mary, Memphi mary hawi tokalawi mang y awm nai Israela cheng bawibawichi i molam y, kai ai leu pei nai ne.

JEREMIA 46:14

“Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

Ezekiela 29:10

kai ly nang i paleung ka-e, Naing tavo i paleung ka-e py ne. Tosyh mang i Mikadol mary i ka-so, tokalawi mang Asavan mary y khrairei, Sudan khujyh ryrei, Aikupta pri verei y khumi angso savai tlang nai meingtym lawm hai ai.

JOSUA 24:6

Kai ly nangchi i amsi pajochi ai Aikupta pri i dengdairei patheu nai khala, Aikupta chengchi ly nichi nithun keaungngo ka-richi, keaungngo risachi hawi hui iy tiu u. Nichi ly pangli kamsenra tym u nai khala,