THEU NAI 13:9 - Khumi Common Language Bible

⁹ Areng ly sa thai naira len parai nai hawimy nangchi ai, Aikupta pri i dengdairei patheu nai deaungkho y, nangchi ly Areng i reita leu pei nai ai thui aninau ai nai pawi ly nangchi i kiu, ti y baly nangchi i lukatira y akawm nai ka-ma-ra sai sairei kamta, nangchi ai pany hai jo ai.

THEU NAI 13:9 ပူးပေါင်းရင်းမြစ်များ

NEHEMIA 1:10

“Aw Areng, hinichi ly nang i khumichi, nang i miseaungchi ne; nang ly ham parai nai haiho, atho awm nai kiu hawi nichi ai atleu bo.

SAM 136:11

Mymy ly Israela chengchi ai Aikupta pri i dengdairei pahawi bo; mymy i tamen nai ly deungtasarei ne.

SAM 136:12

Huna nai kamta pahawi nai ly atho awm parai nai kiu hawi py, sa thai naira awm nai kiuban hawi py ne; mymy i tamen nai ly deungtasarei ne.

SAM 89:13

Nang ly khri pa-rei sa thai naira len na ly! Nang i atho ly khri pa-rei len na ly!

THEU NAI 12:14

Kai, Areng my sa pi nai ai pany jo ai nai hini kani y, pawi sa u ai nai tla. Nangchi ly huni kani y Tameuh i pawi sa jojo ai nai tla.

THEU NAI 12:41

Saneng chungvai palyh pa-ngo phairei kheih nai huni kani Areng i khumi Israela chengchi ly Aikupta pri i nai theu u bo.

THEU NAI 13:14

Khawnvai kani y nang i chapo my, ‘Ati mana nai y hina nai sa lawh mo?,’ nanai angdeng lawh baly, ‘Areng ly sa thai naira len parai nai hawimy, achi ai Aikupta pri y miseaung achei naira i nai ang pahawi nai ne.

THEU NAI 13:16

Areng ly sa thai naira len parai nai hawimy, achi ai Aikupta pri i dengdairei ang pahawi nai deaungkho y, hini pawi ly nang i kiu y akhen nai, ti y baly lu kati y abyn nai ka-ma-ra kamta ne i, nangchi ai pany hai jo nai ne,’ nanai thui pi ai nai tla,” napi.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 3:20

Na i py kai i sa thai naira hawi rengrang ka-ma-rachi patei iy, Aikupta chengchi ai kapajeng ai. Hunaibaly samrang ly nangchi ai theu ai nai ang pei ai.

LEU KACHENG 1:9

Apu parai nai lupeu hawi kaneaung akhen ly nang i mo-cha ai khen apu hai nai kamta, nang i ngamhm ngampo my ang thui ang parip naichi py, nang i kaja hawi tleaung y hawira ai.

LEU KACHENG 3:21

Deang awi, nang i cheng naira hawi dawn pany praw thai nai cheng naira ai ly kry ba. Mana khala py nang hawi amprei hai vui moh.

Solomon i khulym 8:6

Kai ai ny y baly takhra ami ai py khrei moh; Kai ai ny y baly takhra ami ai py takawi moh. Khrei nai paleung ly dei nai kamta sa thai naira awm; khrei nai mai ly tavau saleaung kamta atho awm. Huni ly vaimy angveaung ryp iy, atho awm nai mai kadeu kamta, kang hai pajau nai ne.

ISAIA 27:1

Huni neng khala y Areng ly chiu parai nai haisau hawi a-ieih naimy awm nai pavui pui tuireng nam (Levithan) ai pajeng iy, pangli Naka pui ai py padei ai.

ISAIA 40:10

Ati cheaungkhang sa thai nai Areng ly mymy atleu nai khumichi aipalau iy, sa thai naira hawi peang ai nai ang jeu ai.

ISAIA 44:5

“Khumichi ly leaungrei bo y leaungrei, ‘Kai ly Areng i khumi ne,’ nanai thui u ai. Nichi ly Israela chengchi hawi vanrei jeu iy awm u ai. Nichi ly khumi luteng kiubanra y Areng i amyn tajiu u iy, mymychi naimy Tameuh i khumi, nanai apalau u ai,” napi.

ISAIA 49:16

Aw, Jerusalem mary, kai ly nang ai mana khala py tami pajau y! Kai i kiu padawi y nang i amyn tajiu kheng bo.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

JEREMIA 22:24

Areng ly Jehojakim i chapo Juda samrang Jehojakhin ai, “Nang ly kai i lamtang kiu y awm nai pajawp typ nai ka-ma-ra kiusabyh ne lawh teu i py, kai ly Tameuh kangheng ne nai y, kai ly nang ai kang pajiu vui ai.

DANIELA 9:15

“Aw kaichi i Areng Tameuh, nang ly nangmy i khumichi ai Aikupta pri i dengdairei pahawi iy, sa thai naira patei pi bo. Kaichi ly nang i sa thai naira ai vai khrairei, pany pi jo nai ne. Kaichi ly kamngo sa u bo, hawi y naira kasa u lawh bo.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

Kati Nai 15:39

Nangchi ly huni thaiphelawmchi niu nai tleirei, kai i leu pei nai ngierei tangai iy teaung patawm jojo ai. Huna nai khala nangchi ly kai ai khai su iy, nangmychi ngaingai sa u ai ny y.

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

ROM AVANGCHI TENG Y PAWLA I CHA PA NAI 10:8

Huni ly ati thui mo? Leu my ly ang kasa, nang i labeaung y hawi nang i paleung y py awm, nanai thui; huni ly kaichi i kang thui pi reng nai ym nai leu ne:

Leu Thui Nai 30:14

Huni reita leu pei nai ly hi y nangchi hawi vanrei awm. Nangchi pany yb nai reita leu, nangchi my patawm thai nai reita teu. Hunai deaungkho y nangchi ly huni reita ai vai patawm u.

Leu Thui Nai 5:15

Nangchi ly Aikupta pri y miseaung y awm vai nai py, nangchi i Areng Tameuh ly nangchi ai mymy i sa thai naira hawi atleu nai py pany u jo ba. Huni molam y kai ly nangchi ai Anawn kani ja ai nai leu pei nai ne.

Leu Thui Nai 6:21

nichi teng y, ‘Achi ly Aikupta samrang teng y miseaung achei nai thym khala, Areng my sa thai naira len parai nai hawimy achi ai atleu pi bo.

Leu Thui Nai 6:6

Vaini nangchi teng y kang pei nai reitachi ly mana khala py tami u moh.

Leu Thui Nai 6:8

Nangchi ly huni leu reitachi pany jo ai nai, nangmychi i kiubanra py, lu katira py akawm u ai nai tla.

AMTENG HAI NAI 18:8

Hunai deaungkho y kanirei y ly mymy ai patang hai nairachi, dei naira hawi, paleung mawn naira hawi, takang theu nai py tym bawibawi ai:naibaly mymy ai ly mai y kang hai bebe ai; ati mana nai mo nabaly ni ai tara chih pi pawn nai Areng Tameuh my ly ham parai nai ne.

TARA CHIH NAI KEUNGCHI 2:12

Nichi ly mymychi amsi pajochi i Tameuh, mymychi ai Aikupta pri i dengdairei pahawi nai Areng ai chiu y naimy, mychi tengpang i khumichi chiu nai tameuhchi ai chiu vui bo. Nichi ly huni tameuhchi mo y lu meung u nai deaungkho y, Areng ai kado theu hai u bo.